पर्साया वीरगञ्जय् च्वंगु नारायणी अस्पतालय् उपचाररत थप स्वम्ह कोरोना संक्रमितपि सी धुकुगु दु ।

वीरगञ्जया निम्ह व छम्ह बाराय् जीतपुर सिमरा उपमहानगरपालिकाय् च्वम्ह छम्ह मिजं सीउगु दु ।

अस्पतालया कोभिड संयोजक डाक्टर सरोज रोशन दासया कथं वीरगञ्ज–१६ नगवा च्वम्ह ४८ दँ दुम्ह मिसा, वीरगञ्ज– ३ या ४७ दँ दुम्ह मिसा मदुगुु खः।

अथेअ‍े मेम्ह जीतपुर सिमरा–२४ या ७७ दँ दुम्ह मिजंम्ह मदुगु खः।

कोरोना भाइरस संक्रमित जुम्ह पूर्वलानि कोमल शाहयात प्लाज्मा थेरापीपाखे उपचार यायेगु सुरु यागु दु ।

वयकःयात म्हिगः बिहीवाः बहनि निसे प्लाज्मा थेरापीपाखे उपचार यागु दु । शाहयात सासः ल्ह्यायेत समस्या वंगु व अक्सिजनया न कमी खनेुगुलि बुधवाः बहनि निसे आइसियूतया यागु खः ।

आः न वयकःयातहाई फ्लो अक्सिजनया सपोर्टय् तया तःगु दु।

अस्पतालय् हे उपचाररत पूर्व जुजु ज्ञानेन्द्र शाहया अवस्था धासा सामान्य व स्थिर दु । तर वयकःयात न अक्सिजनया सामान्य सपोर्टय् उपचार जुयाच्वंगु दु ।

पूर्व अधिराजकुमारी प्रेरणाया अवस्था धासा सामान्य जुइ धुकुगु दु ।

नेपालभाषा शिरोमणि, संस्कृतिविद् नाप व्याकरणविद् रमापतिराज शर्मा मन्त।

वयकः म्हिगः बहनी ख्वपया खौमाय् छेँय् मदुगु खः। वयकः नेपाल साहित्य मन्दिरया संस्थापक दुजःलिसें सल्लाहकार न खः।

वय्कलं नेपालभाषाय्  साहित्य,  लिपि, संस्कृति ख्यलय् ज्वःमदुगु योगदान बियादिगु दु ।

 पर्साया कालीकामाई गाउँपालिकाया अध्यक्ष नथुनीप्रसाद कुशवाहा मन्त ।

छु दिं निसे सेँखं चागु व ज्वरो वया छेँ हे उपचार यानाच्वम्ह अध्यक्ष कुशवाह थौं सुथय् २ः३० बजे मदुगु धका उपाध्यक्ष राजेश कुमार चौरसिया न जानकारी बिगु दु ।

दाङय् थौं सुथसिया ६ बजेनिसे लकडाउन सुरु यागु दु ।

वंगु मंगलवाः निसे घोराहीलय् जुगु सर्वदलीय बैठकं थौंनिसे वइगु २५ गते सनिलय् ६ बज तक जिल्लायकं लकडाउन यायेगु निर्णय यागु दु ।

दाङय् लकडाउनया प्रभावं अनया बजाः, यातायात दक्को बन्द जुगु दु।  लकडाउनया इलय् खाद्यान्न पसः धासा सुथय् ६ बजे निसे ८ बजे तक सञ्चालन याये दइ ।

वैशाख २५ गते लिपा अवस्था स्वया थप निर्णय यायेगु जुइ धका प्रमुख जिल्ला अधिकारीं धागु दु।