Display Style:
Column Style
थौं लुँ तोलां न्यासः थहावन
शोभा श्रेष्ठ | कछलागा द्धितिया ११४१, मंसिर १७ बुधवाः
लुँया भाः थौ न न्यासः थहावःगु दु।
नेपाल सुन चाँदी व्यवसायी महासंघया कथं थौं लुँ तोला न्यासः थहावना ९१ हजार तक थ्यःगु दु ।
अथेहे वहः तोला न स्वीतक थहा वःगु दु ।
थौं स्वीतक थहावना छगु तोलाया ११८५ तक थ्यःगु दु धका महासंघ धाःगु दु ।
पाल्पाय् कोरोना निम्ह मन्त
लहानान्युज | कछलागा द्धितिया ११४१, मंसिर १७ बुधवाः
पाल्पा व स्याङजाय् कोरोना संक्रमितपि छम्ह छम्ह उपचार यायेगु झ्वलय् मन्त ।
पाल्पाया बगनासकाली गाउँपालिका १ या ३८ दँ दुम्ह व व स्याङजाया गल्याङ नगरपालिका ४ या ३९ दँ दुम्ह मिजंम्ह लुम्बिनी मेडिकल कलेज प्रभास पाल्पाय् उपचारया झ्वलय् थौं सुथय् मदुगु खः ।
मेडिकल कलेजया कथं पाल्पाय् च्वम्ह मंसिर १२ गते कोरोना संक्रमण पुष्टि जुग खःसा १४ गते अस्पताल भर्ना जुगु खः।
मंसिर १ गते अस्पताल भर्ना जुम्ह स्याङजाय् च्वम्ह मिजंम्ह मंसिर २ गते कोरोना संक्रमण पुष्टि जूगु खः।
स्वास्थ्य कार्यालय पाल्पाया कथं जिल्लाय् कोरोना संक्रमणं सीपि २४ म्ह थ्यःगु दु ।
कोरोनामुक्त जूपि २०७३ म्ह, कोराना २१म्ह मन्त
शोभा श्रेष्ठ | कछलागा पारु ११४१, मंसिर १६ मंगलवाः
वःगु २४ घन्टाया दुने कोरोनामुक्त जुपि २ हजार ७३ म्ह डिस्चार्ज जुया छेँ लिहावःगु दु ।
नेपालय् आःतक कोरोनामुक्त जूपि २ लाख १६ हजार ५९४ म्ह थ्यःगु दु। थ्व नाप आःतक नेपालमा सक्रिय संक्रमितपि १६ हजार ६३३ म्ह थ्यःगु दु।
अथेहे वःगु २४ घन्टाया दुने नेपालय् थप २१ म्हेसित कोरोना संक्रमणं सीगु दु धका स्वास्थ्य तथा जनसंख्या मन्त्रालयं धाःगु दु।
अथेहे नेपालय् कोरोना संक्रमणं सीपि १५२९ म्ह थ्यःगु दु।
नेपालय् थौं १३०४म्हेसित कोरोना सक्रमित
लहानान्युज | कछलागा पारु ११४१, मंसिर १६ मंगलवाः
वःगु २४ घन्टाया दुने नेपालय् थप १ हजार ३०४ म्हेसित कोरोना संक्रमण पुष्टि जूगु दु धका स्वास्थ्य तथा जनसंख्या मन्त्रालयं धाःगु दु।
वःगु २४ घण्टाय् जम्मा ८ हजार ५८३ म्हेसिगु पीसीआर परीक्षण याःगु खः।
मन्त्रालयया कथं थौं मंगलवाः न्हुपि थपे जुपि नाप याना नेपालय् आःतक कोरोना संक्रमितपि २ लाख ३३ हजार ४५२ म्ह थ्यःगु दु।
स्वनिलय् ५३० म्ह कोरोना सक्रमित
लहानान्युज | कछलागा पारु ११४१, मंसिर १६ मंगलवाः
स्वास्थ्य तथा जनसंख्या मन्त्रालयया कथं वःगु २४ घण्टाया दुने स्वनिलय् थप ५३० म्हेसित कोरोना संक्रमण पुष्टि जूगु दु धका धाःगु दु ।
थौं संक्रमण पुष्टि जूपि मिसापि २४० म्ह व मिजंपि २९० म्हेसित पुष्टि जूगु दु ।
अथेहे थौं येँ जक ४०९म्हेसित कोरोना पुष्टि जूगु दु धका मन्त्रालयं धका धाःगु दु।
अथेतु ख्वपय् ३६ म्ह व यलय् ८५ म्हेसित कोरोना संक्रमित थपे जूगु दु।
मंगलवाः देय् यकं १ हजार ३०४ म्हेसित कोरोना संक्रमण पुष्टि जूगु दु।
