Display Style:
Column Style
चितवनय् मेम्ह वडासदस्य मन्त
लहानान्युज | कौलाथ्व पारु ११४०,कार्तिक १ आइतवाः
चितवनय् कोरोना संक्रमणं सीपि जनप्रतिनिधि निम्ह जूगु दु। सीपि निम्ह खैरहनी नगरपालिका च्वपि खः।
जिल्लाया खैरहनी नगरपालिकाया वडा नं. १२ या वडा सदस्य बद्रीबहादुर पाण्डेया वासः यायेगु झ्वलय् भरतपुर अस्पतालय् थौं शनिवाः सुथय् मलुगु धका वडा अध्यक्षं जानकारी बिःगु खः।
निन्हु न्ह्य जक कोरोना संक्रमण पुष्टि जुम्ह ४१ दँया पाण्डे क्यान्सर ल्वय् पाखे पीडितम्ह खः। वयागु वःगु चैतय् क्यान्सरया अप्रेसन याःगु खःसा स्वक्वः तक किमो काये धुकुम्ह खः।
पाण्डे वःगु स्थानीय निर्वाचनय् नेपाली कांग्रेसपाखे निर्वाचित जुम्ह खः।
थ्व स्वया न्ह्यः, चितवनया भरतपुर महानगरपालिका वडा नं. २० या वडाध्यक्ष न कोरोना संक्रमणं मदुगु खः।
शहरी बिकास मन्त्री कृष्णगोपालं पुष्पलालया झ्वाताय् स्वांमा देछात
नृपेन्द्रलाल श्रेष्ठ | कौलाथ्व पारु ११४०,कार्तिक १ आइतवाः
शहरी बिकास मन्त्री कृष्णगोपाल श्रेष्ठ थौं येँ महानगरपालिका १८ वडा तपिंताँय् थाय् च्वंगु पुष्पलाल श्रेष्ठया झ्वाताय् स्वांमा देछानादिगु दु।
थौं जुगु उगु ज्याझ्वलय् येँ महानगरपालिका १८ वडाध्यक्ष न्हुच्छेकाजी महर्जनं मन्त्री श्रेष्ठयात भिंतुना पौं न देछानादिगु खः।
मन्त्री श्रेष्ठं थःगु कार्यकालय् भिंगु ज्या जक यायेगु मभिंगु ज्या थःपाखे जुइ मखु धका बचं बियादिगु खः। थःगु कार्यकाल न्ह्यला न्ह्यनिसे रामबीर मानन्धर शहरी बिकास राज्यमन्त्री जुयाच्वंगुलि थः ज्यायाये अपुइ धका धयादिगु दु।
येँ महानगरपालिका १८ वडाध्यक्ष न्हुच्छेकाजी महर्जा पुष्पलाल श्रेष्ठ नामय् दयेका तःगु उगु पार्कय् मन्त्री श्रेष्ठयात निरिक्षण याकादिगु खः।
थौं जुगु उगु ज्याझ्वलय् वागमती प्रदेशया सांसद बसन्त मानन्धर, सविधानसभया सदस्य शोभा बज्राचार्य नाप वडा सदस्यपिनिगु न ब्बतिदुगु खः।
उगु ज्याझ्वः लिपा मन्त्री श्रेष्ठ शोभा भगवति वना गंगालाल, धर्मंभक्त, गणेशमान व मंगलादेवीया झ्वाताय् न स्वा देछानदिगु खः।
हलियकं कोरोना सीपि
रमित | कौलाथ्व पारु ११४०,कार्तिक १ आइतवाः
कोरोनाया कारण हलियकं सीपि १० लाख ९५ हजार स्वया अप्वो जुइ धुकुगु दु।
विश्व स्वास्थ्य संगठनया लिपागु तथ्यांक कथं आःतक हलियकं कोरोनाया कारण सीपि १० लाख ९५ हजार ९७ म्ह थ्यःगु दु धका धाःगु दु।
वःगु २४ घण्टाया दुने ६ हजार ७ म्ह संक्रमितपि सी धकुगु दु।
अथेहे उगु इलय् हे ३ लाख ८३ हजार ५८८ म्ह संक्रमितपि थपे जूगु दु।
