Display Style:
Column Style
थौं लुँ वहःया भाः क्वहा वल
लहनान्युज | ञंलागा २ ११४०,भाद्र १९ शुक्रवाः
लुँया भाः थौ क्वहा वःगुदु । म्हिगः स्वया लुँया भाः तोलाय् थौं सच्छि क्वहा वःगु दुु ।
लुँ तोलाय् थौं ९६ हजार ४ सय रुपैयाँ कायम जूगु दु ।
छापावाल लुँ छगु तोलाया ९५ हजार ९ सय रुपैयाँ कायम जूगु दु धका नेपाल सुनचाँदी व्यवसायी महासंघ धाःगु दु ।
अथेहे वहः तोलां स्वीन्या तक क्वहा वया १३१० रुपैयाँ कायम जूगु दु ।
बुंगद्यःया सांकेतिक रथयात्रा याना बुङ्गय् यकीइगु
लहनान्युज | ञंलागा २ ११४०,भाद्र १९ शुक्रवाः
बुंगद्यः जात्रा वइगु थ्व हे भदौ २६ गते तक क्वचाकिगु निर्णय जुग दु । यल जिल्लाया प्रमुख जिल्ला अधिकारी नारायणप्रसाद भट्टया अध्यक्षय् जूगु म्हिगःया बैठकं उगु निर्णय याःगु खः ।
उगु बैठकय् यल महानगरपालिया मेयर चिरीबाबु महर्जनं १९ गते क्षमा पूजा, २१ गते सुरक्षा सावधानी अपने याना रथ भचा सालां, २२ गते साइत स्वयेगु व २६ गते बुंगुद्यः बुङ्य् यकेगु ज्याझ्वः तःगु दु ।
म्हिगः जुगु बैठकय् सङ्घीय सांसद पम्फा भुषाल, प्रदेश राजकाजी महर्जन, कृष्णलाल महर्जन, ज्यापू समाजया अध्यक्ष चन्द्र महर्जन नाप १९ गु खलः पुचःया लगायत मेमेपि पदाधिकारी, गुठी संस्थानया पदाधिकारीपिन्स ब्बति काःगु खः ।
असोज २ गते मलमास सुरु जुइगुलि व स्वया न्ह्य द्यः बुङ्गय् यके माःगु परम्परा दु । मलमासय् छु न कथं या धार्मिक ज्याय् साइत पिहा मवइगुलि व स्वया न्ह्यः बुंगद्यः बुङ्गय् यकेमाःगु खः ।
कन्ह्य यलया चक्रपथ दुने कर्फ्यू
लहनान्युज | ञंलागा १ ११४०,भाद्र १८ बिहीवाः
जिल्ला प्रशासन कार्यालय, ललितपुरं चक्रपथ दुने कर्फ्यू आदेश जारी याःगु दु ।
बुंगद्यःया रथ यात्रायात कया थौं पुच्वःय् न्हिच्छि यकं तनाव जूगु खः ।
प्रशासनं कन्ह्यः सुथय् ४ बजेनिसे चान्ह्य १० बज तक कर्फ्यू आदेश जारी याःगु दु धका सहायक प्रमुख जिल्ला अधिकारी ललितबहादुर बस्नेतं जानकारी बिःगु दु ।
होम डेलिभरी सेवाया लागि मापदण्ड दयेकल
लहनान्युज | ञंलागा १ ११४०,भाद्र १८ बिहीवाः
स्वनिगः दुने होटल व रेष्टुरेन्टं नयेगु उत्पादन याना टेक अवे तथा होम डेलिभरी मार्फत ग्राहकपिं थाय् थ्यके दइगु जुगु दु ।
स्वनिगःया स्वगु हे जिल्ला प्रशासन कार्यालयं निषेध आदेशया इलय् अत्यावश्यक वस्तु तथा सेवा होम डेलिभरी यायेगु सम्बन्धी मादपण्ड निर्माण याना उगु मापदण्ड पालना याना होम डेलिभरी व टेक अवे सेवा सञ्चालन यायेगु अनुमति बिःगु दु ।
आः रेष्टुरेन्टपिन्स ग्राहकया अर्डर कथं छेँय् हे नयेगु थ्यने फइगु कथं सेवा सञ्चालन याये दइ । तर उमिसं न्हिन १ बजे निसे बहनि ७ बजे तक होम डेलिभरी व टेक अवे सेवा सञ्चालन याये दइ ।
अथेहे सेवा बिइम्ह व्यवसायीं न टेक अवेया साधन तथा होम डेलिभरी याइम्हेसिगु नां, सम्पर्क नम्बर व प्रयोग जुइगु सवारी साधनया नम्बर प्रशासन कार्यालय, वाणिज्य, आपूर्ति तथा उपभोक्ता हित संरक्षण विभाग व ट्राफिक प्रहरी महाशाखाय् बुझे यायेमाः ।
होम डेलिभरी याइम्ह वा टेक अवे सेवा बिइम्ह मनू न पीसीआर रिपोर्ट अनिवार्य नेगेटिभ जुइमाः ग्राहकयात सामान बिइ वलय् २ मिटर दूरी कायम यायेमाः ।
मापदण्डय् होम डेलिभरी याइगु सामानया विवरण न उल्लेख यायेमाः । उकि नयेगु, बालबालिकाको मचापिन्त माःगु सामान, छाला तथा सँया सुरक्षासम्बन्धी सामान, व्यक्तिगत सरसफाइया
सामान, छेँ लहिनातम्ह जनावरया लागि माःगु सामान, स्वास्थ्य सुरक्षाया लागि आवश्यक सामाग्री, वासःव कृषिया लागि माःगु मल विउ लगायतया सामान ।
निषेधाज्ञाया इलय् वःगु वाःय् येँ अत्यावश्यक सामग्रीया होम डेलिभरी सेवा बिइपिन्त प्रहरीें नियन्त्रण् काःगु खः । स्थानीय प्रशासनं होम डेलिभरी सेवा बिइगु लागि प्रतिबन्ध तःगु खः ।
येँ १८ वडाय् प्यम्हसित कोरोना सक्रमण
लहनान्युज | ञंलागा १ ११४०,भाद्र १८ बिहीवाः
येँ महानगर १८ वडाय् प्यम्हेसित कोरोना भाइरसया सक्रमित पिहावल वःगु दु ।
आःतक येँ महानगरपालिका १८ वडाय् कोरोना सक्रमित १३ म्ह थ्यःगु दु ।
येँ महानगरपालिका १८ वडा अधक्ष्य न्हुच्छेकाजी महर्जन बियादिगु जानकारी कथं १३ म्ह मध्ये गुम्ह होम क्वारेन्टाइनय् च्वना च्वंगु दु सा प्यम्ह अस्पतालय् भर्ना जुइ धुकुग दु
