Display Style:
Column Style
नेपालय् थौं १९म्ह कोरोना संक्रमणया हुनिं मन्त
लहानान्युज | चौलागा पंचमी ११४१,बैसाख १८ सनिवाः
नेपालय् थौं २२म्ह कोरोना संक्रमणया हुनिं सीगु दु । सीपिंलय् बांकेया थीथी अस्पतालय् वासः याकाच्वंपिं ३, दाङया २ व कपिलवस्तुका छम्ह खः ।
अथेहे रुपन्देही व नवलपरासी पश्चिमया निम्ह कोरोना संक्रमित वासः यायेगु झ्वलय् बुटवलमा सीगु दु । उखे कञ्चनपुरय् नं मेगु ४म्ह संक्रमित मृत्यु जूगु दु । महाकाली अस्पतालय् निम्ह, होम आइसोलेसनय् च्वनाच्वम्ह छम्ह व वासः यायेत यंकेगु झ्वलय् लँय् हे छम्ह सीगु दु ।
अथेहे ताप्लेजुङय् सङ्क्रमित छम्ह सीगु दु । कैलाली नं थप स्वम्ह संक्रमितपिनिगु मृत्यु जूगु दु । मृत्यु जूपिं निम्ह मिसा व छम्ह मिजं खः । उखे कोरोना संक्रमणं बागलुङय् छम्ह ल्याम्हम मनु सीगु दु ।
अथेहे अर्घाखाँची नं छम्ह मिजंम्ह सीगु दु । सुर्खेतय् नं निम्ह कोरोना संक्रमणया हुनिं सीगु दु । अथेहे विरगञ्ज व सिन्धुपाल्चोकय् नं १÷१ मिजंम्ह कोरोना संक्रमित जुया सीगु दु ।
काभ्रेय् कन्ह्यनिसे निषेधाज्ञा लागू
लहानान्युज | चौलागा पंचमी ११४१,बैसाख १८ सनिवाः
काभ्रेय् कन्ह्यनिसे निषेधाज्ञा लागू याइगु जुगु दु ।
जिल्ला प्रशासन कार्यालय काभ्रेें थौं शनिवाः छगु सूचना जारी यासे १९ गते आइतवाः चान्ह्य २६ गते निसे १२ बजे तकया लागि निषेधाज्ञा घोषणा यागु दु।
अत्यावश्यक ज्या बाहेक पिहा मवनेत रोक लगे यागु दु। सार्वजनिक व निजी सवारीयात न अरनिको रागमार्गया साँगानिसे बनेपा, धुलिखेल, पाँचखाल जुया दोलालघाट तकया सतकया जःखःया ५०० मिटर तक सञ्चालन याये दइ मखु धका धागु दु ।
भारतपाखेया २२गू नाका बन्द यायेगु सीसीएमसीया निर्णय
चौलागा पंचमी ११४१,बैसाख १८ सनिवाः
कोरोना रोकथाम तथा नियन्त्रण यायेत गठन जूगु निर्देशक समितिं निषेधाज्ञा लागु जूगु जिल्लाय् थप कडाइ यायेगु निर्णय याःगु दु ।
म्हिगः सिंहदरबारय् च्वंगु मुँज्यां भारतपाखे चाःगु ३५गू मध्ये १३ गू नाका जक सञ्चालनय् हयेगु निर्णय याःगु दु । ल्यं दुगु २२ गू नाका पूवंक बन्द यायेगु निर्णय याःगु दु ।
अथेहे मुँज्यां निषेधाज्ञा लागु जूगु जिल्लाय् ४ब्वय् छब्व कर्मचारी तया ज्याकु न्ह्याकेगु निर्णय याःगु दु । थुगु निर्णय नापं सरकारी ज्याकु व बैक वित्तिय संस्थाया म्हो जक ज्याकु चालिइ ।
