पूर्वप्रधानमन्त्री डा. बाबुराम भट्टराई न संक्रमणकालीन न्यायया विषयय् मंकाः सहमति यायेमाःगु धका धयादीगु दु। सत्य निरुपण व वेपत्ता आयोग ब्लाकमेलिङ यायेगु साधन जुइ मज्यु धका धयादीगु दु ।

थौं शनिवाः थःगु न्हुगु सफु ‘गुमनाम आमाहरू’ या लोकार्पण जुगु ज्याझ्वलय् भट्टराई न आयोग दयेके धुका गुलि मनूत हेग वने मालि धका धयादीगु दु । वयकल थ्व स्वया न्ह्यः, छाय् हेग वने मालीइ? थ्वे महान क्रान्ति खः, क्रान्ति यापिे पावत सू न हेग वःपि दु ला?’

शान्ति सम्झौता व संविधानया अभिन्न अंग जुगु धका धयादीसे थज्यायात खेलवाडया विषय दयके मज्यु धका धयादीगु दु। थःपि माओवादी आन्दोलन मखुसे तत्कालीन माओवादी पार्टी दुने जक त्वताःगु खः धाःसे वयकल जनयुद्ध, मधेस आन्दोलन लगायतबारे मंका बुझाइ जुइमाः धका धयादीगु दु ।

प्रधानमन्त्री केपी शर्मा ओलीं बुटबल उपमहानगरपालिका, ३ गोलपार्क, बमघाटय् लुम्बिनी केवलकारया शिलान्याश यानादीगु दु। लुम्बिनी केबलकार प्रालिपाखे निर्माण जूगु थुगु केबलकार बमघाटपाखे बसन्तपुर डाँडातक वनिइ ।

स्वगू किलोमीटर ताहाकःगु केबलकारया यात्रा लिपा बसन्तपुर डाँडाय् सुविधा सम्पन्न होटल, मनोरञ्जन पार्क व देगः दुगु संरचना निर्माण जुइ त्यःगु खः । प्रधानमन्त्री ओली सरकारं विकासया ज्या यक्को न्ह्या वनच्वंगु दु धका धयादीसे थुगु ज्याय् न सरकारया पाखे माःगु ग्वाहालि जुइ। कोभिडयाना देशया पर्यटन क्षेत्रय् लागु धक्कायात तक थुगु परियोजनाया ग्वाहालि जुइ धका धयादीगु दु।

प्रम ओलीं बुटवलया जनसंख्या, भारतया उत्तरप्रदेश नाप लुम्बिनी वइपि विदेशी पर्यटकया दथुइ थुगु केबलकार लोकप्रिय जुइ धका धयादीगु दु । आयोजनाया निर्माणकर्तापिन्स आयोजना दच्छिया दुने सम्पन्न यायेगु प्रतिवद्धता यागुलि प्रसंशा यासे सरकारपाखे गर्दै यसका लागि जेजस्तो सहयोग चाहिन्छ सरकारले गज्यागु ग्वाहालि माःगु खः उगु ज्या यायेत तयार दु धका धयादीगु दु। अर्थमन्त्री विष्णु पौडेलं बुटवलया विकास निर्माणया ज्या यक्को न्ह्या वना च्वंगु दु व थुगु लुम्बिनी केबलकार रोलमोडल जुइ धका धयादीगु खः।

मुख्यमन्त्री शंकर पोखरेलं विकास सकसिगु लागि खः, थुगु आयोजनापाखे लुम्बिनी प्रदेशया जिपि दक्को लय्ताःगु दु धका धयादीगु दु। लुम्बिनी केबलकार प्रालिया अध्यक्ष नाप आइएमई ग्रुपया अध्यक्ष चन्द्रप्रसाद ढकालं थुगु क्षेत्रयात नेपाःया छगु ऐतिहासिक व पर्यटकीय संगमस्थल सहित गन्तव्यया रुपय् विकास यायेगु कुतः यायेगु लागि थुगु आयोजना सुरु यानागु धका धयादीगु खः ।

किपा सामाजिक संजालपाखे

येँया थीथी थासय् थौं छु ईया लागि मत मवइगु जुगु दु ।

थौं साँखु, गोठाटार व कोटेश्वरय् मत वनिइ धका नेपाल विद्युत प्राधिकरण बानेश्वर वितरण केन्द्रं धाःगु दु । थुगु थासय् थौं सुथय् ११ बजनिसे न्हिनया २ः३० तक साँखु फिडर अन्तर्गतया मत वइमखु धका केन्द्रं धाःगु दु ।

थुगु फिडर अन्तर्गतया मत बन्द यायेवं गोकर्णेश्वर चौतारा, नाम्गेल, वीपी चोकनिसे सुन्दरीजल मेलम्ची दोबाटो काठमाण्डौ उपत्यका खानेपानी प्रशोधन केन्द्र व अथेहे सडकखण्ड थासय् मत वनिइगु जुगु दु । अथेहे कोटेश्वर फिडर अन्तर्गतया मत न्हिनय् १ः० बजे निसे ४ः३० बजे तक मत वइ मखु। थ्वे फिडरय् लाइन काटे यायेवं पेप्सीकोला उद्योग, पेप्सीकोला टाउन प्लानिङ व अनया जःखः थासय् मत वनेत्यःगु खः ।

अथेहे कपन फिडर अन्तर्गतया थासय् कन्ह्य मत वनेत्यःगु खः । कपन फिडर अन्तर्गत कन्ह्य सुथय् ११ बजे निसे न्हिनय् १ः३० बजे तक मत मवइगु धका केन्द्रं जानकारी बिःगु दु।