जननायक बीपी कोइराला मेमोरिया ट्रष्टं “बीपी कोइराला अध्ययन अनुसन्धान केन्द्र” भवनया पलिस्था जूगु दु ।

थौं उगु भवन कांग्रेस सभापति शेरबहादुर देउवा, बीपीया काय् डा. सशांक कोइराला व येँ महानगरपालिकाया प्रमुख विद्यासुन्दर शाक्यलिसें संयुक्त कथं पलिस्था यानादिल । उगु भवन दयेकेया नितिं येँ महानगरपालिकां २गू क्वःति ध्येबाया आर्थिक ग्वहालि तकं यानादिगु दु । उगु भवनया नितिं बागमती प्रदेश सरकारं ५०गू लख व ट्रष्टया १गू क्वःतिया लगानी जुई । मेगु ध्येबा दातापिं पाखें ग्वहालि काइगु धाःगु दु । भवन निर्माणया नितिं थ्यंमथ्यं ४गू क्वःति ५०गू लख मालिगु अनुमान याःगु दु । येँ महानगरपालिका वडा ५ या हाँडीगामय् निर्माण जुइगु उगु भवन निर्माणया लागि यँ महानगरपालिकालिसें प्रदेश सरकारपाखे नं ग्वहालि दूगु प्रतिष्ठानया महासचिव रामचन्द्र पोख्रेलं जानकारी बियादिल ।

पलिस्था ज्यावलय् न्ववासें कांग्रेस सभापति देउवां बीपीया योगदानयात कदर याना भवन निर्माणया नितिं येँ महानगरपालिका लिसें ग्वहालि यानादिपिन्त पार्टीपाखें शुभाय् देछानादिल । बीपी राजनीतिक, साहित्यिक व सामाजिक व्यक्तित्वया तःमिं जुयादि’, देउवां धयादिल, बीपीया लुमन्ति झि सकसिनं यायेमा । वय्क विद्वान जक मखु राष्ट्रवादी व समाजवादी नेता तकं जुयादि ।’ थ्यंमथ्यं निगू मिनेट जक न्ववानादिम्ह देउवां वइगु ईलय् दक्वः नेपाःमिपिनि नितिं थ्वः केन्द्र बीपीया ख्याति व वय्कया बारे अध्ययन अनुसन्धान यायेगु केन्द्रया रुपय् बल्लाक्क दनिगु भलसा कयाच्वना धयादिल । ज्यावलय् सम्बोधन यासें कांग्रेस महामन्त्री व बीपी काय् सशांक कोइरालां बीपीया लुमन्तिइ भवनया पलिस्था जूगु दिंया महत्वकथं कयागु धयादिल ।

येँ महानगरपालिकाया मेयरज्यूयात सुभाय् बियादिल, मेयुज्यू नं बजेट बियादिल, उकिया लिधंसाय् थौं पलिस्था नं जुल । भवन ला संरचना जक खः । अन आत्मा दयेमा, आत्मां हे बः बिइगु खः । आत्मा दयाच्वनिकथं अध्ययन अनुसन्धान केन्द्रयात न्ह्याकादिसं ।’ वय्कलं धयादिल । ज्यावयात सम्बोधन यासें येँ महादगरपालिकाया प्रमुख शाकयं थः छुं ईलय् बीपीया विचाः न्यनेत व स्वयेत सार्वजनिक ज्यावलय् तकं वनागु लुमंकुसें थौं वय्कया हे लुमन्तिइ निर्माण जुइत्यंगु बीपी अधययन अनुसन्धान केन्द्र भवनया पलिस्था ज्याझ्वय् दुथ्याय् दुबले तसकं लसतां जाःगु धयादिल ।

मेयर शाक्यं, छुं ईलय् तापाक्क न्यनेगु व स्वयेगु व थम्हेसियां सम्मान यानाम्ह मनुया लुमन्तिइया भवनयात ग्वहालि यायेखन तसकं लय्ताकाच्वना’ धयादिल । ज्याभ्mवलय् कांग्रेस सभापति शेरबहादुर देउवापाखे ताकेता याना दुर्घटनापाखें देय्यात बचे यायेत इनाप यानादिल । बीपीं २०१५ सालय् हःगु दुई तिहाइ लिपाः तत्कालिन शासकपाखें लिछ्यात’ शाक्यं धयादिल, आः या नेतृत्वपाखें मुलुकयात गुगुनं दुर्घटना मजुइक देय्यात बचे याना न्ह्यावनिइ धैगु भलास कयाच्वना’ शाक्यं थः स्वर्गीय बीपीया कार्यकर्ता मजुसां नं छम्ह अनुयायी जूगु स्मरण यानादिल । देय् थपूया नितिं जीवन समर्पण यानादिपिं दक्व नेतापि हनेबःपिं जुयादि’, वय्कलं धयादिल । ज्याझ्वलय् उपमेयर हरिप्रभा खड्गी श्रेष्ठलिसें थीथी लागाया व्यक्तित्वपिनिगु ब्वति दूगु खः ।

शेयर बजाःया परिसूचक नेप्से थौं बुधवाः सामान्य घटे जुगु दु।

नेप्से थौं चार दशमलव १३ अङ्क कुहावया २ हजार ८२३ दशमलव ८७ विन्दुइ कुहावंगु खः। थौं बैंकिङ समूहया शेयर चार अङ्क, व्यापारय् २२ अङ्क, होटल समूहय् ५०, माइक्रो फाइनान्सय् ४७, जीवन बीमा समूहय् ११२ व लगानी समूहया शेयर १०५अङ्क घटे जुगु दु। विकास बैंक, जलविद्युत्, फाइनान्स, निर्जीवन बीमा, उत्पादन व मेमेगु समूहया शेयर धासा थहावंगु दु।

