Display Style:
Column Style
कोरोना संक्रमणं सीम्ह बाँकेय् निवाः न्ह्य भारतं वःगु खः
लहनान्युज | बछलाथ्व दशमी ११४०,जेष्ठ ४ आइतवाः
कोरोना भाइरस (कोभिड–१९)या संक्रमणं सीम्ह बाँके नरैनापुरया २५ दँयाम्ह मनू बुधवाः जक नेपाल वःगु सिइ दुगु दु ।
नरैनापुरया दीपेन्द्र मावि भोजभगवानपुरया क्वारेन्टाइनय् च्वना च्वम्ह नरैनापुर–५ या न्हुगु बस्तीइ उम्ह मनू सीगु खः । वयागु कोरोना परीक्षण रिपोर्ट पोजेटिभ वःगुु धका स्वास्थ्य तथा जनसंख्या मन्त्रालयं धाःगु खः ।
उम्ह मनू मुम्बई न निगु वाः लगे याना नरैनापुर वम्ह खः । निवाः तक न्यासि वःगु कारण वयाउनको गु तुति मना वःगु खः । वयात शनिवाः तसक ज्वरो वःगु खः ।
सासः ल्हायेत समस्या वःगुलि एम्बुलेन्स मालेगु झ्वलय् वयागु क्वारेन्टाइनय् मदुगु खः ।
क्वारेन्टाइनय् वयात छन्हु न्ह्यः हे वाकवाकी वइगु समस्या वःगु खः । शनिवाःचान्ह्य निसे हे लगातार वान्ता ज्ुया च्वंगु खः ।
वयात अस्पतालय् यंकिगु लागि पीपीई मदुगु कारण एम्बुलेन्स मवःगु खः ।
वीरगञ्जय् ९६म्ह कोरोना संक्रमितपि वास याकाच्वगु दु
लहनान्युज | बछलाथ्व दशमी ११४०,जेष्ठ ४ आइतवाः
कोरोना संक्रमणजुपि वीरगञ्जया ९६ म्ह कोरोना संक्रमितपि वास याका च्वंगु दु ।
इमित वीरगञ्जया नारायणी अस्पताल व सिद्धार्थ माविइ आइसोलेसनय् तया तःगु खः । ९६ म्ह मध्ये ६३ म्ह मिजं व ८ म्ह मिसापि खः ।
उकि मध्ये सिद्धार्थ माविइ आइसोलेसन कक्षय् २५ म्ह संक्रमितपि च्वना च्वंगु दु । अन निम्ह मचा नाप १७ म्ह मिजं व च्याम्ह मिसापि च्वना च्वंगु दु ।
कोरोना संक्रमण अप्वो जुया वगुलि नारायणी अस्पतालय् व सिद्धार्थ माविइ सेमी आइसोलेसन वार्ड दयेकुगु खः ।
थौं सुथय् सीम्ह कोरोना संक्रमण जुगु पुष्टि
लहनान्युज | बछलाथ्व दशमी ११४०,जेष्ठ ४ आइतवाः
नेपालय् कोरोना भाइरस (कोभिड(१९) पाखे निम्हम्ह मनू सीगु दु ।
बाँकेया नरैनापुरया दीपेन्द्र मावि भोजभगवानपुरया क्वारेन्टाइनय् सीइम्ह २५ दँया मिजं कोरोना परीक्षणया रिपोर्ट पोजेटिभ वःगु दु ।
स्वास्थ्य तथा जनसंख्या मन्त्रालयया प्रवक्ता डा. विकास देवकोटा उकिया पुष्टि याःगु दु ।
सीइम्ह वैशाख ३० गते भारत नेपाः वःम्ह खः ।
क्वारेन्टाइनय् च्वनेगु झ्वलय् सासः ल्हायेगु समस्या वःगु खः ।
उम्ह मनू थौं सुथय् ६ः४० बजे मदुगु खः ।
मन्त्री यादव अस्पताल भर्ना जुल
लहनान्युज | बछलाथ्व दशमी ११४०,जेष्ठ ४ आइतवाः
स्वास्थ्यय् समस्या खने दुगुलि श्रम, रोजगार तथा सामाजिक सुरक्षामन्त्री रामेश्वर राय यादव अस्पताल भर्ना जुगु दु ।
थौं सुथय् छातीइ असामान्य स्यागुलि मन्त्री यादवयात बाँसबारीया शहिद गंगालाल राष्ट्रिय हृदयरोग केन्द्रय् भर्ना जुगु खः ।
थौं सुथय् ११ बजे अस्पतालय् थ्यःगु खःसा मन्त्री यादवयात चिकित्सकपिनिगु थप स्वास्थ्य जाँच याःगु दु ।
बाँकेय् क्वारेन्टाइन च्वम्ह छम्ह सीगु दु
लहनान्युज | बछलाथ्व दशमी ११४०,जेष्ठ ४ आइतवाः
बाँकेया नरैनापुर गाउँपालिकाय् क्वारेन्टाइन च्वना च्वम्ह २४ दँया छम्ह मनू सीगु दु । उम्ह मू नरैनापुरया दीपेन्द्र मावि भोजभगवानपुरया क्वारेन्टाइनय् थौं आइतवाः सुथय् मदुगु खः ।
वयात अस्पताल यकेगु लागि स्थानीयपिन्स एम्बुलेन्सयात खबर याःगु खः ।
तर अन पीपीई मदुगुया कारण चालकं नेपालगञ्ज यके माने मजुगु धका स्थानीयपिन्स जानकारी बिःगु खः ।
सीम्ह मनूया मेडिकल रिपोर्ट वलकि जक गुकथं मदुगु धाये फइगु धका बाँकया प्रमुख जिल्ला अधिकारी कुमारबहादुर खड्कां धाःगु दु ।
