लिपागु २४ घण्टाय् थप ६६५३ म्हेसित कोरोना भाइरस संक्रमण पुष्टि जुगु दु।

स्वास्थ्य तथा जनसंख्या मन्त्रालयया कथं १०१ म्ह सीगु दु व ८६६३ म्ह कोरोनामुक्त जुगु दु।

स्वास्थ्य तथा जनसंख्या मन्त्रालयया कथं १४ हजार १८२ म्हेसिगु पीसीआर परीक्षणय् ४६२४ व ६६३१ म्हेसिगु एन्टिजेन परीक्षणय् २०२९ याना ६६५३ म्हेसित संक्रमण पुष्टि जुगु दु।

थ्व नाप नेपालय् कोरोना संक्रमित जुपि ५ लाख ८१ हजार ५६० म्ह थ्यंगु दु। उकि मध्ये सक्रिय संक्रमितपि ९७ हजार ६९९ म्ह दु।

लिपागु २४ घण्टाया दुने स्वनिगः दुने १ हजार ३८४ म्हेसित कोरोना संक्रमण पुष्टि जुगु दु।

स्वास्थ्य मन्त्रालयया कथं थौं येँ जक ८९७ म्हेसित कोरोना पुष्टि जुग दु। अथेहे, ख्वपय् १८८ म्ह व यलय् २९९म्हेसित कोरोना संक्रमित जुगु दु

बिहीवाः देयन्यक थप ६६५३ म्हेसित कोरोना संक्रमण पुष्टि जुगु दु। २४ घण्टाया दुने १०१ म्हेसित कोरोना संक्रमणं सीगु दु।

कोरोनाया परीक्षण यायेत अस्वीकारपि निम्ह मनूपि सीगु दु।

एन्टिजेन परीक्षणया लागि स्वास्थ्यकर्मीपि गामय् वःगुलि न परीक्षण यायेत अस्वीकार यापि फिदिम नगरपालिका–८ या निम्ह मनू बिहीवाः सीगु दु।

उपि कोरोनाया लक्षणनाप मिले जुगु स्वास्थ्य समस्याया कारण सीगु खः। फिदिम–८ या कागते व घुमाउनेटार छेँ दुपि ७२ व ६२ दँ दुपि सीगु खः। उमित ज्वरो वइगु, छ्यं स्याइगु, मूसु वइगु स्वास्थ्य समस्या जुगु खः।

छम्ह बिहीवाः न्हिनय ३ः०० बजे थःगु हे छेँय् मदुगु खःसा मेम्ह सासः ल्हायेगु समस्या जुया उपचारया लागि फिदिम यकगु झ्वलय् चान्ह्यः ९ः०० बजे लँय् हे दुगु खः।