२२० कम्पनीया १ करोड ६२ लाख कित्ता शेयर ५ अर्ब ८३ करोड रुपैयाँया किनबेच जुगु खः। दकलय् अप्वो नेपाल इन्स्योरेन्स कम्पनीया ३० करोड रुपैयाँया शेयर किनबेच जुगु खः।

थौं एचआईडीसीएलया शेयर दकलय् अप्वो ४ प्रतिशत वया अप्वो घटे जुगु खः । समग्र बजाः घटे जूसा पोखरा फाइनान्स, सेन्ट्रल फाइनान्स, नेपाल फाइनान्स, मल्टिपर्पोज फाइनान्स व प्रोग्रेसिभ फाइनान्सया शेयर भाः १० प्रतिशतं थहावंगु दु।

थःत अभियन्ता धयाजुइम्ह ज्वाला संग्रौलां सरकारी कागजपत्र कीर्ते यागु लुगु दु धका प्रहरीं धागु दु।

प्रहरी परिसर, काठमाडांैया प्रमुख अशोक सिंहं अनुसन्धानया झ्वलय् सरकारी लिखत कीर्ते यागु प्रमाण फेला पिहावंगु दु।‘पक्राउ याना खनतलासी यागु इलये संग्रौलापाखे जन्मदर्ता व वया भात हिमाल उपाध्यायपाखे नाता प्रमाणित व सम्बन्ध विच्छेदया भ्वँ दगु दु,’ सिंह धागु दु, ‘उगु भ्वँ प्रमाणीकरण यायेत सम्बन्धित गाउँपालिकायात पौ च्वयागु इलय् फर्जी खनेदुगु खः।

’ मुद्दा शाखाया डीएसपी नरेन्द्र चन्दया कथं संग्रौलानाप पाँचथरया शैलुङ गाउँपालिकापाखे जारी जुगु जन्मदर्ताया प्रमाणपत्र खनेदु। ‘४ असार २०७४ य् जारी जुगु जन्मदर्ताय् गाउँ विकास समिति उल्लेख जुगु दु,’ चन्दं धागु दु, ‘जबकि व स्वया न्ह्यः हे गाविस खारेज जुया गाउँपालिका जुइ धुकुगु खः, अथे शंका जुया थप प्रमाणीकरणया लागि पौं छ्वयागु खः।’ उगु झ्ल्वलय् संग्रौलाया जन्मदर्ताय् हस्ताक्षर याम्ह सचिवं न उगु इलय् गाउँपालिकाय् ज्या यागु खने मदु धका प्रहरी धागु दु

वया भात उपाध्यायं नाता प्रमाणीकरणया पत्रय् कीर्ते यागु धका चन्द धागु दु। जापानय् च्वना सामाजिक सञ्जालय् उग्र स्टाटस च्वया चर्चाय् वम्ह संग्रौलायात प्रहरीं ६ असारय् कुटपिट यागु अभियोगय् ज्वंगु खः।

काठमाडौंया एसएसपी सिंहया कथं संग्रौलाविरुद्ध अभद्र व्यवहारया कसूर, जातीय भेदभाव ऐन व सरकारी लिखत कीर्ते सम्बन्धी कसूरय् छानबिन जुयाच्वंगु दु। अभद्र व्यवहारया कसूरय् दच्छिया कैद वा झीद्धःतका जरिवाना वा निगुलि जुइफु।

नेकपा एमालेया झिक्वःगु राष्ट्रिय महाधिवशेन ग्वसाः खलः कमिटी थौंया बैठकय् शिक्षा विज्ञान व प्रविधिमन्त्री कृष्णगोपाल श्रेष्ठबारे न्ह्यसःचिं थंगु दु।

उगु बैठकय् केन्द्रीय दुजः जगत विश्वकर्मां मन्त्री श्रेष्ठबारे न्ह्यसःचिं थंगु खः । जातीय विदेभयात प्रश्रय बिइगु ज्या मन्त्री श्रेष्ठं यागु धासे राजीनामा बिइमाःगु माग नेता विश्वकर्मा याःगु खः।

मन्त्री श्रेष्ठया पलाःबारे अध्यक्ष व प्रधामन्त्री केपी शर्मा ओलीयात तकं गम्भीर जुइत आग्रह याःगु खः। नेपाल उत्पीडित जातीय मुक्ति समाजयापाखें प्रधानमन्त्री ओलीयात गम्भीर ध्यानाकर्षण याकूगु खः ।

जातीय विभेदयात प्रश्रय ब्यूगु द्वपः फयाच्वम्ह शिक्षा विज्ञान व प्रविधिमन्त्री कृष्णगोपाल श्रेष्ठं राष्ट्रिय मानवअधिकार आयोग न्ह्यने थःगु गल्ती महसुस जूगु धका धाःगु दु ।

आयोगया पदाधिकारीलिसे सहलह जुगुलि मन्त्री श्रेष्ठं थःम्हेसिया गल्ती यानागु महसुस जूगु थुगु गल्ती आः मयायेगु धका धाःगु दु।

जातीय विभेद याःगु द्वपनय् गिरफ्तारी जुम्ह छेँथुवाःयात मन्त्री श्रेष्ठ थःगु झण्डावाल गाडीइ तयाः छेँ यंकेगु विवादय् लाःगु खः । आयोगं थुगु प्रकरणय् मन्त्री श्रेष्ठयात मंगलवाः आयोगया ज्याकुथिइ सःताः सहलह ब्याकूगु खः ।