Display Style:
Column Style
१२४६म्ह कोरोना संक्रमण पुष्टि, १२४३म्ह डिस्चार्ज
शोभा श्रेष्ठ | ञंलागा ३० ११४०,असोज १ बिहीवाः
वःगु २४ घण्टाय् थौ १२४६म्ह कोरोना भाइरस (कोभिड(१९) या संक्रमण पुष्टि जुगु दु । देय् यकंया प्रयोगशालाय् १० हजार ६४१ म्हसिगु नमुना परीक्षण याःगु इलय् ४२८म्ह मिसा व ८१८म्ह मिजं संक्रमण पुष्टि जूगु दु ।
थ्व नाप आःतक संक्रमितपि ५९ हजार ५७३म्ह थ्यःगु दु । उकि मध्ये ३८३ म्ह सी धुकुगु दु । ४२ हजार ९४९ म्ह संक्रमण मुक्त जुगु दु । वःगु २४ घण्टाय् जक १२४३ म्ह डिस्चार्ज जुइ धुकुगु खः ।
१६ हजार २४१ म्ह संक्रिय संक्रमित जूगु दु । उकि मध्ये १८२म्ह आईसीयूलय् व ३९ म्ह भेन्टिलेटरय् च्वना वासः याका वया च्वंगु दु धका स्वास्थ्य तथा जनसंख्या मन्त्रालयं धाःगु दु ।
थौं थपे जुपि येँ ५०७म्ह, यलय् ६० म्ह व ख्वपय् ५० म्हेसित सक्रमण जुगु दु ।
अथेहे चितवनय् १०१ म्ह, मोरङय् ९४म्ह, मकवानपुरय् ६३, सुनसरी ५४, अछाम २२, प्युठान, बाँके व कैलालीइ २१म्ह, २१म्ह, पर्साय् १९, डोटी १७, धनुषा, कास्की, नवलपरासी १६म्ह व १६म्ह, नवलपुरय् १५, बर्दिया १३, झापा, सर्लाही व सिराहाय् ११ म्ह व ११ म्ह बारा व दैलेखय् १० म्ह १० म्हेसित पुष्टि जुगु दु ।
सप्तरी ९, कञ्चनपुरय् ८, रौतहटय् ७, महोत्तरी, सिन्धुपाल्चोक व बाग्लुङय् प्यम्ह, प्यम्ह, दोलखा, गोरखा व रुपन्देही स्वम्ह स्वम्ह, काभ्रे, धादिङ व तनहुँइ निम्ह निम्ह व उदयपुर, खोटाङ, धनकुटा, नुवाकोट, रामेछाप, लमजुङ, स्याङ्जा, कपिलवस्तु, गुल्मी, दाङ, पाल्पा, जाजरकोट, सुर्खेत, बझाङ व बैतडी छम्ह छम्हेसित कोरोना संक्रमण पुष्टि जुगु दु धका मन्त्रालयं धाःगु दु ।
येँ ५०७म्ह नाप स्वनिगः ६१८ म्ह सक्रमित
लहनान्युज | ञंलागा ३० ११४०,असोज १ बिहीवाः
वःगु २४ घण्टाय् थौं स्वनिगः दुने ६१८म्ह कोरोना संक्रमित थपे जूगु दु ।
स्वास्थ्य तथा जनसंख्या मन्त्रालयया कथं येँ ५०७ म्हेसित कोरोना सक्रमित जूगु दु ।
अथेहे यलय् ६० म्ह व ख्वपय् ५०म्हेसित संक्रमण पुष्टि जुगु दु ।
वःगु २४ घण्टाय् येँ ८७ दँ दुम्ह छम्ह मनू सीगु दु।
जिल्ला प्रशासन कार्यालय ४ गते निसे ज्या सुरु
लहनान्युज | ञंलागा ३० ११४०,असोज १ बिहीवाः
जिल्ला प्रशासन कार्यालय काठमाडौं न थ्व स्वया न्ह्यः स्थगित याना तःगु सेवा थ्व हे वइगु असोज ४ गते आइतवाः निसे हाकन सञ्चालन याये त्यःगु दु ।
कोरोना संक्रमणया जोखिम अप्वोया वःगुलि प्रशासन कार्यालय साउन २५ गते सेवापि स्थगित याःगु दु ।
