वीरगञ्जया नारायणी अस्पतालया प्रयोगशालाय् २८८ म्हेसिगु नमुना परीक्षण यागुलि १७५ म्हेसित कोरोना संक्रमण पुष्टि जुगु दु ।

संक्रमित मध्ये  १७५ मिजं व ४४ म्ह मिसापि खः ।

अस्पतालया कथं परीक्षणया लागि बिहीवा यागु नमुना संकलनय् ६०.७६ प्रतिशत सक्रमण खनेदुगु खः ।

संक्रमितपि पर्साया १३१ म्ह, बाराया ३४ म्ह, रौतहटया स्वम्ह, सर्लाहीया न्याम्ह, महोत्तरी व दाङया छम्ह छम्हेसित संक्रमण खनेदुगु धका नारायणी अस्पतालं धागु दु ।

कोरोना विशेष अस्पतालय् आइसीयू बेड अभाव जुया छम्ह संक्रमित लुम्बिनी प्रादेशिक अस्पतालया इमर्जेन्सी वार्डय् हे मन्त।

वैशाख १५ गते इमर्जेन्सीइ भर्ना जुम्ह बुटवल ११ या ८३ दँ दुम्ह मिजंम्ह १६ गते कोरोना संक्रमण पुष्टि जुगु खः।

इमर्जेन्सीइ अक्सिनया ग्वाहालिं वयागु शुक्रवाः सुथया ९ः२८ बजे मृत्यु मदुगु धका अस्पतालया प्रवक्ता डा. विष्णु गौतमं धागु दु ।

स्वास्थ्य कार्यालय रुपन्देहीया कथं रुपन्देही कोरोना संक्रमित सीपिनिगु ल्याः १८८ म्ह थ्यगु दु । वंगु २४ घण्टाया दुने जक रुपन्देहीइ खुम्ह सी धुकुगु दु ।

जिल्लाय् २५५२ म्ह सक्रिय संक्रमितपि दु।

सीईडीबी हाइड्रोपावर डेभलपमेन्ट कम्पनीया आईपीओ थौं शुक्रवाःनिसे आवेदन खुला जुगु दु ।

छगुकित्ताया एक सय अङ्कित दरं २५ लाख १८ हजार २३० कित्ता साधारण सेयर थौंनिसे आवेदन खुला जुगु दु ।

आईपीओ कम्पनीइ २ प्रतिशत अर्थात् ५० हजार ३६५ कित्ता सेयर कर्मचारी व ५ प्रतिशत जुइगु एक लाख २५ हजार ९११ कित्ता सेयर म्युचुअल फन्डयात छुटे यागु दु।

बाँकी २३ लाख ४१ हजार ९५४ कित्ता सेयर सर्वसाधारणपिन्त आवेदन बिइ फइ धका धागु दु । थुगु कम्पनीया लगानी दुगु लमजुङ जिल्लाये ४.४० मेगावाट राधी विद्युत् कम्पनी व ०.१८ मेगावटया यागे खोला जलविद्युत् आयोजना याना निगु हाइड्रोपावर परियोजना सञ्चालन जुयाच्वंगु दु ।

कम्पनीया लगानी दुगु राप्ती हाइड्रो एन्ड जनरल कन्ट्रक्सन लिमिटेड, दोर्दी खोला जलविद्युत् लिमिटेड व खारे खोला जलविद्युत् कम्पनी लिमिटेड याना स्वंगु आयोजना निर्माण जुयाच्वंगु दु।

पर्साया वीरगञ्जय् च्वंगु नारायणी अस्पतालय् उपचाररत थप स्वम्ह कोरोना संक्रमितपि सी धुकुगु दु ।

वीरगञ्जया निम्ह व छम्ह बाराय् जीतपुर सिमरा उपमहानगरपालिकाय् च्वम्ह छम्ह मिजं सीउगु दु ।

अस्पतालया कोभिड संयोजक डाक्टर सरोज रोशन दासया कथं वीरगञ्ज–१६ नगवा च्वम्ह ४८ दँ दुम्ह मिसा, वीरगञ्ज– ३ या ४७ दँ दुम्ह मिसा मदुगुु खः।

अथेअ‍े मेम्ह जीतपुर सिमरा–२४ या ७७ दँ दुम्ह मिजंम्ह मदुगु खः।

कोरोना भाइरस संक्रमित जुम्ह पूर्वलानि कोमल शाहयात प्लाज्मा थेरापीपाखे उपचार यायेगु सुरु यागु दु ।

वयकःयात म्हिगः बिहीवाः बहनि निसे प्लाज्मा थेरापीपाखे उपचार यागु दु । शाहयात सासः ल्ह्यायेत समस्या वंगु व अक्सिजनया न कमी खनेुगुलि बुधवाः बहनि निसे आइसियूतया यागु खः ।

आः न वयकःयातहाई फ्लो अक्सिजनया सपोर्टय् तया तःगु दु।

अस्पतालय् हे उपचाररत पूर्व जुजु ज्ञानेन्द्र शाहया अवस्था धासा सामान्य व स्थिर दु । तर वयकःयात न अक्सिजनया सामान्य सपोर्टय् उपचार जुयाच्वंगु दु ।

पूर्व अधिराजकुमारी प्रेरणाया अवस्था धासा सामान्य जुइ धुकुगु दु ।