हलियकं आःतक कोरोना संक्रमितपि ३ करोड ८७ लाख ८९ हजार २०४म्ह थ्यःगु दु।
डा.राममान श्रेष्ठ मन्त
लहानान्युज | अनलागा ३० ११४०,असोज ३० बिहीवाः
वामपन्थी बुद्धिजिवि प्राध्यापक डा.राममान श्रेष्ठ मदुगुली नेकपाया अध्यक्ष पुष्पकमल दाहाल प्रचण्ड, सभामुख अग्नि सापकोटा नाप नेवाः राष्ट्रिय मुक्ति मोर्चां बिचाः हायेकूगु दु।
मदुम्ह श्रेष्ठ प्रोस्टेट क्यान्सरया वासः याकेगु झ्वय् शुक्रवाः येँया सिभिल अस्पतालय् ८२ दँय् मदु खः।
राष्ट्रिय सभाया सदस्य जुयादि धुकुम्ह श्रेष्ठ त्रिभुवन विश्वविद्यालय गणित विषयया प्राध्यापक, नेपाल प्राध्यापक संघया पूर्वसभापति, नेपाल बुद्धिजीवि परिषद् या पूर्वनायः, त्रिभुवन विश्वविद्यालयया पूर्वशिक्षाध्याक्ष न तक जुयादी धुकुम्ह २०५४ सालय् तत्कालीन नेकपा (एमाले)पाखें राष्ट्रियसभा सदस्य जुयादीगु खः ।
सत्तारुढ नेपाल कम्युनिष्ट पार्टी (नेकपा)या नायः पुष्पकमल दाहाल प्रचण्डं पार्टीया पूर्व केन्द्रीय सल्लाहर प्रा.डा. राममान श्रेष्ठया निधनं थःत मर्माहत जूगु दु धका धयादीगु दु ।
अथेतु, श्रेष्ठ मदुगु बुखँं थःत मर्माहत याःगु धासें सभामुख अग्निप्रसाद सापकोटां मदुम्हेसित बिचाः हायकूगु दु।
अथेहे, नेवाः राष्ट्रिय मुक्ति मोर्चांया अध्यक्ष पवनमान श्रेष्ठ नं छगु शोक विज्ञप्ति पिकया मदुम्ह श्रेष्ठया वामपन्थी आन्दोलन, नेवाः जातिया आन्दोलनय् अपूरणीय क्षति जूगु खँ न्हय थनादिगु दु।
मदुम्ह श्रेष्ठप्रति बिचाः हायेकाः शोकसन्तप्त छेँजःपिनि धैर्यधारणया कामना नं विज्ञप्तिइ यानातःगु दु । मदुम्ह श्रेष्ठ नेवाः राष्ट्रिय मुक्ति मोर्चाया केन्द्रीय सल्लाहकार जुयाच्वनादीम्ह खः ।
येँ महानगरपालिकां ‘मेयर्स रिसर्च फेलोसिप’ प्रदानयात
नृपेन्द्रलाल श्रेष्ठ | अनलागा ३० ११४०,असोज ३० बिहीवाः
येँ महानगरपालिका शहरी योजना आयोगं थथिी झीगु विधाय् झीम्हेसित ‘मेयर्स रिसर्च फेलोसिप’ प्रदान याःगु दु। नीति–निर्माण तहय् अनुसन्धान संस्कृतिइ व उकिइ कार्यान्वयन तहलय् यकंगु उदेश्यं न्हापागु चरणय् झीम्हेसित ‘मेयर्स रिसर्च फेलोसिप’ यायेगु येँ महानगरपालिकां जानकारी बिःगु दु।
थ्व हे उदेश्य कथं थौं येँ महानगरपालिकाया मेयर बिद्यासुन्दर शाक्य व प्रमुख प्रशासकीय अधिकृत एकनारायण अर्यालया उपस्थितिइ झीम्हेसित ‘मेयर्स रिसर्च फेलोसिप’ प्रदान यायेगु सम्झौतापत्रय् ल्हाचिं तयेगु ज्या जूगु दु।
सम्झौतापत्रय् ल्हाचिं तये धुका थःगु खँ तयादिसे येँ महानगरपालिकाया मेयर शाक्यं येँ महानगरपालिकां वइगु दँय् नीति तथा कार्यक्रमय् तक समावेश यासे कार्यान्वय चरणय् यंकेत लैजान अपुइ कथं व्यवहारिक पक्षयात ध्यानय् तया अनुसन्धान तयार यायेत सुझाव बिःगु दु।
