Display Style:
Column Style
कोरोना भाइरस संक्रमणं १२ मन्त
लहनान्युज | ञंलाथ्व १० ११४०,भाद्र १२ शुक्रवाः
स्वास्थ्य तथ जनसंख्या मन्त्रालयया प्रवक्ता डा. जागेश्वर गौतमं कोरोना संक्रमणपाखे थौं तक १९५म्ह सी धुकुगु दु धका धाःगु दु ।
थौं जक प्यम्ह मिसा नाप च्याम्ह मिजं सी धुकुगु दु धका डा. गौतमं धाःगु खः ।
थौं मोरङय् ५६ व ६५ दँ दुपि निम्ह, ख्वपय् ६४ दँ दुम्ह छम्ह मकवानपुरया ७१ दँ दुम्ह याना प्यम्ह मिसा कोरोना संक्रमणं मदुगु दु ।
अथेहे उदयपुया ५२ दँ दुम्ह, पर्साय् ७२ दँ दुम्ह, धनुषाय् ४५ दँ दुम्ह, सिरहाय् ५५ दँ दुम्ह, झापाय् ८३ दँ दुम्ह, चितवनय् ५१दँ दुम्ह, कास्की ५२ दँ दुम्ह व रुपन्देही च्वम्ह ६० दँयायाना च्याम्ह मिजंपि मदुग खः ।
थप ९२७ म्ह कोरोना संक्रमण, १६९ म्ह डिस्चार्ज
लहनान्युज | ञंलाथ्व १० ११४०,भाद्र १२ शुक्रवाः
वःगु २४ घण्टाय् थौं देय् यकं ९२७ म्हेसित कोरोना संक्रमण पुष्टि जूगु दु ।
स्वास्थ्य तथा जनसंख्या मन्त्रालयया कथं थौं १० हजार २२९ म्हेसिगु स्वाब परीक्षण याःगुलि ९२७ म्हेसित कोरोना संक्रमण पुष्टि जूगु दु ।
नेपालय् थ्व नाप आःतक कोरोना संक्रमितपि ३६ हजार ४५६ म्ह थ्यःगु दु ।
वःगु २४ घण्टाय् जक स्वनिगलय् ४१५म्हेसित कोरोना संक्रमण जूगु दु ।
वःगु २४ घण्टाय् कोरोना संक्रमणपि १६९ म्ह डिस्चार्ज जुया छेँ लिहा वःगु दु ।
थौं शुक्रवाः तक २० हजार २४२ म्ह डिस्चार्ज जुइ धुकुगु दु ।
आःतक १६ हजार १९ म्ह आइसोलेसनय् च्वना च्वंगु दु ।
काठमाडौय् ३५०म्ह नाप उपत्यकाय् ४१५म्ह कोरोना संक्रमित
शोभा श्रेष्ठ | ञंलाथ्व १० ११४०,भाद्र १२ शुक्रवाः
स्वनिगलय् थौं शुक्रवाः जक ४१५ म्हेसित कोरोना संक्रमित जूगु दु ।
स्वास्थ्य तथा जनसंख्या मन्त्रालयया प्रवक्ता डा. जागेश्वर गौतमया कथं वःगु २४ घण्टाय् ४१५ म्हेसित कोरोना संक्रमित पुष्टि जूगु दु ।
शुक्रवाः काठमाडौंय् जक थौं जक ३५० म्हेसित कोरोना संक्रमित पुष्टि जूगु दु । अथेहे भक्तपुरय् ५४ म्ह व ललितपुरय् ११ म्हेसित कोरोना भाइरसको संक्रमण खने दुगु दु ।
म्हिगः बिहीवाः काठमाडौंय् २७० म्ह, भक्तपुरय् ४१ व ललितपुरय् ६६ म्ह याना २७० कोरोना संक्रमित खने दुगु खः ।
चितवनय् कोरोना संक्रमणं स्वम्ह मन्त
लहनान्युज | ञंलाथ्व १० ११४०,भाद्र १२ शुक्रवाः
नोभेल कोरोना भाइरसया संक्रमणं चितवनय् छन्हु हे स्वम्ह मन्त ।
भरतपुर अस्पतालय्् छम्ह सीगु खः व नाप कोरोना भाइरस संक्रमितपि शुक्रवाः जक हे सीपि स्वम्ह थ्यःगु दु ।
थ्व स्वया न्हयः शुक्रवाः चितवन मेडिकल कलेज व श्री पुष्पाञ्जली अस्पतालय् वासः याका वयाच्वपि निम्ह सीगु खः ।
भरतपुर अस्पतालय् वासः याका च्वम्ह गोरखाया आबुखैरहनी १३ या ३८ दँ मिजंम्ह शुक्रवाः न्हिनया २ः३० बजे मदुगु खः ।
सैनिक अस्पताल छाउनीइ ज्यायाइपि गुम्ह कोरोना पुष्टि
लहनान्युज | ञंलाथ्व १० ११४०,भाद्र १२ शुक्रवाः
नेपाली सेनाया वीरेन्द्र अस्पताल, छाउनीइ ज्या याइपि गुम्ह सैनिक चिकित्सकपिन्त कोरोना भाइरसया संक्रमण पुष्टि जूगु दु ।
संक्रमण गये याना फैलै जुल धइगु विषयय् नेपाली सेनाया छम्हेसिगु विशेष टोलीं अध्ययन याना च्वंगु दु ।
संक्रमण पुष्टि जुगु लिपा अस्पतालया सेवाय् छु ईया लागि स्थगित याना डिस्इन्फेक्ट यानाच्वंगु दु ।
थ्व नाप आःतक नेपाली सेनाय् ४०३म्हेसित संक्रमित जुगु दु ।
उकि मध्ये ११६ म्ह वासः याना छेँय् लिहा वने धुकुगु दु ।
