Display Style:
Column Style
देयन्यक ५७६३ म्हेसित संक्रमण पुष्टि
शोभा श्रेष्ठ | चौलागा पंचमी ११४१,बैसाख १८ सनिवाः
१४ हजार ९६९ म्हेसिगु नमुना परीक्षणय् ५७६३ म्हेसित संक्रमण पुष्टि जुगु खः।
नेपालय् थप १९ म्ह सीउगु दु । कोरोना संक्रमणं सीपिनिगु ल्याः ३ हजार २९८ म्ह थ्यगु दु धका स्वास्थ्य तथा जनसंख्या मन्त्रालयं धागु दु ।
थौं शनिवाः थपे जुपि नाप संक्रमित जुपि नाप आःतक नेपालय् कोरोना संक्रमितपिनिगु ल्याः ३ लाख २८ हजार ८९३ म्ह थ्यंगु दु। उकि मध्ये ४३ हजार २१३ म्ह सक्रिय संक्रमितपि दु ।
वंगु २४ घण्टाया दुने येँ १ हजार ९३२म्ह, यलय् ३५५ व ख्वपय् २०८ म्हेसित कोरोना संक्रमण खनेदुगु खः ।
अथेहे बाँकेय् ५५१म्ह, रुपन्देहीइ ४२२म्ह, दाङय् २५१म्ह, कास्कीइ २१२म्ह, चितवनय् १७७म्ह, पसाय् १६३म्ह, कैलालीइ १२५ म्ह व काभ्रय् १०५ म्हेसित संक्रमित जुगु दु ।
अथेहे सुर्खेतय् ९७म्ह, मकवानपुरय् ७१म्ह, सुनसरीइ ६९म्ह, गोरखाय् ६७म्ह, नवलपरासी पूवय् ४३म्ह, बाराय् ४१म्ह, कञ्चनपुरय् ३७म्ह, नुवाकोटय् ५३म्ह, सिन्धुपाल्चोकय् ३५म्ह, मोरङय् ३४म्ह व सल्यानय् २५म्हेसिता कोरोना संक्रमण पुष्टि जुगु दु ।
वंगु २४ घण्टाया थप स्वनिगः २४९५ म्ह कोरोना पुष्टि
शोभा श्रेष्ठ | चौलागा पंचमी ११४१,बैसाख १८ सनिवाः
वंगु २४ घण्टाया दुने थप स्वनिगः २ हजार ४९५ म्हेसित कोरोना पुष्टि जुगु दु।
वंगु २४ घण्टाया दुने येँ जक १ हजार ९३२ म्हेसित कोरोना सक्रमण पुष्टि जुगु दु ।
यलय् ३५५ म्ह व ख्वपय् २०८ म्हेसित कोरोना संक्रमण जुगु दु।
थप ५७६३ म्ह कोरोना संक्रमण पुष्टि, १९म्ह मन्त
शोभा श्रेष्ठ | चौलागा पंचमी ११४१,बैसाख १८ सनिवाः
वंगु २४ घण्टाया दुने थप ५७६३ म्हेसित कोरोना भाइरस (कोभिड–१९) या संक्रमण पुष्टि जुगु दु ।
१४ हजार ९६९ म्हेसिगु नमुना परीक्षण यागुलि ५७६३ म्हेसित संक्रमण पुष्टि जुगु खः।
थ्व नाप संक्रिय संक्रमितपिनिगु ल्याः ४३ हजार २१३ म्ह थ्यंगु दु । नेपालय् थप १९ म्ह सीउगु दु । कोरोना संक्रमणं सीपिनिगु ल्याः ३ हजार २९८ म्ह थ्यगु दु धका स्वास्थ्य तथा जनसंख्या मन्त्रालयं धागु दु ।
नेपालय् थौं १९म्ह कोरोना संक्रमणया हुनिं मन्त
लहानान्युज | चौलागा पंचमी ११४१,बैसाख १८ सनिवाः
नेपालय् थौं २२म्ह कोरोना संक्रमणया हुनिं सीगु दु । सीपिंलय् बांकेया थीथी अस्पतालय् वासः याकाच्वंपिं ३, दाङया २ व कपिलवस्तुका छम्ह खः ।
अथेहे रुपन्देही व नवलपरासी पश्चिमया निम्ह कोरोना संक्रमित वासः यायेगु झ्वलय् बुटवलमा सीगु दु । उखे कञ्चनपुरय् नं मेगु ४म्ह संक्रमित मृत्यु जूगु दु । महाकाली अस्पतालय् निम्ह, होम आइसोलेसनय् च्वनाच्वम्ह छम्ह व वासः यायेत यंकेगु झ्वलय् लँय् हे छम्ह सीगु दु ।
अथेहे ताप्लेजुङय् सङ्क्रमित छम्ह सीगु दु । कैलाली नं थप स्वम्ह संक्रमितपिनिगु मृत्यु जूगु दु । मृत्यु जूपिं निम्ह मिसा व छम्ह मिजं खः । उखे कोरोना संक्रमणं बागलुङय् छम्ह ल्याम्हम मनु सीगु दु ।
अथेहे अर्घाखाँची नं छम्ह मिजंम्ह सीगु दु । सुर्खेतय् नं निम्ह कोरोना संक्रमणया हुनिं सीगु दु । अथेहे विरगञ्ज व सिन्धुपाल्चोकय् नं १÷१ मिजंम्ह कोरोना संक्रमित जुया सीगु दु ।
काभ्रेय् कन्ह्यनिसे निषेधाज्ञा लागू
लहानान्युज | चौलागा पंचमी ११४१,बैसाख १८ सनिवाः
काभ्रेय् कन्ह्यनिसे निषेधाज्ञा लागू याइगु जुगु दु ।
जिल्ला प्रशासन कार्यालय काभ्रेें थौं शनिवाः छगु सूचना जारी यासे १९ गते आइतवाः चान्ह्य २६ गते निसे १२ बजे तकया लागि निषेधाज्ञा घोषणा यागु दु।
अत्यावश्यक ज्या बाहेक पिहा मवनेत रोक लगे यागु दु। सार्वजनिक व निजी सवारीयात न अरनिको रागमार्गया साँगानिसे बनेपा, धुलिखेल, पाँचखाल जुया दोलालघाट तकया सतकया जःखःया ५०० मिटर तक सञ्चालन याये दइ मखु धका धागु दु ।
