Display Style:
Column Style
सडक छायपीगु ज्याय् येँ महानगर
बिराजकाजी राजोपाध्याय | बछलागा पञ्चमी ११४०
थीथी कथंया माग तयाः माइतिघर मण्डला व वया जःखःया क्षेत्रय् लकडाउनया इलय् तकं भिडभाड हे जुइगु याः । मंगलबाः नं अन छपुचः मुनाच्वंगु खनेदत, तर मेपिं मखु नगर प्रहरी ।
उपिं अन छुं नाराबाजी या आन्दोलन यायेत मुंगु मखसें सडक जःखः सिथय्, अले दथुइ अप्वयावःगु घाय्, मा चायेगु, झार पुयाः सडकयात चिटिक्क दयेकेगु अभियानय् जाःगु खः ।
लकडाउन न्ह्याःगुलिसें कोरोना संक्रमणयात महानगर क्षेत्र दुने न्यंकेमबीत सार्वजनिक थासय् कीटनाशक वासः छ्वाकेगु, लखं सडक च्वयेकेगु, बु्रमरं सडक यायेगु थुज्वःगु ज्या यानावःगु येँ महानगरपालिकां न्ह्याकूगु थुगु अभियानय् मंगलबाः करीब ४०म्ह धइथें नगर प्रहरी सामाजिक दुरी कायम तसें यचुपिचु अभियानय् सक्रिय जुल ।
लकडाउनलिसं सडक सिथय् व दथुइ माया कचा पिहांवयाः सडकया सौन्दर्य स्यंकेधुंकाः छाँटकाट यायेगु, झार पुइगु, सीधुंकूगु मा पुइगु थुज्वःगु ज्या न्ह्याकागु नगर प्रहरी प्रमुख धनपति सापकोटां जानकारी बियादिल ।
‘न्हापांगु चरणय् अरनीको राजमार्ग अन्तर्गत माइतीघर मण्डलानिसें तीनकुनेतक्कया क्षेत्रय् लाःगु सडकया जःखः सिथय् व दथुइ थहांवःगु माया कचा छाँटकाट यायेगु, झार पुइगु व सडकया सौन्दर्य कायम तयेगु योजना लिसें ज्या न्ह्याकागु दु’ सापकोटां धयादिल । ‘आःया निन्हु स्वन्हु दुने तीनकुनेतक्क क्लीयर यायगु योजना दु ।’
सापकोटां लकडाउनया इलय् सडक बेवारिसे त्वःतेबलय् सहरी सौन्दर्य हे स्यनीगु जूगुलिं यचुपिचुया ज्यायात प्राथमिकता बियागु धयादिल ।
वय्कलं न्हापांगु दिनय् हे छाँटकाँट यानागु हः, कचा, बँय् झार पुयाबलय् पिहांवःगु गुंगू ट्रिपर फोहोर टेकु छ्वयागु जानकारी बियादिल । ‘क्यबय् ज्या याइपिं पासापिन्सं जिमि प्रहरीतयत ज्या स्यनाबिल । वय्कःपिनिगु निर्देशन कथंसामाजिक दूरी कायम तसें सकसिनं ज्या यात ।’
थ्वयां न्ह्यः सहरयात हे कुरुप दयेकीगु कथं लालाःथे तयातःगु १३द्वः स्वयां आपाः तपाःगु चिपाःगु बोर्ड, ४४पाः तपाःगु होर्डिङबोर्ड चीकेधुनागु नं सापकोटां धयादिल । ‘जिमिसं ९ मिटर च्वयया सडकया दक्वं होर्डिङबोर्ड क्लीयर यानागु दु । आः चिब्यागु सडकय् दुहावने ।’
कपिलवस्तु स्टाफ नर्सयात कोरोना सङ्क्रमण पुष्टि
लहनान्युज | बछलागा पंचमी ११४०, बैसाख ३० मंगलवाः
