वंगु २४ घण्टाया दुन थप ७ हजार २११ म्हेसित कोरोना भाइरस संक्रमण पुष्टि जुगु दु।

स्वास्थ्य तथा जनसंख्या मन्त्रालयया कथं १६ हजार १४७ म्हेसित पीसीआर परीक्षणय् ७ हजार १३७ म्ह व ६२३ म्हेसित एन्टिजेन परीक्षणय् ७४ म्हेसित छन्हुया दुने ७ हजार २११ म्हेसित कोरोना संक्रमण पुष्टि जुगु दु ।

अथेहे देयन्यक कोरोना भाइरसको सक्रिय संक्रमितपि ४८ हजार ७११ म्ह थ्यंगु दु ।

लिपागु २४ घण्टाय् १६१२ म्ह कोरोना भाइरस संक्रमणमुक्त जुगु दु।

कोरोना भाइरस संक्रमणं वंगु २४ घण्टाय् थप २७ म्ह मन्त ।

वंगु वाःया न्हापागु दिं आइतवाः सेयर बजारय् वांगु मत च्यागु दु। सेयर कारोबार मापक नेप्से परिसूचक ५४ अंकं थहावना २ हजार ६ सय ६५ दशमलव ११ अंक थ्यंगु दु ।

छु दिं न्ह्य जक कुहावंगु सेयर कारोबार रकम थौं थहावंगु दु । न्हिच्छि यकं २२६ कम्पनीइ ८३ हजार ४ सय ४ कारोबारपाखे १ करोड ५८ लाख ३२ हजार ४ सय ३ कित्ता सेयर किनबेच जुगु दु। उकि ७ अर्ब ३६ करोड ८ लाख ५ सय रुपैयाँया कारोबार जुगु खः ।

महिला लघुवित्त, सिंगटी हाइड्रो इनर्जी, सानिमा जनरल इन्स्यारेन्स व सिनजी पावर लगायत कम्पनीया सेयर भाः क्वहा वंगु दु ।

उखे यक्को भाः क्वहावंगुलि एभरेष्ट बैंक, सनराइज फस्र्ट म्युचुअल फण्ड, एनआईवीएल समृद्धि फण्ड, नेपाल हाइड्रो डेभलपर्स लगायतया खः।

तत्कालीन नेपाल कम्युनिष्ट पार्टी (नेकपा)पाखे निर्वाचित प्रदेशसभा सदस्य विमला वली माओवादी केन्द्र वंगु दु।

थ्व नाप प्रदेशसभामाय् नेकपा एमालेया बहुमत मगागु दु । दाङ ३ (ख) पाखे निर्वाचित वलीं नेकपापाखे उपचुनाव त्याकूगु दु।

सर्वोच्चं नेकपा खारेज यायेवं माओवादी केन्द्र वंगु खः । वली माओवादी केन्द्रे वंगु औपचारिक जानकारी प्रदेश सभायात जानकारी बिइ धुकगु दु धका माओवादी केन्द्रया सांसद सुदर्शन बरालं धागु दु। वली मदुम्ह प्रदेशसभा सदस्य उत्तरकुमार वलीया जहान खः। उत्तरकुमार एमालेपाखे निर्वाचित जुम्ह खः ।

सवारी दुर्घटनाय् उत्तरकुमार मदेयवं उगु उपनिर्वाचनय् विमला नेकपापाखे विजयी जुम्ह खः। वली माओवादी वनेवं ८१ सदस्यीय लुम्बिनी प्रदेश सभाय् सत्तारूढ एमालेनाप आः ४० सांसद जक दु। थ्व नाप एकल बहुमतया सरकार दयकेगु एमालेया कुतलय् धक्का लागु दु ।

लुम्बिनी प्रदेशसभा ८७ सदस्यीय दु सा खुम्ह प्रदेशसभा सदस्य पदमुक्त जुया ४१ सांसद दुगुलि थःगु दलया एकल बहुमत थ्यनिइ धक एकल सरकार दयकेगु एमालें दाबी यागु खः । 

गण्डकी प्रदेशय् कोरोना भाइरस (कोभिड–१९) संक्रमणं थप ८ म्ह मन्त।

गण्डकी प्रदेश कोरोना नियन्त्रण तथा रोकथाम कार्यक्रमया प्रवक्ता डा. विनोद विन्दु शर्माया कथं होमआइसोलेसनय् च्वनाच्वपि पोखराया थीथी थासय् च्वगु अस्पतालय् उपचारयाना च्वपि कास्की न्याम्ह, पर्वत, दाङ व रुपन्देहीइ छम्ह छम्ह याना जम्मा ८ म्ह सी धुकगु दु धका धागु दु।

हङकङय् नेपालपाखे वनिइगु हवाई उडानय् रोक लगे यागु दु ।

म्हिगः १ मे शनिवाःनिसे लागु जुइ कथं हङकङं येँपाखे जुइगु उडानय् रोक लगे यागु दु धको सिन्ह्वा नेट डटकमं धागु दु।

नेपाल एयरलाइन्सया प्रवक्ता करिष्मा श्रेष्ठया कथं हङकङपाखे रोक लगे यागु दुगुलि निर्धारित उडान तक रद्द जुइ धका धागु दु।

औपचारिक पौं धासा मवनि उडान हे याये दइ मखु धका निर्णय सार्वजनिक जुगुलि उगु कथं हे ज्या जुइ धका धागु दु।

हङकङं थ्व स्वया न्ह्यः भारत, पाकिस्तान व फिलिपिन्सया जहाज उडान न रोके याये धुकुगु खः ।