Display Style:
Column Style
लुँ तोला ७०० क्वहा वल
शोभा श्रेष्ठ | कछलागा नवमी ११४१, मंसिर २४ बुधवाः
छु दिंनिसे थहावना च्वंगु लुँया भाः थौं न्ह्यसः क्वहा वःगु दु ।
म्हिगः तोलां झीन्यासः थहा वना ९४ हजार एक सय रुपैयाँ थ्यःगु खःसा थौं न्ह्यसः क्वहा वया तोलाया ९३ हजार ४ सय रुपैयाँ थ्यःगु दु धका नेपाल सुन चाँदी व्यवसायी महासंघं धाःगु दु।
अथेहे वहः तोलान नीतका क्वहा वःगु दु।
थौं वहः तोलां नीतका क्वहा वया १२१५ रुपैयाँ न कारोबार जुःगु दु धका महासंघं धाःगु दु।
चोभारय् जेष्ठ नागरिक भवनया शिलान्यास
शोभा श्रेष्ठ | कछलागा नवमी ११४१, मंसिर २४ बुधवाः
प्रधानमन्त्री केपी शर्मा ओलीं देशय् हाकनं राजनीतिक समस्या हयेगु कुतः जुयाच्वंगु दु धका धयादीगु दु। किपूया सुन्दरीघाट चोभारय् ‘शान्ति सुद्धम्मावासा’ जेष्ठ नागरिक आवास गृहया शिलान्यास यानादीसे सत्य स्वया स्वार्थ अप्वो जुयावःगु व उकिइ शान्ति कायम याये जुइ मफइ मखु धका धयादीगु खः ।
‘झी नेपाःमिपि बुद्धया अनुयायी खः, झीपि न्ह्यावलय् न स्वार्थी मजुसे सत्यया पुजारी जुइमाः’– धका वयकलं धयादीगु खः। वःगु इलय् देशय् अशान्ति अप्वोया वःगुयात इंकित यासे वयललं नेपाली समाज पद भ्रष्ट जुइत स्वया च्वंगु धका धयादीगु खः।
नेकपा विप्लब समुह न मोरङ मिक्लाजुङया शिक्षक राजेन्द्र श्रेष्ठयात डकैती शैलिइ स्याःगु धका धयादीसे अज्याःगु गतिविधि याइपिन्त सरकारं गु न हालतय् माफी बिइ फइ मखु धका धयादीगु खः ।
नेपाःया लिपाःगु इलय् राजनीति अवस्था स्यना वनाच्वइगुलि वयकलं–‘आः पंखा चले याना वाःफये वकेगु कुतः जुयाच्वःगु धका धयादीसे, अज्यागु कुतः सफल जुइ फइ मखू। पार्टी खनेदुगु अन्तरविरोधप्रति लक्षित यासे वयकलं पंखा चले याना वाःफये वइ मखु धका धयादीगु खः।
वयकलं नेपाः बुद्धभुमी जक मखु बुद्धदर्शनया मुहान खः धका धयादीसे–शान्ति, मेलमिलाप व एकताया प्रतिक बुद्धया वाणीपाखे नेपाल विश्वया हे शान्तिभुमी खः धका धयादीगु खः।
ज्याझ्वलय् न्ववादीसे किपू नगरपालिकाया मेयर रमेश महर्जनं न्ह्यदँया कुतलं थुगु भवन निर्माण जुइ त्यःगु धका धयादीगु खः । वयकलं नगरपालिकां भवन निर्माणय् ग्वाहालि यायेगु धका न धयादीगु खः। ज्याझ्वलय् विहारया प्रमु्ख नाप परियोजना प्रमुख डा अनुजा गुरुमा न करिब ३० करोड लागतय् निर्माण यायेगु उद्देश्य थुगु भवन दयेके त्यनागु धका धयादीसे थकिइ सकसिगु ग्वाहालि दइ धका धयादीगु खः।
