Display Style:
Column Style
चन्द्रागिरि हिल्सं साधारण शेयर बिक्री याइगु
लहानान्युज | कछलागा तृतीया ११४१, मंसिर १८ बिहीवाः
चन्द्रागिरि हिल्स लिमिटेडं साधारण शेयर बिक्री यायेगु सुरु याःगु दु । वास्तविक क्षेत्रय् तक शेयर बजारय् हयेगु लक्ष्यया साथ सरकारं हःगु नीति कथं कम्पनीले बुधबार निसे साधारण शेयर बिक्री याःगुु दु।
कम्पनीं स्थानीय आयोजना प्रभावितयात साधारण शेयर बिक्री यायेत्यःगु खः। नेपाल धितोपत्र बोर्ड नं कम्पनीयात न्हापागु चरणय् आयोजना प्रभावितयात साधारण शेयर बिक्रीया लागि अनुमति बिःगु खः। न्हापागु चरणया साधारण शेयर बिक्री याकन हे वइगु पुस १ गते तक लिबाक्क वइगु पुस १६ गते तक जुइ । कम्पनीं आयोजना प्रभावितया लागि प्रति शेयर १०० रुपैयाया दरं स्वगु लाख खुद्धः ८१९ कित्ता बिक्री याये त्यःगु खः।
आयोजना प्रभावित क्षेत्रय् येँ जिल्ला अन्तर्गत चन्द्रागिरि नगरपालिका– ३,४, ६ व ७ साविक थानकोट गाविसया दक्को वडा व साविक महदेवस्थान गाविसको वडा नं ३,४,५,६,७,८, नाप मकवानपुर जिल्लाया थाहा नगरपालिका–९ व १० खः। बिक्री प्रबन्धकया कथं कम्पनीया साधारण शेयरय् कम १० कित्ता निसे अप्वो स्वद्धल् व खुइगु तीन हजार ६० कित्ता तक बिइ फइ। अथेहे निगु चरणय् सर्वसाधारणया लागि १५ लाख ३४ हजार ९१ कित्ता शेयर बिक्री यायेत्यःगु खः ।
कम्पनी सर्वसाधारण व स्थानीयवासीयात याना कूल १८ लाख ४० हजार ९१० कित्ता सेयर बिक्री याये त्यःगु खः । धितोपत्र बोर्डपाखे कम्पनीं १८ करोड ४० लाख रुपैयाँ बराबरया साधारण शेयर बिक्रीया लागि अनुमति काःगु खः । कम्पनीया शेयर बिक्री प्रबन्धकय् ग्लोबल आइएमई क्याटिलयात ल्यःगु खः।
कांग्रेसया वरिष्ठ नेता रामचन्द्र पौडेल रिहा जुल
लहानान्युज | कछलागा द्धितिया ११४१, मंसिर १७ बुधवाः
निषेधाज्ञा तोडे याःगु द्धपनय् नेपाली कांग्रेसया वरिष्ठ नेता रामचन्द्र पौडेलयात प्रहरीं ३ घण्टा नियन्त्रणय् कया त्वतुगु दु।
ब्यास नगरपालिका वडा नम्बर १, १० व ११ स्वागू ताँ घरे दुम्सीचौर सतकया बुल्दीखोला ताँ उलेज्या यायेत निषेधाज्ञा तोडे याःगु द्धपनय् पौंडल नाप प्रदेश सांसद सरिता गुरुङ, तनहुँ कांग्रेसया कार्यवाहक अध्यक्ष जीतप्रकाश आले लगायत पिन्त ज्वःगु खः।
उमित जिल्ला समन्वय समिति तनहुँया प्रमुख शान्तिरवण वाग्लेया रोहबरय् रिहा याःगु दु।
२४ घण्टाया दुने ५६७ म्ह कोरोनामुक्त, ९ म्ह मन्त
शोभा श्रेष्ठ | कछलागा द्धितिया ११४१, मंसिर १७ बुधवाः
वःगु २४ घण्टाया दुने नेपालय् १ हजार ५६७ म्ह कोरोनामुक्त जुगु दु धका स्वास्थ्य मन्त्रालयं धाःगु दु ।
थ्व नाप आःतक नेपालय् कोरोना संक्रमणमुक्त जूपि २ लाख १८ हजार १६१ म्ह छेँ लिहावने धुकुगु दु।
अथेहे २४ घण्टाया दुने गुम्ह मन्त।
थ्व नाप आःतक नेपालय् कोरोना संक्रमणं सीपि १५३८ म्ह थ्यःगु दु।
देयन्यकं १४९०म्ह कोरोना सक्रमित
लहानान्युज | कछलागा द्धितिया ११४१, मंसिर १७ बुधवाः
वःगु २४ घण्टाया दुने थप १ हजार ४९० म्हेसित कोरोना संक्रमण पुष्टि जूग दु।
स्वास्थ्य तथा जनसंख्या मन्त्रालयया कथं मिजंपि ५६५म्ह व मिसापि ९२५ म्ह याना थौं देय् यकं १४९०म्हेसित कोरोना पुष्टि जुगु दु धका धाःगु दु।
थ्व नाप आःतक नेपालय् २ लाख ३६ हजार २४६ म्हेसित कोरोना संक्रमण खनेदुगु दु।
आःतक १७ लाख ५४ हजार ६३०म्हेसिगु पीसीआर परीक्षण याये धुकुगु दु सा २४ घण्टाय् जक ८ हजार ३०० म्हेसिगु पीसीआर परीक्षण याःगु खः।
देय् यकं सक्रिय संक्रमितपि १६ हजार ५४७ म्ह दु । क्वारेन्टाइनय् ६०५म्ह च्वनाच्वःगु दु।
स्वनिगः दुने ७२३म्हेसित कोरोना सक्रमित
शोभा श्रेष्ठ | कछलागा द्धितिया ११४१, मंसिर १७ बुधवाः
वःगु २४ घण्टाया दुने स्वनिलय् थप ७२३ म्हेसित कोरोना संक्रमण पुष्टि जूगु दु ।
थौं मिसापि ३२५ म्ह व मिजंपि ३९८ म्हेसित पुष्टि जुगु दु धका स्वास्थ्य तथा जनसंख्या मन्त्रालयं धाःगु खः।
थौं येँ जक ५३१म्हेसित कोरोना पुष्टि जूगु दु धका मन्त्रालयं धाःगु खः।
अथेहे ख्वपय् ५८ म्ह व यलय् १३४ म्ह न्हुपि संक्रमित थपे जुगु दु।
बुधवाः देय् यकं १ हजार ४९० म्हेसित कोरोना संक्रमण पुष्टि जूगु दु।