प्रशासन कार्यायल बिहीवाः छगु सूचं जारी याना न्हुगु नागरिकता, नागरिकताया प्रतिलिपी, नाबालक परिचयपत्र, राहदानी, हातहतियार दर्ता, पत्रपत्रिका, संघसंस्था दर्ता व नवीकरण सम्बन्धी सेवा असोज ४ निसे चायेके त्यःगु खः ।
तर आः कार्यालयय् हुलमुल मयाकेत सेवाग्राहीयात स्थानीय तहया कथं सेवा बिइगु बार तोकेयाःगु दु ।
थुगु कथं येँ महानगरपालिकां सेवाग्राही नं आइतवाः, मंगलवाः व बिहीवाः सेवा काये दइ । अथेहे, किपू, नागार्जुन व चन्द्रागिरि नगरपालिकां सेवाग्राहीपिन्सं सोमवाः, बुढानीलकण्ठ, टोखा, कागेश्वरी मनहरा नगरपालिकाया सेवाग्राहीं बुधवाः व गोकर्णेश्वर, दक्षिणकाली, शंकरापुर व तारकेश्वर नगरपालिकाया सेवाग्राहीपिन्स शुक्रवाः सेवा काये दइ ।
संस्था दर्ताया ज्या सोमवाः व बुधवाः जक जुइ, नवीकरण आइतवाः, मंगलवाः व बिहीवाः जुइ । पत्रपत्रिका व छापाखाना दर्ता व विधान संशोधनया ज्या शुक्रवाः जक जुइगु सूचं जारी याःगु खः । संघसंस्थाया प्रतिलिपि पत्रचार सम्बन्धी सेवा धाःसा न्हि ४ बजे लिपा यायेगु जिल्ला प्रशासन कार्यालय काठमाडौ धाःगु दु ।
तीनकुनेया तरकारी बजारय् ४२ बोरा प्याज जफत
लहनान्युज | ञंलागा ३० ११४०,असोज १ बिहीवाः
येँ महानगरपालिकाया उपभोक्ता हित संरक्षण समितिं तिनकुनेय् छगु एक तरकारी बजारय् ४२ बोरा प्याज जफत याना प्रहरीयात जिम्मा बिःगु दु ।
तीनकुनेया हरितगृह तरकारी बजारय् थौं बिहीवाः सुथय् छड्के अनुगमन याःगु इलय् व्यापारी सुचुका तःगु प्याज बरामद याःगु खः ।
विशेष गौतमया पसलं २९ व उन्नत सब्जी भण्डारय् १३ बोरा प्याज जफत याःगु धका अनुगमन समितिया सदस्यं जानकारी बिःगु खः ।
उगु तरकारी बजारय् थिकेक प्याज मिइगु आरोपय् दुलाल आलु प्याजया सञ्चालकयात न समितिं कारबाही सिफारिस याःगु खः ।
अनुगमनय् लापि सकसित न १० बजे वाणिज्य विभागय् हाजिर जुइत निर्देशन बिःगु दु । उमित उपभोक्ता हित संरक्षण ऐन कथं कारबाही याये त्यःगु खः ।
भारतं प्याज निर्यात बन्द यायेवं नेपाली बजारय् व्यापारी तयेस प्याजया कृत्रिम अभाव सिर्जना याःगु खः ।
बुंगद्यःया थौ प्यन्हू विचाः पुजा जात्रा
लहनान्युज | ञंलागा ३० ११४०,असोज १ बिहीवाः
थौ बुंगद्यःया प्यन्हू विचाः पुजा जात्रा औपचारिक कथं क्वचायेत्यंगु दु ।
वंगु २९ गते बुंगय् लिहाँयकुगु खःसाः उकिया प्यन्हू लिपा विचाः पूजा जुइगु खः ।
थ्व नापं थुगुसियां बुंगद्यःया जात्रा औपचारीक रुपं क्वचागु दु ।
बुंग द्यःयात बुंगय् लिहाँविज्याःकुगु प्यन्हु लिपा विचाः पूजा वनेगु परम्परा दु।
कोरोना भाइरसया संक्रमणया कारणं विचा पुजाय् ब्वति मकायेत वडा ल्याः २२ नं इनाप यागु खः ।
