युनियन लाईफ इन्स्योरेन्स कम्पनीं आईपीओ निष्काशन यायेत नेपाल धितोपत्र बोर्डपाखे अनुमति बिगु दु।

थुगु कम्पनीयात ६४ लाख ५० हजार कित्ता आईपीओ निष्काशन यायेत बोर्डं अनुमति बिगु दु। कम्पनीं ७० प्रतिशत संस्थापक समूहयात व ३० प्रतिशत सर्वसाधारण समूहयात छुटे यागु खः।

सर्वसाधारण समूहयात छुट याना आईपीओ जारी याइ। आईपीओ निष्काशनया लागि कम्पनीं प्रवन्धकय् प्रभु क्यापिट यात ल्यंगु दु।

आः स्वनिगलय् २५ सिट स्वया अप्वो दुगु सार्वजनिक सवारी साधनय् जोर बिजोरया आधारय् चले याये दइगु जुगु दु।

थौं सोमवाः सुथय् काठमाडौं, ललितपुर व भक्तपुरया प्रमुख जिल्ला अधिकारीपिनिगु मंकाः बैठकं अथे निर्णय यागु खः।

काठमाडौंया प्रमुख जिल्ला अधिकारी कालीप्रसाद पराजुलीं २५ सिट स्वया अप्वो दुगु सार्वजनिक सवारी साधन जोरबिजोर प्रणालीया आधारय् चले याके बिइगु निर्णय याःगु जानकारी बिगु।

कोरोना भाइरस संक्रमणया कारण स्वनिगलय् वंगु वैशाख १६ गते निषेधाज्ञा जारी यागु खः।

प्रतिनिधि सभा विघटनविरुद्धया रिटय विपक्षीपिनिगु पाखे बहस सुरु जुगु दु। विपक्षीपाखे महान्यायाधीवक्ता रमेश बडालं बहस सुरु यागु दु।

बडालयात बहस यायेत ३ घण्टा ई बिगु दु। संवैधानिक इजलासय् म्हिगः आइतवाः रिट निवेदक पक्षया बहस क्वचाःगु खःसा थौं सोमवाःनिसे विपक्षीपिनिगु पाखे सरकारी वकिल व कानुन व्यवसायीपिन्स बहस सुरु यागु दु।

रिटय् विपक्षी दयकातःगु राष्ट्रपति, प्रधानमन्त्री व सभामुखया पाखे बहस यायेत १५ घण्टा ई छुटे यागु खः। वया लिपा रिट निवेदक पक्षपाखे थप ३ घण्टा लिसःया बहस याये दइ।

जवाफी बहसलिपा एमिकस क्युरीपाखे वरिष्ठ अधिवक्तापि राघवलाल वैद्य, उषा मल्ल पाठक, कोमलप्रकाश घिमिरे व प्रकाशबहादुर केसीपिन्स थःथःथु राय बिइ।

दकलय् लिपा प्रधानन्यायाधीश चोलेन्द्र शमसेर जबरा नेतृत्वं संवैधानिक इजलास न्यकिइ।

येँ स्वनिगलय् जोर बिजोर प्रणाली सार्वजनिक यातायात न्ह्याके दइगु कथं छवाः निषेधाज्ञा तनेगु तयारी जूगु दु । जोर बिजोर प्रणाली सार्वजनिक सवारी साधन न्ह्याकेत मापदण्ड या निणर्य याये हे ल्यंदनिगु धाःगु दु । येँ प्रमुख जिल्ला अधिकारी कालीप्रसाद पराजुलीं थौं स्वनिगःया प्रमुख जिल्ला अधिकारीपिनिगु मुँज्या च्वना निषेधाज्ञा सम्बन्धी मेगु उजं जारी यायेगु धयादिल । म्हिग च्वंगु मुँज्यां छुं नं क्वजिइ मफुसेंलि थौं हाकनं मुँज्या च्वनेत्यंगु खः । जिल्ला कोभिद संकट व्यवस्थापन केन्द्रं सार्वजनिक यातायात न्ह्याकेत सहजीकरण व पसःयात नियमित चायेकेबिइमाःगु सुझाव बिउसां स्वंगु जिल्लाया वस्तुस्थिति थुइका निणर्य यायेमाःगु वय्कलं धयादिल । निषेधाज्ञा पुवंक मचायेकेगु व तःहाकगु दूरीया सवारी साधनयात अभंm छवाः तक्क बन्द हे यायेमाःगु सुझाव वःगु वय्कलं धयादिल ।

नेपाःया विकासय् थपूया नितिं नेपाल सरकार व विश्व बैंक दथुई १५ क्वति अमेरिकी डलर अर्थात १७ अर्ब ७८ क्वति ज्वलिंज्वया ऋण सम्झौताय् ल्हाचि तय्ज्या जूगु दु । कोभिड १९ महामारींं उत्थानशील पुनरुत्थान लिसें तसकं विपन्न व जोखिमय् लाःपिनिगु संरक्षणया नितिं व दिगो विकासया नितिं नेपाःयात उगु रकमया ऋण दूगु खः । वित्तिय सम्झौताय् नेपाल सरकार व विश्व बैंक दथुई आइतबाः ल्हाचिं तःगु खः । थुगु सम्झौताय् नेपाल सरकारपाखें अर्थ मन्त्रालयया छ्याञ्जे शिशिर कुमार ढुंगाना व माल्दिभ्स, नेपाल व श्रीलंकाया नितिं विश्व बैंकया राष्ट्रिय निर्देशक फारिस हदाद जर्भोसं ल्हाचिं तयादिगु खः । थुगु ऋण ग्वहालिं कर व भन्सार प्रणाली, सार्वजनिक लगानी व्यवस्थापन, वातावरणीय नियमन व ऋण व्यस्थापन लिसेंया लागाय् थप सुधार याना नेपाःयात अझ क्वात्तुइकेगु व हरित पुनर्निमाणय् बः जुइगु छ्याञ्जे ढुंगाना धयादिल । आर्थिक वृद्धि, पुनरुत्थान लिसें उत्थानशीलताया लागि विकास निति सहयोग सम्बन्धी न्हापांगु भ्mवया ग्वहालि तसकं जोखिमय् लानाच्वंपिनिगु संरक्षणया नितिं छ्यलिइगु विश्व बैंकं न्ह्यथंगु दु ।