Display Style:
Column Style
च्वबाहालय् बाँसुरी प्रशिक्षण क्वचाल
लहानान्युज | अनलाथ्व ४ ११४०, असोज ५ सोमवाः
किपूया च्वबाहालय् छगू ज्याझ्वःया दथुइ बाँसुरी प्रशिक्षण समापन ज्याझ्वः जुल ।
किपू नगरपालिका–६य् च्वंगु जलविनायक दाफा खलःया ग्वसालय् जूगु प्रशिक्षण ज्याझ्वः थगुने असोज ७ गते न्ह्याःगु खः । कोरोना महामारीया हुनिं तःक्वःमछि हे प्रशिक्षण स्थगित याय्माःगुलिं प्रशिक्षण ज्याझ्वः थ्यंमथ्यं दच्छितक जुल ।
स्थानीय मिसा व मिजंपिं यानाः मुक्कं नीम्हय्म्ह प्रशिक्षार्थीपिन्त गुरु धर्म मुनिकार, वडा नं. ६या वडाध्यक्ष न्हुछे बहादुर महर्जनलिसें दाफा खलःया न्ह्यलुवापिन्सं दसिपौ लःल्हानादीगु खः ।
महिला पुरुष गरी २७ जना प्रशिक्षार्थीहरुलाई गुरु धर्म मुनिकार, ६ नं वडा अध्यक्ष न्हुछे बहादुर महर्जन लगायत दाफा खलःका अग्रजहरुले प्रमाणपत्र वितरण गर्नुभएको थियो ।
दाफा खलःया नायः ईन्द्र महर्जनं स्थानीयवासी व वडाध्यक्षंतकं माःगु ग्वाहालि याःगुलिं ज्याझ्वः सुथांलाक्क क्वचाःगु न्ह्यथनादिसें देय् कोरोनामुक्त जुइधुंकाः तःजिक ज्याझ्वः याय्गु ग्वसाः दुगु नं धयादिल ।
बाँसुरी प्रशिक्षण ज्याझ्वःया संयोजक ज्ञानेन्द्र महर्जनं न्ह्याकादीगु उगु ज्याझ्वः दाफा खलःया नायः ईन्द्र महर्जनया सभाध्यक्षताय् जूगु खः।
लुँया भाः तोला निसः थहा वन
लहानान्युज | अनलाथ्व ४ ११४०, असोज ५ सोमवाः
लुँया भाः तोलां निसः थहा वःगु दु ।
म्हिगः आइतवाः छगु तोलाया ९७ हजार कारोवार जुगु छापावाल लुँ थौं सोमवाः ९७ हजार २ सय कायम जूगु दु ।
छापावाल सुन लुँया भाः थहा वने वः तेजाबी लुँ न तोला निसः थहा वःगु दु ।
थौं तेजाबी छगु तोलाया ९६ हजार ७ सय न कारोवार जुगु दु ।
अथेहे वहः तोलां न्यातका थहा वना थौं तोलाय् १३२० तका थ्यःगु दु धका नेपाल सुनचाँदी व्यवसायी महासंघं धाःगु दु।
भारतय् कोरोना सीपि ८६ हजार स्वया अप्वोल
मनिष | अनलाथ्व ४ ११४०, असोज ५ सोमवाः
भारतय् कोरोनां सीपि ८६ हजार स्वया अप्वोगु दु ।
विश्व स्वास्थ्य संगठनया कथं भारतय् कोरोनां ८६ हजार ७५२ संक्रमितपि सी धुकुगु दु ।
भारतय् आःतक ५४ लाख ६१९ म्ह कोरोना संक्रमण पुष्टि जुइ धुकुगु दु ।
वःगु २४ घण्टाय् जक ९२ हजार ६०५म्हेसित कोरोना पुष्टि जुइ धुकुगु दु ।
अथेहे वः२४ घण्टाया दुने जक १ हजार १३३ म्ह संक्रमितपि सी धुकुगु दु धका संगठनया तथ्यांकय् उल्लेख याःगु दु।
एक हजार २०४ मध्ये ७११ संक्रमित स्वनिगलय्
शोभा श्रेष्ठ | अनलाथ्व द्वितीया ११४० (२०७७ असोज ३) शनिबाः
नेपालय् थौं एक हजार दुई सय ४ म्हेसिके न्हूगु संक्रमण पुष्टि जूगु दु ।
उपिंमध्ये ४सः व ८ मिसा दुसा ७सः व ९६ मिजंत दु ।
