Display Style:
Column Style
थौं न मजुल प्रतिनिधि सभा विघटनविरुद्धया मुद्दा सुनुवाइ
लहानान्युज | कछलागा त्रयोदशी ११४१,जेष्ठ २५ मंगलवाः
प्रतिनिधि सभा विघटनविरुद्धया मुद्दा सुनुवाइ यायेगु लागि गठन जुगु संवैधानिक इजलास थौं मंगलवाः न च्वने मफुत ।
न्यायाधीश विवादया कारण ताःईनिसे प्रभावित जुगु इजलास पूर्व सूचना विना सोमवाः न स्थगित जुगु खः। मंगलवाः न संवैधानिक इजलास छु कारण मच्वंगु खः सिइमदुनि।
सोमवाः प्रधानन्यायाधीश चोलेन्द्र शमसेर जबरा अस्वस्थ जुगुलि इजलास मच्वंगु धइगु न अपुष्ट सूचं सार्वजनिक जुयाच्वंगु दु। संसद विघटन सम्बन्धी मुद्दा स्वयेत आइतवाः प्रधानन्यायाधीश जबरां थःगु नेतृत्वय् न्याम्ह सदस्यीय संवैधानिक इजलास गठन यानादीगु खः।
उगु इजलासय् न्यायाधीशपि दीपककुमार कार्की, मीरा खड्का, ईश्वरप्रसाद खतिवडा व डा. आनन्दमोहन भट्टराईपि दुगु खः।
जर्मनीपाखे भेन्टिलेटर लगायतया स्वास्थ्य सामग्री हस्तान्तरण
लहानान्युज | कछलागा त्रयोदशी ११४१,जेष्ठ २५ मंगलवाः
जर्मनीपाखे भेन्टिलेटर लगायतया स्वास्थ्य सामग्री हस्तान्तरण जर्मनी न नेपाल सरकारयात भेन्टिलेटर लगायतया स्वास्थ्य सामग्री हस्तान्तरण यागु दु।
स्वास्थ्यमन्त्री शेरबहादुर तामाङयात नेपालया लागि जर्मनीका राजदूत रोलान्ड शफरं त्रिभुवन अन्तर्राष्ट्रिय विमानस्थलय् स्वास्थ्य सामग्री हस्तान्तरण यागु दु।
परराष्ट्र मन्त्रालयया कथं जर्मनी न ६२ भेन्टिलेटर, ५० हजार स्वया अप्वो मास्क, गमबुट, टेन्ट लगायतया सामग्री जर्मनीया राजदूतं हस्तान्तरण यागु खः।
सर्वोच्च मन्त्रिपरिषद विस्तारया विरुद्ध वःगु रिटय् सुनुवाइ
लहानान्युज | कछलागा त्रयोदशी ११४१,जेष्ठ २५ मंगलवाः
सर्वोच्च अदालतय् मन्त्रिपरिषद विस्तारया विरुद्ध वःगु रिटय् सुनुवाइ जुइगु दु।
उगु रिटया पेशी न्यायाधीश ईश्वर प्रसाद खतिवडाया बेञ्च तोके यागु दु। बरिष्ठ अधिवक्ता दिनेश त्रिपाठी, अधिवक्ता राजकुमार सुवाल, शालिकराम सापकोटा, सितादेवी अधिकारी, कञ्चनकृष्ण न्यौपाने व विरेन्द्रप्रसाद शाह न मन्त्रिपरिषद बिस्तारविरुद्ध सर्वोच्चय् रिट दर्ता यागु खः।
विश्वासया मत काये मफुम्ह केपी शर्मा ओली नेतृत्वया सरकार कामचलाउ जक जुगुलि मन्त्रिपरिषद् विस्तार याये मिले मजुगु जिकीर रिट निवेदकपिन्स यागु खः।कछलागा त्रयोदशी ११४१,जेष्ठ २५ मंगलवाः
ओलीं याःगु मन्त्रिपरिषद् विस्तारविरुद्ध रिटय् थौं सुनुवाइ
लहनान्यूज | कछलागा त्रयादशी ११४१, जेठ २५ गते मंगलबाः
प्रधानमन्त्री केपी शर्मा ओलीं याःगु मन्त्रिपरिषद् विस्तारविरुद्ध सर्वोच्च अदालतय् दर्ता जूगु रिटय् थौं सुनुवाइ जुइत्यंगु दु ।
