वरिष्ठ कलाकार नाप संस्कृतिया अनुन्धानकर्ता एकाराम सिं थौं ५९ दँया बैशय् सोमबाः सनिलय् येँय्या भुइजःसि नगरपालिकाया चुनिखेल कपनया करुणा अस्पतालय् वासःया झ्वलय् मदुगु खः

कोरोना संक्रमण जुया वय्कः वंगु बैशाख ३१ गते अस्पतालय् सामान्य अवस्था भर्ना जुयादिगु खः। लिपा वय्कया स्वास्थ्य अवस्था जटिल जुगुलि आइसियु व भेन्टलेटरय् तया वासः जूगु खः ।

वयकलं लिपांगु इलय् येँ महानगरपालिकापाखें लागू याःगु नेपालभाषाया पाठ्यक्रम ‘येँ देय् म्हसीका’ या छगू तगिंनिसें च्यागू तगिं तकया सफूयात माःगु चित्रत च्वयादीगु खः।

चित्रकला विधाय् नं इलस्ट्रेशनय् विज्ञ जुयादिम्ह वय्क वर्ल्ड भिजन, आइयूसिएन लगायत संघसंस्थाय् नं आवद्ध जुया ज्या यानादिगु खः। नेपाल लिपि गुथिया संस्थापक मध्येया छम्ह खः।

वय्कया योगदानयात कदर यासें ज्यापू संस्कृति विकास कोषं “ज्यापू प्रज्ञा“ सम्मानित जुयादी धुकुगुम्ह खः ।

वंगु २४ घण्टाया दुन ४ हजार ४७२ म्हेसित कोभिड संक्रमण पुष्टि जुगु दु।

अथेहे वंगु २४ घण्टाय् १२ हजार २ म्हेसित नमुना पीसीआर व ५ हजार ९०१ म्हेसिगु एन्टिजेन परीक्षणपाखे ४ हजार ४७२ म्हेसित संक्रमण पुष्टि जुगु खः।

वंगु २४ घण्टाय् ९२ म्ह सीगु दु सा ६ हजार ९५१ म्ह संक्रमणमुक्त जुगु दु। थ्व नाप नेपालय् आःतक कोभिड–१९ नं सक्रिय संक्रमितपिनिगु ल्याः ८५ हजार ५४४ म्ह थ्यंगु दुसा सीपिनिगु ल्याः ७ हजार ९९० म्ह थ्य.गु दु धका स्वास्थ्य तथा जनसंख्या मन्त्रालयं धागु दु।

निषेधाज्ञाया इलय् न्हिनय् पसः चायकूगु आरोपय् प्रहरीं कोटेश्वरय् च्वंगु भाटभटेनी डिपार्टमेन्ट स्टोरया म्यानेजर सागर गुरुङयात ज्वंगु दु।

काठमाडौंया प्रमुख जिल्ला अधिकारी कालीप्रसाद पराजुलीया कथं निषेधाज्ञाया ई सुथय् ९ बजे तक जक डिपार्टमेन्ट स्टोरया ग्रोसरी कक्ष चायकेगु व्यवस्था दुगु खःसा न्हिनय् न चायकूगुलिं गुरुङयात ज्वंगु खः।

न्हिनय् खुला जुगु सूचं वंगुलि काठमाडौया सहायक प्रमुख जिल्ला अधिकारी उमाकान्त अधिकारी नेतृत्वया टोली अनुगमनया लागि कोटेश्वरय् च्वंगु भाटभटेनी डिपार्टमेन्ट स्टोरय् वंगु खः।

लुँया भाः थौं स्वसः क्वहावंगु दु।

थौं स्वसः क्वहा वया तोलां ९३ हजार ८ सय रुपैयाँ थ्यंगु दु धका नेपाल सुनचाँदी व्यवसायी महासङ्घं धागु दु।

अथेहे थौं वहः न झीन्यातका क्वहा वया तोलां १३ सय ५० रुपैयाँ कारोवार जुगु दु धका महासङ्घं धागु दु।