मेयर शाक्य थज्यागु अनुसन्धानं थःगु हे स्रोत–साधान छ्यला ई कथं तथ्याङ संकलन याना छु हद तक ग्वाहालि जुइगु विश्वास कयादिगु दु।
‘येँ महानगरपालिका संघीय राजधानी दुगु थाय् याःगु महानगरपालिका खः। येँ ७७ गु जिल्लाया नागरिक बसोबास याइगु जुगुलि थन लागु जूगु नीति–कार्यक्रम व थन याइगु अनुसन्धान मेमेगु स्थानीय तहया लागि अनुसरण याइ कथंया जुइमाः धका मेयर शाक्यं धयादिगु खः।, ‘छिकपि थे जापि अनुभवी मनू तयेस तयार याःगु अनुसन्धान व्यवहारिक रुपं कार्यान्वयन याइगु सन्दर्भय् अनुसन्धानकर्ता हे अन्योल मजुइक व ई कथं सान्र्दभिक जुइमा धका सझाव मेयर शाक्य बियादिसे येँ महानगरपालिका बिइगु सेवा प्रवाहं थनया मेयर, जनप्रतिनिधि व स्थानीयपिन्त जक मखु ७७ गु जिल्लाया नागरिकया सेवा नाप स्वाइ कथं फेलोसिपया मर्म न थुकिया नाप सम्वन्धित जुइमाः धका धयादिगु खः। ‘येँया मेयर याकचा दयेका जुइमखु, ‘जनप्रतिनिधि अस्थायी खः, जि न अस्थायी खः। तर, थनया विकास स्थायी प्रकृतिया जुइमाः धका धयादिगु खः।उकि थनया विकास व समृद्धिइ दक्को मिले जुया वनेमाः। अथे जूसा जक थनया संवृद्धि तापा मजू धका धयादिगु खः।
उगु ज्याझ्वलय् प्रमुख प्रशासकीय अधिकृत अर्याल, सहरी योजना आयोगया उपाध्यक्ष सरोज बस्नेतपिन्स थःथःगु खँ तयादिगु खः।
अनुसन्धानया लागि महानगरपालिकां प्रत्येक विधामा १ लाख ५० हजार बिइगु सम्झौताय् उल्लेख याःगु दु।
अथेह न्हापागु चरणय् विश्व जलवायु परिवर्तनया प्रभाव न्यूनीकरणया लागि स्वनिगःया रिङरोड क्षेत्रय् बायोमास व कर्बोन स्टक सम्भाव्यता सिमा पिइगु सम्बन्धी अध्ययन, येँलमहानगरपालिकाया जेष्ठ नागरिकपिनिगु जीवनया गुणस्तर सम्बन्धी कानुन, नीति व प्रमाण सम्बन्धी अध्ययन, येँ महानगरपालिकां नविन परिवर्तन हबया रुपय् विकास यायेत स्टेम शिक्षाया आवश्यकता सम्बन्धी अध्ययन, येँ महानगरपालिका दुने नेवाः समुदायया दुने गरिबी व सम्भावित निवारणया पद्धति सम्बन्धि अध्ययन न छनोट जूगु खः। अथेहे येँ महानगरपालिकां शहरी विकास व्यवस्थापन (योजना तर्ज निसे कार्यान्वयन तक) य् संचारया भूमिका व प्रभावकारिता अभिवृद्धि सम्बन्धि अनुसन्धान प्रस्तावना न छनोटय् लाःगु खः। उगु झीगु विधाय् अनुसन्धानया लागि क्रमश प्रतिक खनाल, कृति प्रधान, सुरज गौतम, राजीब पोखरेल, सम्राट बस्याल, नबिन राज जोशी, कृपा सिग्देल, मनिष मान श्रेष्ठ, रबिन्द्र के सुवाल, गोपी कृष्ण ढुगानानाप सम्झौता याःगु खः।
