चितवन राष्ट्रिय निकुञ्ज व वया जःखः थासय् चखू गणना याइगु जुगु दु। चखू गणना यायेगु नेतृत्व यायेत बर्ड एजुकेशन सोसाइटी चितवनया पूर्वअध्यक्ष कथं चितवन राष्ट्रिय निकुञ्ज व जःखःया खुसिइ, तालतलैया व सिमसार थाय् लगायत थीथी थासय् चखूया गणना याये त्यःगु खल् । कसरापाखे लोथर तक छगु थासय् जुइ ।

लोथरनिसे जिन्दगानी घाटतक, जिन्दगानी घाटनिसे सौराहातक व सौराहानिे कसरा ताँ तकयाना स्वगु ब्बः थला डुङ्गापाखे गणना याये त्यःगु खः। निकुञ्जदुने लामिताल, तमोरताल, गरुढताल, बिसहजारी तालतक गणना याइ। बिसहजारी ताल दुने बाटुली पूखु, टिकौली ताल, कुमाल ताल व राइनो तालय् गणना याइ धका जानकारी बिःगु दु।

बूढी राप्ती, ढुङ्ग्रे खुसिइ, भण्डाया मत्स्यपालन केन्द्रय् न गणना याइ। नारायणी खुसिइ निसे सिर्खौली तक अमलटारी व अमलटारीनिसे त्रिवेणी गण्डक नहर तक चखू गणना जुइ धका सङ्घं धाःग दु । थुगु दँय् न्हापागु पटक विस्तृत रुपं रिउ खुसिइ चखू गणना याये त्यःगु खः। थुगु गणनाय् न्यय् म्ह मल्याक गणकपि सहभागी जुइ व खुगुया दुने गणना सम्पन्न यायेगु तयारी दु।

पशुपतिइ थौं न्हिच्छि बन्द जुइगु दु । म्हिगः धनुर्मास पर्व जुगुलि ज चान्ह्य चच्छि पूजा आराधना जुगुलि थौं न्हिच्छि द्यःया थाय् बन्द जुइ धका पशुपति क्षेत्र विकास कोषं धाःगु दु ।

द्यःया थाय् कन्ह्य सुथय् ६ बजे जक चालिइ धका धाःगु दु। पशुपति द्यःया थाय् दर्शनार्थी पिनिगु लागि न्हि सुथय् ५ः३० बजेनिसे न्हिनय् १ बजे तक खुला जुइगु खः। धनुर्मास पर्वय् चच्छि पूजा याना कन्ह्य न्हिच्छि द्यःया थाय् बन्द याये माःगु नियम दु। कोरोना महामारीया कारण गूला तक बन्द जुगु खःसा वःगु पुष १ गतेनिसे जक द्यःया थाय् चाय्कूगु खः।

पशुपति द्यःयात ख्वाःगुपाखे बचे यायेत मू द्यःया थाय् म्हिगः धनुर्मास पूजा याःगु खः । पशुपतिइ द्यःया थाय् आदिकाल निसे सौर व चन्द्र निगु हे मास कथं पुसय् लागुलि उपयुक्त दिं धनुर्मास पूजा यायेगु परम्परा दु।

पुस १५ निसे वइगु माघ २९ तक सौर व चन्द्र निगु हे गणना पद्धति कथं पुस महिना लागु खः। म्हिगः जक छन्हु हे ५० हजार स्वया अप्वा दर्शनार्थीपिन्स पशुपतिइ द्यःया दर्शन याःगु खः।

वःगु २४ घण्टाया दुने थप ३६२ म्हेसित कोरोना भाइरस (कोभिड(१९) या संक्रमण पुष्टि जुगु दु ।

देयन्यकं प्रयोगशालाय् ४२८६ नमुना परीक्षण यागुलि १५९ म्ह मिसा व २०३ म्ह मिजंपि संक्रमण पुष्टि जुगु दु।

थ्व नाप आःतक संक्रमित जुपि २ लाख ६४ हजार ५२१ म्ह थ्यःगु दु । उकि मध्ये २ लाख ५७ हजार ९२८ म्ह संक्रमणमुक्त जुया छेँय् लिहावःगु दु ।

आःतक १९१२ म्ह सी धुकुगु दु धका स्वास्थ्य तथा जनसंख्या मन्त्रालय धाःगु दु। देयन्यक ४६८१ म्ह संक्रिय संक्रमितपि दु।

येँ महानगरपालिकां मुख्य–मुख्य सडकय् करीब ६० किलोमिटर थासय् आधुनिक सडक बत्ति मत जडान याइगु जुगु दु। वःगु मंसिर २५ य् येँं महानगरपालिका, नेपाल विद्युत प्राधिकरण व सडक विभाग दथुइ छगु सहमती पत्रय् हस्ताक्षर जुइवं महानगरं थुगु प्रक्रिया न्ह्यने यकूगु खः। उज्यालो महानगर दयेका उज्यालो संघीय राजधानी कथं येँया म्हसिके बिइगु व मेयर उज्यालो अभियान अन्र्तरगत आधुनिक सडक मत जडान यायेगु ज्या न्ह्यने यकिइगु धका येँँ महानगरपालिकाया मेयर विद्यासुन्दर शाक्यं जानकारी बियादीगु दु।

‘येँ महागरपालिकां थःगु क्षेत्र दुने करीब ८० गु थासय् उच्च मात्राय् जः बिइगु मत (हाइमास्ट लाइट) जडान यायेगु व छु महत्वपूर्ण ज्यायात दु्रतगतिइ न्ह्यने यकेय्गु ज्या न्ह्याना च्वंगु दु,’ नगर कार्यपालिकाया ५५ क्वःगु बैठकय् राष्ट्रिय सभागृहय् सम्वोधन यासे मेयर शाक्यं अथे धयादीगु खः, ‘यातायात व्यवस्थापन, शान्ति सुरक्षा कायम यायेगु व सामाजिक सुरक्षा लगायतया सेवा सुविधायात चुस्त दुरुस्त तयेगु व सहरयात अझ अप्वोकेत येँ महानगरपालिका मुख्य–मुख्य सडकय् करीब १७५० गः आधुनिक बत्ती मत तयेत टेण्डर प्रक्रियाय् याकन हे वनेइगु जुइ धका धयादीगु खः।’

मेयर शाक्यं महानगरपालिकां दुने तइगु उगु मत तयेगु लागियेँ महानगरपालिका र नेपाल विद्युत प्राधिकरणया मंका लगानी जुइगु न जानकारी बियादीगु खः। ‘सहमति बथं सडक मतः जडानय् येँ महानगरपालिकाया ६० प्रतिशत व नेपाल विद्युत प्राधिकरणया ४० प्रतिशत लगानी दइ,’ शाक्यं धयादीगु दु,

‘थ्व नाप जिमिसं महानगर क्षेत्र दुने व मेमेगु थासय् मत तयेगु ज्या न्ह्यने वनिइ धका धयादिगु दु।’ उगु सहमतिपत्रय् येँ महानगरपालिकापाखे प्रमु्ख प्रशासकीय अधिकृत राजेश्वर ज्ञवाली, नेपाल विद्यूत प्राधिकरणया कामु कार्यकारी निर्देशक हितेन्द्र देव शाक्य व सडक विभागपाखे महानिर्देशक केशवकुमार शर्मा  ल्हाचिं तयादीगु खः ।