Display Style:
Column Style
बुंगया सम्पदाय् लिच्वः मजुइ कथं फास्ट ट्य्राक दयेकेगु जुइ : मन्त्री श्रेष्ठ
लहानान्युज | कछलागा पारु ११४१, मंसिर १६ मंगलवाः
शहरी विकास मन्त्री कृष्णगोपाल श्रेष्ठं ख्वना व बुंगय् सम्पदायात लिच्वः मजुइ कथं फास्ट ट्य्राक दयेकेगु खँ धका धयादीगु खः ।
केपी शर्मा ओलीया जहान राधिका शाक्य लिसें ख्वनाया नांजाःगु ऐतिहासिक रुद्रायणी द्यः दर्शन यायेगु व सकिमिला पुन्हिकुन्हु जुइगु द्यःप्याखं स्वयेत मन्त्री श्रेष्ठ ख्वनाय् वःगु खः। मन्त्री श्रेष्ठ सरकारं ख्वनाय् छुं लिच्वः मलाइकथं फास्ट ट्य्राक दयेकीगु जुइ धका आश्वासन बियादीगु खः ।
वःगु २०७२ सालया तःभुखाचं क्षतिग्रस्त रुद्रायणी देगःया अवलोकन यासें मन्त्री श्रेष्ठं देगः क्षतिग्रस्त जूगु तसकं चिन्ताजनक जूगु धका धयादीस थुगु देगः पुनःनिर्माणया निंतिं तुरुन्त हे निर्देशन बीगु जुइ धका धयादीगु खः।
मन्त्री श्रेष्ठ ख्वना दुने मेमेगु सम्पदा संस्कृतियात संरक्षण यायेगु निंतिं सरकारं ग्वाहालि यायेगु जुइ धका न धयादीगु खः ।
वयकलं स्थानीय दू्रतमार्ग पीडितपाखे नेपाल डंगोलं फास्ट ट्य्राकं जुयाच्वंगु समस्यायात कयाः ध्यानाकर्षण पौ मन्त्री श्रेष्ठयात लःल्हाःगु खः । मन्त्री श्रेष्ठ व प्रधानमन्त्रीया जहान शाक्य लिसें राष्ट्रिय पुनःनिर्माण प्राधिकरणया प्रमुख कार्यकारी अधिकृत सुशील ज्ञवाली, पुरातत्व विभागया महानिर्देशक दामोदर गौतम, संस्कृति, पर्यटन तथा नागरिक उड्डयन मन्त्रालयया उच्च अधिकारीपिं नं ख्वना थ्यंगु खः ।
उगु झ्वलय् विभागया महानिर्देशक गौतमं न्हय्गूगु शताब्दीया इतिहास दुगु थुगु ख्वनायात गुरुयोजना दयेकाः सम्पदा संरक्षण यायेमाःगु खँय् बः बियादसे रुद्रायणी देगःया पुनःनिर्माण जुइगु खँ धयादीगु कनादीगु खः ।
लुँ तोला न्यासः थहावन
शोभा श्रेष्ठ | कछलागा पारु ११४१, मंसिर १६ मंगलवाः
लुँया भाः थुगु वाःया दुने लगातार क्वहा वया च्वंगु दु।
तर थौं धाःसा न्यासः थहावःगु दु धका नेपाल सुन चाँदी व्यवसायी महासंघं धाःगु दु।
महासंघया कथं लुँ तोला न्यासः थहावना ९० हजार ५ सय थ्यःगु दु धका धाःगु दु ।
म्हिगः तोलाय् न्ह्यसः क्वा वया ९० हजार थ्यःगु खः ।
अथेहे वहः तोलां स्वीतका थहा वना ११५५ तका थ्यःगु दु ।
येँ हुलमुल यातकि आः कारवाही याइगु
लहानान्युज | कछलागा पारु ११४१, मंसिर १६ मंगलवाः
येँ तसकं हुलमुल यातकि आः कारबाही याइगु जुगु दु । जिल्ला प्रशासन कार्यालय येँ न थौं छगु विज्ञप्ति पिकया आः हुलमुल यायेगु गतिविधि सञ्चालन यातकि कानुन कथं कारबाही याइगु जुगु दु ।
येँ थीथी थासय् सभा, जुलुस, प्रदर्शन थे जाःगु ज्याझ्वः जुया वयाच्वंगुलि तत्काल थज्यागु गतिविधि बन्द यासे कोरोना सङ्क्रमणया रोकथामयात ग्वाहालि यायेत जिल्ला प्रशासनं इनाप याःगु दु । वइगु दिं हुलमुल जुइगु गतिविधि सञ्चालन यातकि सङ्क्रामक रोग ऐन २०२० व स्थानीय प्रशासन ऐन २०२८ कथं कारबाही जुइ धका विज्ञप्तिइ उल्लेख यानातःगु दु ।