कपिलवस्तु जिल्लाया अस्पतालय् स्टाफ नर्सयात न कोरोना सङ्क्रमण पुष्टि जुगु दु ।
कपिलवस्तु अस्पतालय् ज्या याइम्ह कपिलवस्तु नगरपालिका १ या २५ दँया स्टाफ नर्सयात न सङ्क्रमण पुष्टि जुगु दु ।
थौं कपिलवस्तुइ थौं च्याम्हसित सङ्क्रमित खने दुगु खः । उकि मध्ये उम्ह छम्ह नर्स लाःगु खः ।
सङ्क्रमित जुम्हेसित वास यायेगु लागि बुटवल अस्पताल यंकेगु तयारी याना च्वंगु खः ।
सङ्क्रमित जुम्ह नाप स्वापू दुपिन्त स्वाब सङ्कलन याना च्वंगु दु ।
पर्साय् निम्ह पत्रकारयात कोरोना सक्रमन खनेदत
लहनान्युज | बछलागा पंचमी ११४०, बैसाख ३० मंगलवाः
पर्साय् ३९ म्हसित कोरोना भाइरस (कोभिड–१९) संक्रमित मध्ये निम्ह पत्रकारयात न जुगु दु ।
नारायणी अस्पतालय् संक्रमित मध्ये पत्रकार न पुष्टि जुगु दु ।
वीरगञ्जय् न्हापागु पटक ३१ चैतय् स्वम्ह जमातीइ यात संक्रमण खनेदुगु खः ।
छपकैयाय् छगुु हे परिवारया १८ म्हसित संक्रमण पुष्टि जुगुु खः ।
वीरगञ्जय् पत्रकार तयेस जोखिम मोलेर रिपोर्टिङ याना वयाच्वंगु खः ।
नेपालय् थौं ५७ म्हेसत कोरोना
लहनान्युज | बछलागा पंचमी ११४०, बैसाख ३० मंगलवाः
नेपालय् छन्हुं हे थौं ५७ म्ह कोरोनाया संक्रमण जूगु दु ।
येँया राष्ट्रिय जनस्वास्थ्य प्रयोगशालाय् थौं याःगु इलय् परीक्षणय् ५७ म्हेसित संक्रमण जूगु पुष्टि जूगु खः ।
थौं संक्रमण जुपि कपिलवस्तुइ ८म्ह, रुपन्देहीइ ९म्ह, बाराय् १म्ह व पर्साय् ३९म्हपि खः ।
संक्रमित जुपि फुक्कं मिजंत खँ धका स्वास्थ्य तथा जनसंख्या मन्त्रालयं धाःगु खः ।
थ्व नापं आतक नेपालय् संक्रमिततय् ल्याः १९१म्ह थ्यंगु दु ।
नेपालय् छन्हुं हे थुलिमछि ल्याखय् संक्रमित जूगु थ्व हे न्हापांगु घटना खः ।
म्हिगः २४ म्हेसित संक्रमण जूगु खः ।
शताव्दी पुरुष डा.सत्यमोहन जोशी १०१ दँ थ्यन
लहनान्युज | बछलागा पंचमी ११४०, बैसाख ३० मंगलवाः
शताव्दी पुरुष डा.सत्यमोहन जोशी १०१ दँ थ्यःगु दु ।
नेपाःया कला, संस्कृति व साहित्यय् तधःगु योगदान यानादिम्ह डा.जोशी वैशाख ३० गते थौं मंगलवाः १०१ दँ थ्यःगु खः ।
जोशीयात वःगु दँय् वयकः सच्छि दँ थ्यःगु लसताय् यल महानगरपालिकां महानगरय् सार्वजनिक विदा तक बिया दच्छि यक जन्मशताव्दी माने यायेगु निर्णय याःगु खः ।
वःगु दँय् सत्यमोहनया सम्मानय् देय् चाःहिइकेगु नाप नगरपालिका दुने जेष्ठ नागरिकपिन्त सम्मान तक याःगु खः ।
