थौं सांसदपिन्त कोरोना भाइरस (कोभिड–१९)विरुद्धया खोप बिइत्यःगु दु ।

सुथय् १० निसे न्हिन ४ बजे तक नयाँ बानेश्वरया सिभिल अस्पतालय् कोरोना खोप बिइगु ज्याझ्वः दुगु दु धका संघीय संसद सचिवालयं धाःगु दु। सचिवालयया कथं थौं प्रतिनिधिसभाया सभामुख, राष्ट्रियसभाया अध्यक्ष नाप उमिगु निजी सचिवालयय् ज्यायाइपि कार्यरत कर्मचारी, निगु हे सदनया सांसदपिन्त खोप बिइत्यःगु खः।

थौं प्रतिनिधि सभा व राष्ट्रिय सभाया महासचिव, सचिव, कार्यव्यवस्था शाखा व सांसद सुविधा व्यवस्थापन शाखाय् ज्यायाइपि कर्मचारी, अन्तर्राष्ट्रिय सम्मेलन केन्द्रया हाजिरी व्यवस्थापनय् ज्यायाइपि कर्मचारी, मर्यादापालक व संसदीय मामिला पत्रकारपिन्त खोप बिइत्यःगु खः। ससींघ संसद सचिवालयया दक्को कर्मचारी, स्वकीय सचिव लगायतया दक्को कर्मचारी, ट्राफिक, बम डिस्पोजल, खिचापाखे चेकजाँच याइपि सुरक्षाकर्मीपिन्त २० गते बिहीवाः खोप बिइगु ज्याझ्वः दु।

अथेहे, २१ गते शुक्रवाः अन्तर्राष्ट्रिय सम्मेलन केन्द्रया दक्को कर्मचारी व बुधवाः व बिहीवाः छुटे जुपिपिन्त खोप बिइत्यःगु धका संसद सचिवालयं धाःगु दु । 

मष्तिष्कघात जुया वःगु शुक्रवाः सुथय् थापाथलीया नर्भिक अस्पतालय् भर्ना जुयादीम्ह नेपाली कांग्रेसया नेता नवीन्द्रराज जोशीया स्वास्थ्यय् सुधार जुया वःगु दु।

स्वास्थ्यय् सुधार जुया वयेव सोमवाः सुथनिसे भेन्टिलेटरया सपोर्ट लगातार कम गर्न याना यकूगु धका उपचारय् संलग्न न्यूरो सर्जन डा. राजीव झा न जानकारी बिःगु दु। ‘सोमवाः सुथय् निसे थम्हेसिया सासः ल्हानादीगु दु ।

मेसिनं सासः ल्ह्याकेम्वाःगु दु’ डा. झा न धाःगु द। बेहोस अवस्थाय् भेन्टिलेटरय् च्वनाच्वपि बिरामीयात श्वासप्रश्वासय् याउसे च्वंगु दु । बुधवाः सुथय् नेता जोशीया गःपतय् चिधःगु प्वाः खना सर्जरी (ट्रयाकियोसटोमी) यायेगु धका डा. झा न धाःगु दु।

‘थज्यागु गम्भीर बिरामीयात सासः ल्हाकेत म्हुतिइ ताहाकःगु पाइप तयेम्वालेम्वाः धइगु उद्देश्यले गःपतय् प्वाः खनेगु सर्जरी याये त्यनगु दु, ‘वया लिप वयकःयात विस्तारं भेन्टिलेटरपाखे पिकायेगु भलसा कयादु ।’ ‘मष्तिष्कघात जुइपि मनू तयेगु उपचार लिपा खतरामुक्त जुइत स्ववा निसे लच्छि तक जुइ’ डा.झा न धयादीगु दु, ‘आःया अवस्थाय् जिमिसं भेन्टिलेटर सपोर्टया स्पोन्टेनियस मोड खः ।’

बालाजु सतक विस्तारया विरोधय् यायेगु झ्वलय् प्रदर्शन यापि स्थानीय वासिन्दायात सर्वोच्च अदालतं रिहा यायेत आदेश बिःगु दु।

थौं मंगलवाः न्यायाधीशपि दीपककुमार कार्की व प्रकाशमान सिंह राउतया इजलासं उमित गैर कानुनी रुपं कुना तःगु खनेदुगुलि बन्दी प्रत्यक्षीकरण रिट जारी याःगु खः । बालाजु बाइसधाराय् सरकारं नागरिकया व्यक्तिगत सम्पत्ति हडपे यायेगु कथं सतक विस्तार याःगु धाःसे प्रदर्शनय् कुहावःपि नागरिक अभियन्ता सुमन सायमी, विरोचन श्रेष्ठ, भीमदेव श्रेष्ठ, मीन शाही, महेश्वर मानन्धर, सन्जय तामाङ, रुक्षित श्रेष्ठ, दिपेन श्रेष्ठ लगायतपिन्त वःगु बुधवाः ज्वना प्रहरीं महानगरीय प्रहरी वृत्त बालाजु तयातःगु खः ।

उमित राज्यविरुद्धया अपराधमा अनुसन्धानया लागि प्रहरीं जिल्ला अदालत काठमाडौंपाखे म्याद तक काःगु खः । मंगलवाःया आदेशय् सर्वोच्चं सू न मनूयात कुनेत कानुनसम्मत, माःगु कारण नाप वस्तुनिष्ठ आधार उल्लेख यायेमाः । उमित धाःसा छू कारण ज्वःगु धका कारण खुले मजुगु खः।

थःगु सम्पत्ति रक्षार्थ विचाः व अभिव्यक्ति याःगुया कारणं ज्वःगु खनेदु धाःसे सर्वोच्चया आदेशय् धाःगु दु, ‘उमिसं राज्यविरुद्ध छु कसुर याःगु धका स्पष्ट हे मयाेि पक्राउ पूर्जी बिःगु व म्याद थप माग यासे व म्याद थपया आदेश यायेत स्पष्ट आधार व कारण मिसिल संलग्न कारणपाखे खुले मजुगु धाःसे खँदा निवेदकपिन्त कूना तःगु खनेदु।’ धाःसे उमित रिहा यायेत आदेश बिःगु खः।

लुँया भाः छन्हु हे १७०० क्वहावःगु दु ।

म्हिगः ८८ हजार सात सय रुपैयाँय् कारोबार जुगु छापावाल लुँ थौं १७०० रुपैयाँ क्वहा वया ८७ हजार रुपैयाँ कायम जुगु दु धका नेपाल सुनचाँदी व्यवसायी महासङ्घं धाःगु दु ।

अथेहे तेजाबी लुँ ८६ हजार ५५० रुपैयाँ तोके याःगु दु । अथेहे वहः तोलाया १३४० रुपैयाँ कारोबार जुगु खःसा थौं पीतका क्वहा वया १२९० रुपैयाँमा कारोबार जुगु दु धका महासङ्घं धाःगु दु।