डिम्याट खाता चायकूपि ३० लाख स्वया अप्वो थ्यने धुकल। वःगु छु इलय् सेयर बजारय् सर्वसाधाणपिनिगु आकर्षण अप्वोया वःगु दु।

खास याना नेपाल इन्फ्रास्ट्रक्चर बैंकया साधारण सेयर (आईपीओ) लिपा सर्वसाधारणपिनिगु बजारय् आकर्षण छक्वल अप्वोगु खः। सेयर कारोबारया दक्को लेखाजोखा तइगु सिडिएस एण्ड क्लियरिङ लिमिटेडया कथं बुधवाः तक डिम्याट खाता ल्याः ३० लाख ४१ लाख ६९८ थ्यःगु दु । सेयर बजार् दुहा वयेत डिम्याट खाता अनिवार्य याःगु खः ।

सेयर प्रमाणपत्र नाप मेमेगु धितोपत्रयात न्हाःगु न बैङ्कय् खाता चायेका जम्मा यायेगु हे सेयर अभौतिकीकरण अथे धइगु डिम्याट यायेगु धाइ। थज्यागु खातायात हितग्राही खाता न धाइ। थःके दुगु भौतिक सेयर प्रमाणपत्रयात डिम्याट याये धुका थःके सेयर प्रमाणपत्रया भ्वँ म्वाः, उगु बैंकय् दुगु डिम्याट खाताय् दइ । सामान्य अर्थय् धायेगु खःसा सेयर जम्मा यायेगु खाता हे डिम्याट खाता खः ।

बैंक खाताय् ध्यवा जम्मा जुइसा डिम्याट खाताय् सेयर जम्मा जुइ । डिम्याट खाता चाय्कूपिनिगु ल्याः ३० लाख स्वया अप्वो जूसा न्हिन्हि बजारय् कारोबार याइपिनिगु ल्याः धाःसा तसक म्हो जक दु। थौं कन्ह्य न्हि कारोबार याइपि लगानीकर्तापिनिगु ल्याः ४ लाखया हाराहारी दु धका नेपाल स्टक एक्सचेञ्जं धाःगु दु ।

वःगु २४ घण्टाया दुने देयन्यक ६७ म्हेसित कोरोना सङ्क्रमण पुष्टि जुगु दु ।

३३९९ म्हेसित पीसीआर परीक्षण यागुलि ६७ म्हेसित सङ्क्रमण पुष्टि जुगु दु धका स्वास्थ्य तथा जनसंख्या मन्त्रालयया प्रवक्ता प्रा.डा.जागेश्वर गौतमं जानकारी बिःगु दु।

थौं थपे जूपि मध्ये स्वनिगलय् जक ५६ म्ह दु । येँ ३९म्ह, यलय् १४ म्ह व ख्वपय् स्वम्हेसित कोरोना पुष्टि जूगु दु धका प्रवक्ता गौतमं जानकारी बियादीगु दु। वःगु २४ घण्टाया दुने  ६२ म्ह कोरोनामुक्त जूगु दु।

आःतक नेपालय् ७६६ म्ह सङ्क्रमितपि दु। सक्रिय सङ्क्रमितमध्ये ४२ म्ह आईसीयू व गुम्हेसित उपचार भेन्टिलेटरय् तया याना च्वंगु दु धका स्वास्थ्य तथा जनसङ्ख्या मन्त्रालयं धाःगु दु ।

लुँ वहःया भाः थौं थहावःगु दु। लुँ तोलाय् थौं न्यासः थहावना ८७ हजार ५ सय रुपैयाँ तोके याःगु दु । म्हिगः तोलां ८७ हजार रुपैयाँ कारोबार जुगु खः ।

अथेहे वहः तोलां नीन्यातका थहा वःगु दु ।

वहः नीन्यातका थहा वना १३१५ रुपैयाँ तोके यानागु दु धका नेपाल सुनचाँदी  व्यवसायी महासंघं धाःगु दु ।

ताप्लेजुङया दोभान बजारय् मिंच्याना पीडितपिन्त पूर्वमन्त्री योगेश भट्टराई न न्यागु लाख ग्वाहालि याइगु जुगु दु । ताप्लेजुङपाखे निर्वाचित सांसद भट्टराई न व्यक्तिगत रुपं न्यागु लाख ग्वाहालि बिइत्यःगु दु ।

मंगलवाः सुथय् मिंच्याना ४७ छेँखा नष्ट जुगु खः । पीडितपिन्त उद्धारया नितिं भट्टराईया संयोजकत्वय् राहत संकलन समिति दयकूगु खः। थौं हे भट्टराई नाप उगु टोली गृहमन्त्रालय वना पुर्नस्थापनाबारे गृहमन्त्री रामबहादुर थापाया ध्यानाकर्षण याःगु दु। पूर्वमन्त्री भट्टराई न मिंच्याना पीडितपिन्त भूकम्प पीडित सरह राहतको व्यवस्था बिइत माग याःगु खः।

भट्टराईया मागय् गृहमन्त्री थापां सकारात्मक दुगु प्रक्रिया बियादीगुसे गृह मन्त्रालयं स्थानीय प्रशासन पाखे म्हति १५ हजारया दरं राहत बिइत्यःगु दु ।