राष्ट्रिय

Display Style:

Column Style

स्वनिगः दुने ६७४म्ह कोरोना संक्रमण

शोभा श्रेष्ठ | अनलाथ्व ४ ११४०, असोज ५ सोमवाः

वःगु २४ घण्टाय् दुने स्वनिगः दुने थप ६७४म्ह कोरोना संक्रमण खने दुगु दु ।

स्वास्थ्य तथा जनसंख्या मन्त्रालयं सोमवाः कोरोना मिडिया ब्रिफिङय् येँ जक ५३८म्हेसित सक्रमण जूगु दु धका धाःगु दु ।

अथेहे ख्वपय् ७४म्ह व यलय् ६२म्हेसित कोरोना संक्रमण जूगु दु ।

आइतवाः जक स्वनिगः दुने ७६७म्ह संक्रमितपि थपे जुगु दु।

२४ घण्टाया दुने १ हजार ५ डिस्चार्ज

लहानान्युज | अनलाथ्व ४ ११४०, असोज ५ सोमवाः

नेपालय् वःगु २४ घण्टाय् कोरोना संक्रमणमुक्त जुया छेँ लिहावःपि १ हजार ५म्ह थ्यःगु दु धका स्वास्थ्य तथा जनसंख्या मन्त्रालयं धाःगु दु ।

थ्व नाप आःतक कोरोना संक्रमणमुक्त जुपि ४७ हजार २ सय ३८ म्ह थ्यःगु दु । आइतवाः तक देय् यकं ९ सय ६६ संक्रमितपि डिस्चार्ज जुगु दु । सोमवाः तक नेपालय् कोरोना संक्रमितपि ६५ हजार २ सय ७६म्ह थ्यःगु दु ।

मन्त्रालयया प्रवक्ता डा. जागेश्वर गौतमया कथं आःतक नेपालय् पीसीआर विधिपाखे ९ लाख २३ हजार ८२३ परीक्षण याये धुुकुगु दु । थ्व नाप २४ घन्टाय् जम्मा ९ हजार ५३३ म्हेसिगु पीसीआर परीक्षण याःगु खः ।

आःतक क्वारेन्टाइनय् ७ हजार ४०३म्ह च्वना च्वंगु दु धका मन्त्रालयं धाःगु दु । थ्व नाप सक्रिय संक्रमितपि १७ हजार ६११म्ह जुया च्वंगु दु । २४ घन्टाय् थप १६म्ह सी धुकुगु दु । होम आइसोलेसनय् च्वना च्वपि ८ हजार ६९०म्ह दु धका मन्त्रालयया प्रवक्ता गौतम. धाःगु दु।

धरानय् कोरोना सक्रमितपि निम्ह मन्त

लहानान्युज | अनलाथ्व ४ ११४०, असोज ५ सोमवाः

धरानया वीपी कोइराला स्वास्थ्य विज्ञान प्रतिष्ठानय् वासः यायेगु झ्वलय् कोरोना संक्रमित मिसा सीगु दु । सीम्ह सुनसरीया इनरुवा ४ या ४९ दँ दुम्ह छम्ह मिसा व झापाया मेचीनगर ८ य् ७२ दँ दुम्ह छम्ह मदुगु खः ।

प्रतिष्ठानया प्रवक्ताया ककथं ४९ दँ दुम्ह मिसा सोमवाः सुथय् ५ बजे व ७२ दँ दुम्ह मनू आइतवाः बहनि ९ः२० बजेय् मदुगु खः ।

४९ दँ दुम्ह उच्च रक्तचाप, चिनी ल्वय् व जँलास्षेँ समस्याया कारण प्रतिष्ठानया मेडिसिन वार्डय् भदौ ३० गते भर्ना जुगु खः । मेडिसिन वार्डमा भर्ना जुगु इलय् पीसीआर परीक्षणया लागि स्वाब संकलन याःगु खःसा वयागु असोज १ गते रिपोर्ट पोजेटिभ वःगु खः ।

कोरोना खनेदे वः वयात प्रतिष्ठानया हे कोभिड अस्पतालया आइसोलेसनय् तःगु खः । नियमित डायलासिस समेत याना वयाच्वगु खः ।

झापा मेचीनगरया ७२ दँ दुम्ह मनू सासः ल्ह्यायेगु थाकुगु, छाती स्याइगु, शरीर कमजोर जुया व निमोनियाया लक्षण खने दये वः असोज ४ गते प्रतिष्ठानय् भर्ना जुगु खः । स्वास्थ्यय् थप समस्या खने दये वः झापाया कन्काई अस्पतालय् वयात धरानय् रेफर याःगु खः ।

उगु हे दिं प्रतिष्ठानया ल्याबय् पीसीआर परीक्षणय् वयागु रिपोर्ट पोजेटिभ वःगु खः ।

कात्तिक ७ गते निसे (क्लिन फिड) दयेकेत सरकारयात निर्देशन

लहानान्युज | अनलाथ्व ४ ११४०, असोज ५ सोमवाः

संसदया विकास तथा प्रविधि समितिं वइगु कात्तिक ७ गते निसे नेपालय् प्रशारण जुया वयाच्वंगु टेलिभिजन च्यानलपिन्त विज्ञापनरहित (क्लिन फिड) दयेकेत सरकारयात निर्देशन बिःगु दु ।

सोमवाः सञ्चार तथा सूचना प्रविधि मन्त्रालयया सचिव लगायतया पदाधिकारी नाप सहलह लिपा समितिं डाउनलिंक अनुमति कया नेपालय् प्रशारण जुया वयाच्वंगु टेलिभिजन च्यानलपिन्त विज्ञापनरहित दयेकेत निर्देशन बिःगु दु ।

नेपालय् विज्ञापन (नियमन गर्ने) ऐन २०७६ य् कार्यान्वयन २०७७ कात्तिक ८ गते निसे सुरु जुइ त्यःगु खः । उकि समितिं उगु तिथि स्वया छन्हु न्ह्यः हे नेपालय् क्लिन फिड सुरु यायेत निर्देशन बिःगु खः ।

नेपालय् क्लिनफिड मजुगु विदेशी च्यानलयात प्रशारण रोके यायेत मन्त्रालयं दयेकुगु योजना न समितिं फ्वःगु दु । थ्व ऐनयात कार्यान्वयनपाखे नेपालय् ग्वःगु विदेशी च्यानल रोके जुइगु अवस्थाय् दु व थुकि याइगु सकारात्मक व नकारात्मक प्रभावया बारेय् मन्त्रालयया धारणा १५ दिं दुने छ्वयेत समितिं निर्देशन बिःगु दु ।

समितिं नेपालपाखे विदेशी टेलिभिजन च्यानलय् विज्ञापन प्रशारण यायेगु नीति (फिड इन) मकायेत सञ्चार मन्त्रालययात निर्देशन बिःगु दु।