कोरोना संक्रमित पूर्वभूमिसुधार सहायकमन्त्री प्रकाश चित्रकार उपचारया झ्वलय् मन्त ।

चित्रकारया भैरहवा च्वंगु युनिभर्सल मेडिकल कलेज शिक्षण अस्पतालय् सोमवाः सुथय् मदुगु खः ।

सिद्धार्थनगर नगरपालिका–७ या स्थायी बासिन्दा चित्रकार ज्ञानेन्द्र शाहया शासनकालय् भूमिसुधार सहायकमन्त्री जुयादीम्ह खः ।

अस्पतालया सूचना अधिकृत सुशील गुरुङया कथं वयकः शनिवाः अस्पतालय् भर्ना जुयादीगु खः। निमोनिया व सासः ल्ह्यायेगु समस्या जुगु खः ।

प्रधानमन्त्री केपी शर्मा ओलीं देशबासीपिनिगु नामय् सम्बोधन यायेत्यंगु दु।

थौं न्हिनसिया ३ः३० बजे कोभिड–१९ महामारी व समसामयिक विषययात कया सम्बोधन यायेत्यंगु दु धका वयकःया प्रेस सल्लाहकार सूर्य थापां जानकारी बिगु दु ।

अपी पावर कम्पनीयात हकप्रदन निष्कासन अनुमति बिगु दु।

नेपाल धितोपत्र बोर्ड कम्पनीयात वैशाख १९ गते कम्पनीयात १ः०.२९३८ प्रतिशतया अनुपात हकप्रद निष्कासन यायेगु अनुमति बिगु दु ।

कम्पनीं २०७७ फागुन ९ गते हकप्रद सेयर जारी यायेगु अनुमति माग यासे नेपाल धितोपत्र बोर्डय् आवेदन बिगु खः ।

कम्पनीं  प्रतिकत्ता १०० रुपैयाँ अकित मुल्यय् हाल कायम चुक्ता पुँजीया ०.२९३९ प्रतिशत जुइगु ५६ करोड ७० लाख रुपैयाँ बराबरया ५६ लाख ७० हजार कित्ता हकप्रद सेयर जारी यायेगु अनुमति माग यागु खः।

बोर्ड कम्पनीयात उगु हकप्रद सेयर जारी यायेगु स्वीकृत बिगु खः । कम्पनीं  हकप्रद सेयर जारी यायेगु बिक्री प्रबन्धकय् मुक्तिनाथ क्यापीटलयात नियुक्त यागु दु।

सूर्य चिं ज्वना निर्वाचितजुपि लुम्बिनी प्रदेशया प्रदेश सभा सदस्य धर्मबहादुर लाल श्रीवास्तव व अजय शाहीं न मुख्यमन्त्री शङ्कर पोखरेलयात हे समर्थन दु धका धागु दु।

कपिलवस्तु–२ ख पाखे निर्वाचित श्रीवास्तव व नवलपरासी पश्चिम १ ख पाखे निर्वाचित शाहीपिन्स विज्ञप्ति पिकया सूर्य चिंपाखे निर्वाचित जुगुलि थःपि एमाले संसदीय दल हे दुगु प्रतिबद्ध दु धका धयादीगु दु।

कुलप्रसाद केसी तक सरकार गठनया सन्दर्भय् दाबीयासे हस्ताक्षर बदनियत व त्रुटिपूर्ण जुगु धका विज्ञप्तिइ धयातःगु दु ।

‘जिपि नेकपा एमाले प्रदेश संसदीय दलप्रति प्रतिबद्ध दुगु संसदीय दलया नेता माननीय मुख्यमन्त्री शङ्कर पोखरेलप्रति हे समर्थन दु धका स्पष्ट याये चाहे जू’, विज्ञप्तिइ धयातःगु दु ।

कर्णाली प्रदेश सरकारं कोरोना भाइरस (कोभिड–१९) संक्रमणं सीपिनिगु परिवारयात राहत कथं छगु लाख रूपैयाँ बिइगु निर्णय यागु दु।

शुक्रवाः च्वंगु प्रदेश मन्त्रिपरिषदया बैठकं कोरोना संक्रमण सीपिनिगु परिवारयात राहत कथं उगु रकम उपलब्ध यायेगु निर्णय जुगु धका प्रदेश सरकारया प्रवक्ता विमला केसीं जानकारी बिगु दु।