Display Style:
Column Style
१३५६म्ह कोरोना संक्रमण पुष्टि, १३५४म्ह डिस्चार्ज
लहनान्युज | ञंलागा २ ११४०,भाद्र १९ शुक्रवाः
वःगु २४ घण्टाय् १३५६ म्हेसित कोरोना भाइरस (कोभिड(१९) या संक्रमण पुष्टि जूगु दु ।
देय् यकं याःगु प्रयोगशालाय् १३ हजार ६३८म्हेसिगु नमुना परीक्षण याःगुलि ४६४म्अ मिसा व ८९५ म्ह मिजंपिन्त संक्रमण पुष्टि जुगु दु । थ्व नाप संक्रमितपि ४४ हजार २३६म्ह थ्यःगु ।
उकि मध्ये २७१ म्ह सी धूकुगु दु । उकि मध्ये २५ हजार ५६१ म्ह कोरोना मुक्त जुइ धुकुगु दु । वःगु २४ घण्टाय् जक १३५४ म्ह डिस्चार्ज जूगु धका स्वास्थ्य तथा जनसंख्या मन्त्रालयं धाःगु दु ।
देय् यकं १८ हजार ४०४ म्ह सक्रिय संक्रमित दु । उकि मध्ये १० हजार ९४२ म्ह संस्थागत व बाँकी होम आइसोलेसनय् च्वना च्वंगु दु ।
येँ ३८६म्ह नाप स्वनिगलय् ४५४म्ह कोरोना संक्रमित
लहनान्युज | ञंलागा २ ११४०,भाद्र १९ शुक्रवाः
वःगु २४ घण्टाय् स्वनिगलय् ४५४म्ह कोरोना संक्रमित थपे जूगु दु ।
स्वास्थ्य तथा जनसंख्या मन्त्रालयया प्रवक्ता डा. जागेश्वर गौतमया कथं स्वनिगलय् जक ४५४म्हेसित संक्रमित थपे जूगु दु ।
शुक्रवाः थौं येँ जक ३८६म्हेसित कोरोना भाइरसया संक्रमण जूगु दु ।
अथेहे ख्वपय् ३६म्ह व यलय् ३२ म्हेसित कोरोना भाइरसया संक्रमण खने दुगु दु ।
म्हिगः येँ ३५७म्ह, ख्वपय् ४२म्ह व यलय् ४६म्ह नाप ४४५ म्हेसित कोरोना भाइरसया संक्रमण खनेदुगु खः ।
चितवनय् प्लाज्मा थेरापी वासः याकाच्वम्ह कोरोना संक्रमित मन्त
लहनान्युज | ञंलागा २ ११४०,भाद्र १९ शुक्रवाः
हेटौंडाय् छम्ह कोरोना संक्रमित मिसा चितवनय् वासः याकेगु झ्वलय् मदुगु दु ।
चितवन मेडिकल कलेज भरतपुरय् उपचारत वासः याकेगु झ्वलय् हेटौंडा उपमहानगरपालिका वडा नम्बर ११ या ५२ दँ दुम्ह मिसा मदुगु दु ।
निमोनिया जुम्ह उम्ह मिसा भदौ १० गते अस्पताल भर्ना जुगु खःसा वयात ११ गते कोरोना संक्रमण १९ पुष्टि जूगु खः ।अस्पतालया आईसीयूलय् तया वासः यायेगु झ्वलय् थौं शुक्रवाः न्हिनय्
मदुगु खः धका अस्पतालया प्रमुख कार्यकारी अधिकृतं जानकारी बिःगु खः ।
मदुम्ह मिसायाःगु अवस्था गम्भीर जूगुलि बिहीवाःचान्ह्यः प्लाज्मा थेरापी बिधिपाखे वासः याःगु खः ।
चितवनय् कोरोनाया कारणं आःतक २१ म्ह सी धुकुगु दु ।
सीपि चितवनया ११म्ह खःसा बाँकी मेमेगु जिल्लायापि खः ।
कर्फ्युया दथुइ बुंगद्यःया क्षमा पूजा
लहनान्युज | ञंलागा २ ११४०,भाद्र १९ शुक्रवाः
थौं शुक्रवाः जिल्ला प्रशासन कार्यालय ललितपुरं जारी याःगु कर्फ्यया दथइ पुच्वःय् बुंगद्यःया क्षमा पूजा जूगु दु ।
म्हिगः बिहीवाः न्हिनय्े झडप लिपा असामान्य जुया वःगुलि स्थितियात साम्य यायेत थीथी जातीय ख लः पुचः, संस्थान, जिल्ला प्रशासन कार्यालय लगायतया प्रतिनिधि पिनिगु बैठकं छगु निर्णय यासे रथयात्रा चिंहाकः यााना थौं शुक्रवाः क्षमापूजा याःगु दु ।
म्हिगः बिहीवाः असामान्य परिपस्थितियात ध्यानय् तया शुक्रवाः यलय् चक्रपथ दुने कर्फ्यु आदेश जारी याना सीमित मनू तयेगु उपस्थितिइ शुक्रवाः क्षमापूजा यासे चिहाकःगु विधिपाखे बुंगद्यःयात बुङ्मती यंकेगु सहमति जुगु खः ।
थ्व हे २२ गते ज्योतिषं साइत स्वकाः बुंगद्यःयात बंगय् यकेगु सहमति जुगु खः ।
रुपन्देहीइ कोरोना सङ्क्रमित स्वम्ह मन्त
लहनान्युज | ञंलागा २ ११४०,भाद्र १९ शुक्रवाः
रुपन्देहीइ कोरोना सङ्क्रमित स्वम्ह सीगु दु । स्वास्थ्य कार्यालय रुपन्देही बिःगु जानकारी कथं होम आईसोलेसनय् च्वना च्वम्ह सिद्धार्थनगर नगरपालिका वार्ड नम्बर ८ या ४५ दँ दुम्ह मिजं मदुगु दु ।
जँलास्येँया ल्वगि चितवनय् डाईलासिस याना लिहा वम्ह शुक्रवाः मदुगु धका स्वास्थ्य कार्यालय रुपन्देहीया कोरोना फोकल पर्शनं धाःगु दु ।
अथेहे बुटवल उपमहानगरपालिका ८ या ७८ दँ दुम्ह छम्ह न कोरोना बिशेष अस्पतालय् मदुगु दु ।
मेम्ह बुटवलया गौतम बुद्ध सामुदायिक मुटु अस्पतालय् वासः याका वयाच्वम्ह रुपन्देहीया सिद्धार्थनगर नगरपालिया ७ य् ६४ दँ दुम्ह मिसाम्ह मदुगु खः । उच्च रक्तचाप, चिनी, मिर्गौला ल्वय् दुम्ह विरामी निमोनिया खने दुगुलि भदौ ४ गते अस्पतालया आईसीयु तया वासः याका वयाच्वंगु खः ।
