येँ महानगरपालिका १५ वडाय् बिश्व सम्पदाया दुने आनन्दकुटी बिहारय् अनधिकृत रुपं धर्मया नामय् जग्गा कब्जा यानाः कायेतु कुतः जुगुलि स्थनियपिन्स असफल यागु दु।

आनन्दकुटी बिहारयया मूलुखा च्वय् दक्षिण पाखें १०२ दँ न्ह्यः निसें थःपिन्सं निदँय् छकः बिन्ध्यबासिनी द्यःया कूलपूजा याना वयाच्वनागु थाय् धकाः प्यगू फिट हाँकः व निगू फिट ब्याःया शिलापत्र तयाः तःगु लुगु खः।

उगु शिलापत्रय् थःपिं काश्यप गोत्री अधिकारीथर गौरनिाथ छबिलाल व खादशानन्द उपाध्यायया बंशजया मंकाः मुज्यां १०२ दँ न्ह्यः निदँ छकः मार्ग शुल्क पुन्हिंया न्हिं पूजा यायेगु थाय् कथं न्ह्यथना तःगु खः। उगु शिलापत्र वंगु बैशाख ११ गते तःगु अनुमान याःगु दु ।

शिलापत्रय् तिथि २०७८ साल ११ गते धकाः च्वयातःगु खः । स्थानियपिन्सं निषेधज्ञा इलय् धार्मिक सदभाव सुनां नं स्यकेत मस्वयेमाः धकाः थथे अनधिकृत शिलापत्र तयाःवपिनिगु नां सार्वजनिक आःयात मयायेगु खँ धाःगु दु।

बुधवाः सेयर कारोबार मापक नेप्से परिसूचक दोहोरो अंक क्वहा वंगु दु।

न्हिच्छि यकं थहा क्वहा वंगु थौं बुधवाः नेप्से परिसूच्क १३ दशमलव ५६ अंक घटे जुया २ हजार ९ सय ४६ दशमलव ५८ अंकय् क्वहा वंगु खः। अथे क वर्गया कारोबार मापन याइगु सेन्सेटिभ इन्डेक्स २ दशमलव ८३ अंक कुहा वंगु दु।

न्हिच्छि यकं १ लाख ५५ हजार २३९ कारोबारपाखे २२१ कम्पनीया ३ करोड १३ लाख ५४ हजार २२ कित्ता सेयर किनबेच जुगु खः। उकि कारोबार रकम १६ अर्ब ९९ करोड ७० लाख ९२ हजार ७०३ रुपैयाँ थ्यगु खः।

नेपाल इन्स्यारेन्सया लगानीकर्तापिन्स थौं यक्को कमे यागु दु। थुगु कम्पनीया सेयर भाः ९ दशमलव ९५ प्रतिशतं थहावंना १ हजार ६ रुपैयाँ थ्यःगु दु। निगु थासय् युनाइटेड मोदी हाइड्रोपावरक कम्पनी व स्वंगु थासय् रिढी हाइड्रोपावर कम्पनी खने दुगु दु।

अथेहे अरुण भ्याली हाइड्रोपावर, सीईडीबी हाइड्रोपावर, बरुण हाइड्रोपावर, पोखरा फाइनान्स व प्रभु इन्स्यारेन्सया सेयर मूल्य ९ प्रतिशत थहा वंगु दु। उखे यक्को गुमे यागुलि न्हापागु थासय् युनाइटेड आइडीआई मार्दी, महालक्ष्मी विकास बैंक, साइन रेसुंगा डेभलपमेन्ट बैंक, मितेरी डेभलपमेन्ट बैंक, गरिमा विकास बैंक, लुम्बिनी विकास बैंकया सेयर भाः क्वहा वंगु दु।

आइसोलेशनय् च्वना च्वम्ह कोरोना संक्रमितम्ह छम्ह मिजंंम्ह सीगु दु।

भोजपुरया टेम्के मैयुङ गाउँपालिका–६ या ६४ दँ दुम्ह मिजंम्ह मदगु खः।

ख्यालि जुजु मदनकृष्ण श्रेष्ठ अस्पतालं डिस्चार्ज जुया छेँ लिहा वःगु दु।

अचानक मुटु स्यागुलिं वंगु शुक्रवाः चान्ह्यः १ बजे गंगालाल अस्पताल यकूगु खः। चिकित्सपिन्स यक्को न्वमावयत, यक्को च्वय क्वय मयायत धागु दु।

मुटइ हि प्रवाह जुइगु नसा ९९ प्रतिशत बन्द जुया अचानक तसकं मुटु स्यागु खः । शुक्रवाः बहनि अस्पताल यकूगु खःसा शनिवाः सुथय् हे एन्जियोप्लास्टि गरेर स्टेन्ट (धातुको ट्युब) तःगु खः।

ख्यालि जुजु मदनकृष्णया थ्व निक्वःगु शल्यक्रिया खः। वंगु वैशाख ६ गते परिवारया दक्को सदस्यपि नाप ख्यालि जुजु मदनकृष्णया कोरोना रिपोर्ट पोजिटिभ वंगु खः।

परिवारया बाँकी सदस्यपिनिगु रिपोर्ट नेगेटिभ वःगु दु सा वयकःया आः न रिपोर्ट पोजिटिभ हे दु।

नवनिर्वाचित राष्ट्रिय सभा सदस्य दृगनारायण पाण्डेयं सङ्घीयताया आधारय् पालिका व प्रदेशं काये मागु अधिकारया लागि थःम्हेसिा सः तयेगु धका धागु दु।

बुधवार राष्ट्रिय सभा सदस्यया शपथ ग्रहण लिपा सञ्चारकर्मीपि नाप खँ तयेगु झ्वलय् देशया सङ्घीयता, समावेशी व समानुपातिकताया आधारय् पालिका व प्रदेशं कायेमागु अधिकार अझ न काय मफुगुलि उकिया निति संसदय् स थ्वकेयगु धका धयादीगु खः।

वयकलं नेपालं लोकतन्त्र व संविधान ओझेलय् लागु दु धका धयादीगु खः। नेपाली कांग्रेसया उम्मेदवार पाण्डेय नेकपा (माओवादी केन्द्र), नेकपा (एमाले) माधव नेपाल पक्ष, जसपा उपेन्द्र यादव पक्ष व जनमोर्चा न समर्थनय् जेठ १७ गते लुम्बिनी प्रदेशपाखे राष्ट्रिय सभा सदस्यय् निर्वाचित जुगु खः।

पाण्डेययात बुधवाः राष्ट्रिय सभा अध्यक्ष गणेशप्रसाद तिमिल्सिनां शपथ ग्रहण याकूगु खः।