थौं संक्रमण पुष्टि जूपिंमध्ये बच्छिं मल्याक्क स्वनिगलय् खनेदुगु दु ।
स्वनिगलय् थौं ७सः व ११म्ह न्हूपिं संक्रमित खनेदुगु दु । व मध्ये येँय् जक हे ५सः व ७० दुसा ख्वपय् ८३म्ह व यलय् ५८म्ह दु ।
वागमती प्रदेश दुने धाःसा ७ सः व ९२म्ह संक्रमित थप जूगु दु ।
लिपांगु २४ घौ दुने एक हजार ४ सय ४७ म्ह संक्रमित लंकाः डिस्चार्ज जूगु दु । नेपालय् कोरोना लंपिनिगु ल्याः ४५द्वः २सः व ६७ थ्यंगु दु ।
थौंया ल्याःलिसें नेपालय् कोभिड १९ पाखें संक्रमितपिनिगु मुक्कं ल्याः ६२द्वः ७सः व ९७ थ्यंगु दु ।
संविधानया कार्यान्वयन थौंया महत्वपूर्ण ज्या खः : सभामुख
लहनान्युज | अनलाथ्व २ ११४०, असोज ३ सनिवाः
सभामुख अग्निप्रसाद सापकोटां संविधानय् दुगु व्यवस्थाया प्रभावकारी कार्यान्वयन थौं महत्वपूर्ण ज्या खँ धका धयादिगु दु ।
संविधान दिवस, २०७७ या लसताय् थौं भिंतसना सन्देश बियादिसे वयकलं सङ्घ, प्रदेश व स्थानीय तहया दथुइ मंकाः अधिकारया क्षेत्राधिकार व उकिया लिच्वंंया सम्बन्धय् विवाद जुइ मज्युलि सचेत जुइ माःगु जोड बिःगु दु ।
“संविधानअनुरुप निर्माण जुगु ऐनया नियमावली निर्माणय् ढिलाइ जुगु गुनासा सम्बोधन याये माःगु व कानून दयेकेगु तर नागरिकं प्रतिफल काये मफइगु अवस्था वयेके मबिइगु सम्बद्धक दक्कोसिगु ध्यानाकर्षण याये चाहे जुगु”, सन्देशय् वयकलं धयादिगु दु ।
सभामुख सापकोटां थौं विशेष दिं दक्कोसिया संविधानया मर्म व भावना कथं ज्या यायेगु प्रेरणा दइगु विश्वास व्यक्त यानादिगु दु ।
वयकलं नेपालया संविधान धारा १०९ य् सङ्घीय संसद् या व्यवस्थापकीय अधिकार, धारा १९७ य् प्रदेशसभाया व्यवस्थापकीय अधिकार व धारा २२१ य् स्थानीय तहया व्यवस्थापकीय अधिकारया व्यवस्था याःगु कारण स्वगू तहया कानून दयेकेगु अधिकार दइगु व माःगु कथं कानूनया निर्माण व कार्यान्वयन यायेगु खँ लुमकादिगु दु ।
संविधान गतिशील दस्तावेज जुगु उल्लेख यानादिसे सभामुख सापकोटां नीतिनिर्माण तथा राज्यया थीथी संयन्त्रय् समावेशिताया व्यवस्था याःगु दु धका न धयादिगु दु ।
सङ्घ, प्रदेश व स्थानीय तह (समन्वय तथा अन्तरसम्बन्ध) कानून दुगु व संविधान नाप ल्वागु कानून संशोधन जुइ धुकुुगु धका वयकलं प्रदेश व स्थानीय तह न थःगु एकल अधिकार अन्तर्गतया कानून दयेका कार्यान्वयनय् हयेमा धका धयादिगु दु ।
नेपालया संविधान नेपालया अग्रगामी ह्यूपा हयेगु पक्षधर जनताया सङ्घर्ष व शहीदया बलिदानया लिच्वः जुगु उल्लेख यानादिसे वयकलं शहीदया साहस, अग्रगामी परिवर्तन तीव्र इच्छाशक्ति एवम् बलिदानीपूर्ण सङ्घर्षया कारण नेपालया संविधान निर्माण जुगु खँ धका धयादिगु दु ।