उगु ज्याझ्वलय् प्रम ओली व वयकया जहान राधिका शाक्य व शहरी विकासमन्त्री कृष्णगोपाल श्रेष्ठ न भुमीपुजा यानादीगु खःसा संघनायक बोधिसेन महास्थवीरया उपस्थिति दुगु खः।
प्रम ओलीया जहान राधिका शाक्यं जेष्ठ नागरिक भवन निर्माण यायेत ५ लाख रुपिया ग्वाहालि न यानादीगु खः।
‘मास्टर सेफ यूके–२०२०य् नेपाःया सेफ सन्तोष च्याम्ह उत्कृष्ट
लहानान्युज | कछलागा नवमी ११४१, मंसिर २४ बुधवाः
बीबीसीपाखे म्हिगः मंगलवाः बहनि प्रसारित जुया वयाच्वंगु ‘मास्टर सेफ यूके–२०२०’ या निगु चरणया प्रतिस्पर्धाय् नेपाली सेफ सन्तोष साह च्याम्ह उत्कृष्टय् लाकेत सफल जुगु दु ।
बेलायतय् च्वनावया च्वम्ह साह बीबीसीपाखे प्रसारण जुया वयाच्वंगु विश्वया प्रतिष्ठित हस्पिटालिटी क्षेत्रया टिभी रियालिटी सो ‘मास्टर सेफ प्रोफेसनल यूके प्रतियोगिता–२०२०’य् उत्कृष्ट च्याम्हय् थ्यनेत तालागु खः।
साह न उगु कासाय् नेपाली नँसा दयेका वयाच्वंगु खः।
सेमीफाइनलय् सन्तोषं बन तरुल व कट्टरया पू, स्याउया अचार, प्याजया अचार, तूसिया पूया परिकार दयेका च्याम्ह उत्कृष्ट ८ जुइत तालाःगु खः।
होम आइसोलेसनय् च्वपिन्त तारकेश्वर नगरपालिका न्याद्धः बिइगु
लहानान्युज | कछलागा नवमी ११४१, मंसिर २४ बुधवाः
तारकेश्वर नगरपालिकां कोभिड –१९ पोजेटिभ जुया होम आइसोलेसनय् च्वनाच्वपिन्त ५ हजार बिइगु जुगु दु। नगरपालिका दुने कोरोना संक्रमित जुुया होम आइसोलेसनय् च्वनापिन्त पोषण भत्ता कथं अथे ध्यवा बिइ त्यःगु खः।
कोरोना पोजेटिभ खने दया आइसोलेसनय् च्वनाच्वपि बिरामीयात प्रत्येक वडा कार्यालयपाखे स्वास्थ्य शाखाया समन्वय यासे वःगु विवरणया आधारय् उगु ध्यवा बिइगु व्यवस्था याये त्यःगु खः।
आःतक उगु नगरपालिकाय् कोरोना संक्रमितपि निद्धः व ८६ म्ह दु । सक्रमित जुपि मिसापि ८६६ म्ह व १२२० म्ह मिजंपि खः। कोरानामुक्त जूपि १८२९ म्ह थ्यने धुकुगु दु। कोरोनां अन सीपि न्ह्यम्ह दु सा आःतक सक्रिय संक्रमितपि २५० म्ह दु।
म्हिगः लुँ तोला १५०० थहावन
लहानान्युज | कछलागा नवमी ११४१, मंसिर २४ बुधवाः
लुँया भाः छन्हु हे १५ सय रुपैयाँ थहा वःगु दु।
लुँया भाः म्हिगः तोलां १५ सय रुपैयाँ थहा वना ९४ हजार एक सय रुपैयाँया थ्यगु खः।
वःगु साउन २३ गते लुँया भाः आःतक हे दकलय् अप्वो एक लाख ३ हजार ५ सय रुपैयाँ थ्यःगु खः ।
वया लिपा थहा क्वहा वया तोलां ९० हजार तक थ्यःगु खः।