सरकारं क्वारेन्टाइनलिसें चकं दूगु नाकात काँकडभिट्टा, जोगमनी, पशुपतिनगर, भिठ्ठामोड, गौर, वीरगञ्ज, वेलहिया, कृष्णनगर, जमुनाहा, झुलाघाट, कोलुघाट, गौरीफन्टा व गड्डाचौकी दु ।
अथेहे मुँज्यां संघीय मन्त्रीयात प्रदेश समन्वय यायेगु याना खटे यायेत मन्त्रिपरिषदयात सिफारिस नं याःगु दु । थुकिया नापं मुँज्यां सार्वजनिक निर्माणया फुक्क ज्या बन्द यायेगु नं निर्णय याःगु दु ।
यदि निर्माण ज्या सुचारु यायेगु जूसा कामदार कर्मचारीतयेत निमार्ण लागाय् हे तयेमाः । उद्योगत सञ्चालन यायेगु जूसा मजदुर, कर्मचारीयात उद्योग परिसर दुने हे च्वनेगु याना सञ्चालन यायेत निर्देशन नं बिउगु दु ।
मुँज्यां नीजि अस्पतालतयेत कोभिड अस्पतालया कथं छ्यलेगु तयारी न्ह्याकेगु निर्णय नं याःगु दु । विदेशं नेपाल वःपिं विदेशीं क्वारेन्टाइन च्वनेत अनिवार्य यायेगु व नालामकाःसा डिपोट यायेगु नं निर्णय याःगु दु ।
क्वारेन्टाइनया कथं दूगु होटलयात थप ब्यवस्थित याइगु जूगु दु ।
निषेधाज्ञा उल्लंघनयापिं १२३८ गः सवारी साधनयात प्रहरी कारवाहीयात
लहानान्युज | चौलागा पंचमी ११४१,बैसाख १८ सनिवाः
बिदाया दिं पिहावंगु सरकारी गाडी नाप निषेधाज्ञा उल्लंघन यापिं १२३८ गः सवारी साधनयात प्रहरीं कारवाही यागु दु ।
निषेधाज्ञायात कडाइ यायेगु नीति कथं थौं शनिवाः सतकय् पिहावंगु सरकारी गाडीयात होल्डय् तयागु दु धका येँया प्रमुख जिल्ला अधिकारी कालीप्रसाद पराजुलीं धागु दु ।
बैतडीइ २४म्ह स्वास्थ्यकर्मीपिन्त सङ्क्रमण पुष्टि
चौलागा पंचमी ११४१,बैसाख १८ सनिवाः
कोरोना सङ्क्रमणया निक्वगु लहर फैलै जुया आःतक २४ म्ह स्वास्थ्यकर्मीपिन्त सङ्क्रमण पुष्टि जुगु दु धका स्वास्थ्य कार्यालयया प्रमुखं जानकारी बिगु दु।
प्रमुखया कथं दकलय् अप्वो पुर्चौंडी नगरपालिकाय् थीथी स्वास्थ्य संस्थाय् ज्यायाइपि १४ म्ह स्वास्थ्यकर्मीपिन्त सङ्क्रमण पुष्टि जुगु दु ।
अथहे पाटन नगरपालिकाया थीथी स्वास्थ्य संस्थाय् ज्यायाइपि प्यम्हेसित जिल्ला अस्पताल पीसीआर प्रयोगशालाय् ज्यायाइम्ह छम्ह, सीमानाकाया झुलाघाट हेल्थडेस्कय् ज्यायाइम्ह छम्ह, गुरुखोला स्वास्थ्यचौकीइ ज्यायाइम्ह छम्ह व बैतडी प्लसय् ज्यायाइम्ह छम्ह स्वास्थ्यकर्मीपिन्त सङ्क्रमण पुष्टि जुगु धका स्वास्थ्य कार्यालय धागु दु।
सङ्क्रमण पुष्टि जूसा स्वास्थ्यकर्मीपिनिगु स्वास्थ्य अवस्था गम्भीर मदु धका धागु दु।