संसद् विघटन यानाः निर्वाचनया घोषणा याःगु कामचलाउ सरकारं संविधानअःखः मन्त्रिपरिषद् विस्तार याःगु धासें लाःगु ६गू रिटय् थौं सुनुवाइ जुइत्यंगु दु । वरिष्ठ अधिवक्ता दिनेश त्रिपाठी, अधिवक्ता कञ्चनकृष्ण न्यौपानेनापंयापिन्सं मन्त्रिपरिषद् विस्तारविरुद्ध सर्वोच्च अदालतय् रिट तःगु खः ।
थौंया सुनुवाइलं अन्तरिम आदेश ब्यूसा आःतिनि मन्त्री जूपिं हाकन पदमुक्त जुइ । प्रधानमन्त्री ओलीं शुक्रवाः जनता समाजवादी पार्टीया महन्थ ठाकुर–राजेन्द्र महतो पुचःया १०म्ह अले एमालेया निम्हेसित मन्त्री नियुक्त यानादीगु खः । वरिष्ठ अधिवक्ता त्रिपाठीया रिटय् मन्त्रिपरिषद् विस्तार यायेगु प्रधानमन्त्रीया पलाः गैरसंवैधानिक, बदनियतपूर्ण व संविधान अःखः जूगु उल्लेख यानातःगु दु ।
थ्वसिवे न्ह्यः म्हिगः प्रधानन्यायाधीश चोलेन्द्रशमशेर राणा बिरामी जूगु धासें म्हिगःया नितिं क्वःछ्यूगु संवैधानिक इजलास लिछ्याःगु खः । प्रधानन्यायाधीश राणां थः बिरामी जूगु कारण क्यनाः संवैधानिक इजलास मच्वनेगु जानकारी बीवं म्हिगःया इजलास लिछ्याःगु खः । तर प्रधानन्यायाधीश राणाया स्वास्थ्यय् गू गन्यागु समस्या जुल धइगु विषय स्पष्ट मयाः ।
सर्वोच्च स्रोतं धाःकथं संवैधानिक इजलासया मेगु पेसी बुधवाः क्वःछ्यूगु दु । थ्वसिवे न्ह्यः आइतवाः प्रधानन्यायाधीश चोलेन्द्रशमसेर जबरां थःनाप न्यायाधीश दीपककुमार कार्की, मीरा खड्का, ईश्वर खतिवडा व आनन्दमोहन भट्टराई दुथ्याःगु संवैधानिक इजलास गठन यानादीगु खः । इजलासय् दुपिं न्यायाधीशपिन्त न्ह्यसः थनेवं न्हापांगु वालंनिसें मुद्दाया मूल विषयलय् दुहाँवने मफुनि ।
आइतवाः न न्यायाधीशपिनिगु निष्पक्षताय् न्ह्यसः थनेवं उकिइ हे जक बहस यायेमाःगु खः । सुनुवाइया झ्वलय् प्रधानमन्त्री केपी शर्मा ओलीयात धारा ७६ (५) कथं प्रधानमन्त्री यायेत आदेश माग यानाः रिट ब्यूपिं प्यम्हेसिनं संवैधानिक इजलासया रोस्टरय् दुपिं सुं न न्यायाधीशं थ्व मुद्दा स्वये मदइगु यानाः निवेदन ब्यूगु खः ।
संवैधानिक इजलासया रोस्टरय् प्रधाननन्यायाधीश राणा, न्यायाधीश दीपककुमार कार्की, मीरा खड्का, हरिकृष्ण कार्की, विश्वम्भर श्रेष्ठ, ईश्वरप्रसाद खतिवडा, आनन्दमोहन भट्टराई, अनिल सिन्हा, प्रकाशसिंह राउत, सपना प्रधान मल्ल, तेजबहादुर केसी, बमकुमार श्रेष्ठ व टंकबहादुर मोक्तान दु । इपिं न्यायाधीशपिनिगु संसदीय सुनुवाइ यानाः अनुमोदन यायेगु समितिइ आः प्रतिनिधिसभा विघटनविरूद्ध रिट ब्यूपिं गुलिख्य निवेदक तकं दुगु तर्क यानाः सरकार पक्षया कानुन व्यवसायीपिन्सं रोस्टरं थ्व मुद्दा स्वये मदइगु तर्क याःगु दु ।
६० निसे ६४ दँ दुपि १ लाख महानगरवासीपन्त भेरोसेल खोप थौंनिसे ःमेयर शाक्य
रसिया श्रेष्ठ | कछलागा त्रयोदशी ११४१,जेष्ठ २५ मंगलवाः