विश्वय् तधःगु चुनौतीया रूपय् दुगु कोरोना सङ्क्रमण येँ न तत्काल नियन्त्रण मजुगु अवस्थाय् काठमाण्डौया प्रमुख जिल्ला अधिकारी कालीप्रसाद पराजुली सरकारं तोके याःगु मापदण्ड पालना यायेत इनाप याःगु दु।
येँया सम्पदा व पोखराया प्रकृतियात पर्यटन नाप स्वाना देय् समृद्ध दय्के फइ : मेयर शाक्य
लहानान्युज | कछलागा पारु ११४१, मंसिर १६ मंगलवाः
येँ महानगरपालिकाया मेयर विद्यासुन्दर शाक्यं नेपालया अर्थतन्त्र याःगु मेरुदण्डया रुपय् पर्यटन क्षेत्रया माध्यमपाखे अर्थतन्त्रयात समृद्घ दयेके फइ धका धयादीगु दु। येँ महानगरपालिका व रामग्राम नगरपालिका दथुइ अन्तर स्थानिय तह भगिनी सम्वन्ध स्थापना जुगु ज्याझ्वलय् ब्वति कायेत वया अध्ययन भ्रमणया झ्वलय् पोखराय् मेयर शाक्ययात लसकुस यासे पोखरा महानगरपालिकाय् छगु ज्याझ्वलय अथे धयादीगु खः।
सम्वोधन यायेगु झ्वलय् मेयर शाक्यं पर्यटनया माध्यमपाखे देय्या अर्थतन्त्रयात थकायेत समन्वय व अनुभव आदान–प्रदान आवश्यक दु धका धयादीसे, येँ दुगु सम्पदायाना येँ छगु सांस्कृतिक सहर जुगु दु। येँ महानगरं मुर्त–अमुर्त सम्पदां बालगु दु धका धयादीसे,’ मेयर शाक्यं, ‘पोखरा प्रकृतिया सुन्दरताया धनी खः। थुगु निगु महानगर दथुइ प्रकृति व सम्पदाया प्रवद्र्धन व व्यवस्थापन याये फत धाःसा कोरोनाया कारण शिथिल जुया च्वंगु पर्यटनयात चलायमान दय्का पर्यटनया हे माध्यमपाखे देय्या अर्थतन्त्रयात थकाय् फइ धका धयादीगु खः।’
न्ववायेगु झ्वलय् मेयर शाक्यं कोभिड–१९ नियन्त्रण व रोकथामया लागि येँ महानगरपालिकां याःगु कुतः, सहरी सुव्यवस्थाया लागि तःगु पलाः व सम्पदा निर्माण–पुर्ननिर्माण, भौतिक पूर्वाधार लगायतया सन्र्दभय् याःगु ज्याया खँ कनादीगु खः।
ज्याझ्वलय् न्ववानादीसे पोखरा महानगरया मेयर मानबहादुर जिसीं येँ महानगरपालिका संघीय राजधानीयो महानगरपालिका जूगुलि यक्को खँ येँ महानगरपाखे सय्के फइगु जुगुलि अभिभावकीय भूमिका जुइ माःगुलि बःबियादीगु खः। आः स्थानीय तहया भूमिकायात कमजोर दयेकिगु कुतः जुयाच्वंगु धका धयादीसे संघीयतायात संस्थागत यायेत स्थानीय तहया भूमिका महत्वपूर्ण जुइ माःगुलि बःबियादीगु खः। ‘स्थानीय तहया भूमिकाया बलाकेत येँ महानगरपालिकां नेतृत्व कायेमाः,’धका मेयर जिसी धयादीगु खः।,
येँ महानगरपालिकाया उपमेयर हरिप्रभा खड्गी श्रेष्ठ न उगु ज्याझ्वलय् उपस्थिति दुगु खः।
भाषासेवी अमृतमान श्रेष्ठ मन्त
लहानान्युज | कछलागा पारु ११४१, मंसिर १६ मंगलवाः
नेपालभाषाया सक्रिय कार्यकर्ता भाषासेवी अमृतमान श्रेष्ठ थौं चान्हय् मन्त ।
मदुम्ह श्रेष्ठ नेपालभाषाया वाःपौ इनापया व्यवस्थापक न खः।
७५ दँ दुम्ह श्रेष्ठयात क्यान्सर ल्वय् जुयाच्वंगु खः। वय्कःया निम्ह काय् व जहान दी ।
थौं मंगलवाः हे पशुपति दीपय् अन्तिम दाहसंस्कार जूगु दु ।