कोरोना विरुद्धया खोप कावपिन्त येँ महानगरपालिकां चिया व बिस्कुट न बिगु जुगु दु।
दक्को खोप केन्द्रय् खोप कावपिन्त छु ई आराम यायेत बिइगु व आराम यायेगु झ्वलय् दिक्क मजुकेत चिया बिस्कुटया न व्यवस्थापन यानागु दु धका महानगरपालिकाया मेयर विद्यासुन्दर शाक्यं जानकारी बियादीगु दु।
येँ महानगरं थुगु चरणय् झण्डै १ लाख जेथाजेथीपिन्त कोरोना विरुद्धया खोप बिइगु लक्ष्य दु धका मेयर शाक्यं धयादीगु दु। वंगु इलय् अस्पतालय् केन्द्र दयका खोप अभियान सञ्चालन जुगुलि कोरोना विरुद्धया खोप लगे यायेत वंपिन्त येँ महानगरपालिकां चिया व बिस्कुट बिइगु खः।
दक्को खोप केन्द्रय् खोप बिइगु लागि छु ई आराम यायेत व आराम यायेगु झ्वलय् दिक्क मजुइमा धका चिया बिस्कुटया न व्यवस्थापन यानागु धका येँ महानगरपालिकाया मेयर शाक्यं जानकारी बिगु खः। येँ महानगरं थुगु चरणय् झण्डै १ लाख वृद्धवृद्धापिन्त कोरोनाविरुद्धया खोप बिइगु लक्ष्य तयागु धका मेयर शाक्यं धयादीगु खः।
न्ह्यःयागु चरणय् न खोपय् महानगरपालिकाया हे व्यवस्थापनय् सञ्चालन यागुलिं सहज जुगु धइगु प्रतिक्रिया वंगुलि थुगु पटक न ३२ गु वडाय् ३२ गु केन्द्र हे थुगु अभियान सञ्चालन यानागु धका मेयर शाक्यं धयादीगु खः।
वडा खोप केन्द्र थुकथं दु
१. नन्दी रात्री स्कुल, नक्साल
२. वडा कार्यालय, लाजिम्पाट
३. वडा कार्यालय, महाराजगञ्ज कान्ति सांस्कृतिक केन्द्र
४. वडा कार्यालय, वालुवाटार
५. वडा कार्यालय, हाँडीगाउँ
६. महेन्द्र बौद्ध उच्च माध्यमिक विद्यालय, बौद्ध
७. वडा कार्यालय, मित्रपार्क, चावहिल
८. गोल्डेन लाइट पार्टी प्यालेस, जय बागेश्वरी
९. अनुपम फुडल्याण्ड, बत्तीस पुतली
१०. म्याक डोनाल्ड पार्टी प्यालेस, मध्यबानेश्वर
११. विश्व निकेटन उच्च माध्यमिक विद्यालय, त्रिपुरेश्वर
१२. बुद्ध माई अस्पताल, टेकु
१३. जनप्रभात माध्यमिक विद्यालय, कालीमाटी
१४. वडा कार्यालय, भुवनेश्वरी कलंकी
१५. भुइँखेल चौर, स्वयम्भू
१६. बहुउद्देश्यीय मार्सल आर्ट केन्द्र, जुडो हल, नयाँ बजार
१७. पब्लिक युथ क्याम्पस, धोवी चौर
१८. पुष्पलाल पार्क, विष्णुमती किनार
१९. वडा १९ कार्यालय परिसर,
२०. शान्ति निकुञ्ज माध्यमिक विद्यालय, भगवती बारी
२१. सामुदायिक सहरी स्वास्थ्य क्लिनिक, यंगाल
२२. वडा कार्यालय, टेवहाल
२३. नव आदर्श विद्यालय, बसन्तपुर
२४. इतुमबहाल, तारणीबहाल
२५. कन्या मन्दिर माध्यमिक विद्यालय, छत्रपाटी
२६. वडा कार्यालय परिसर, लैनचौर
२७. महावौद्ध चोक
२८. कार्यालय परिसर, सिटी मार्केट
२९. विजय स्मारक माध्यमिक विद्यालय, डिल्लीबजार
३०. सामुदायिक सहरी स्वास्थ्य क्लिनिक, ज्ञानेश्वर चोक
३१. इ.पी.एस. स्कूल, मीनभवन
३२. वडा कार्यालय परिसर, पाल्पाकोट
