Display Style:
Column Style
धरानया बीपी कोइराला अस्पालय् निम्ह कोरोना मन्त
लहनान्युज | ञंलाथ्व १० ११४०,भाद्र १२ शुक्रवाः
धरानया बीपी कोइराला स्वास्थ्य विज्ञान प्रतिष्ठानय् निम्ह कोरोना संक्रमित सीगु दु ।
झापाया दमक–३ छेँय् दुम्ह ८३ दँ दुम्ह व मोरङको बेलबारी–५ या ५६ दँ दुम्ह सीगु दु ।
८३ दँ दुम्ह मिजंम्ह बी एण्ड सी टिचिङ अस्पताल विर्तामोड झापां रिफर याना धरानया प्रतिष्ठानय् वःम्ह खः । वयात मूसु, ज्वरो व सासः ल्ह्यायेगु समस्या वःगु खः । वयाके उच्च रक्तचाप, चिनी ल्वय्, जँलास्येँ ल्वःगि खः।
वयागु अस्पतालय् हे डायलायसिस याका वयाच्वम्ह खः । वयात भदौ ३ गते कोरोना संक्रमण पुष्टि जूगु खः ।
अथेतु ५६ दँया मिसा कोशी अञ्चल अस्पतालपाखे रिफर जुया प्रतिष्ठानय् वःम्ह खः । वयात मूसु व ज्वरो वया सासः ल्ह्यायेत समस्या वःगु खः ।
थ्व हे भदौ ९ गते कोरोना संक्रमण पुष्टि जुया प्रतिष्ठानय् भर्ना जुम्ह खः । थौं सुथय् ३ः४५ बजे मदुगु खः ।
होम डेलिभरी याइपिन्त प्रहरी ज्वन
लहनान्युज | ञंलाथ्व १० ११४०,भाद्र १२ शुक्रवाः
निषेधाज्ञा उल्लघंन यासे अनलाइनया माध्यमपाखे प्रचार यासे व्यवसाय याना वयाच्वपिन्त ज्वःगु दु ।
डेलिभरीब्वाई नाप सञ्चालकपिन्त प्रहरीं निषेधाज्ञा जूगु इलय् तक सेवा बन्द यायेगु लागिु भ्वँ याका त्वतूग दु ।
स्वनिगःया थीथी थासय् म्हिगः बिहीवाः न्हिच्छियकं ८० म्हेसित ज्वना उमित भ्वँयाना त्वतुगु खः ।
संक्रमणया जोखिम अप्वया वःगुलि प्रहरीं बिहीवाः न्हिनय् जक सञ्चालक, व ८० म्ह डेलीभरीपिन्त टेक अवे सेवाया कर्मचारीपिन्त नियन्त्रणय् काःगु खः ।
प्रहरीं ज्वने वः होम डेलिभरी सेवा बन्द याःगु दु ।
येँ मनपा १७ वडाय् निम्ह चिकित्सक नाप न्याम्ह सक्रमण
शोभा श्रेष्ठ | ञंलाथ्व ९ ११४०,भाद्र ११ बिहीवाः
येँ महानगरपालिका १७ वडाय् थौं कोरोना सक्रमित न्याम्ह पिहावःगु दु ।
थौं सक्रमित जुपि निम्ह डाक्टरपि नाप मेपि स्वम्हेसित सक्रमण जूगु खः ।
आःतक १७ वडाय् १७म्हेसित कोरोना सक्रमित जुइ धुकुगु दु ।
अथेह, १७ वडाय् थौंतक न्ह्यम्ह डिस्चार्ज जुइ धुकुगु दु धका येँ महानगरपालि १७ वडा अधक्ष्य नविन मानन्धर थःगु सामाजिक सञ्जालपाखे जानकारी बिःगु दु ।
धनुषाय् मदुम्ह कोरोना संक्रमण पुष्टि
लहनान्युज | ञंलाथ्व ९ ११४०,भाद्र ११ बिहीवाः
धनुषाय् मदुम्ह छम्ह मिजंम्ह कोरोना संक्रमण पुष्टि जूगु दु । जिल्लाया मुखियापट्टी मुसहरनिया गाउँपालिका ४ या ४५ दँ दुम्ह मिजंम्ह कोरोना संक्रमण पुष्टि जूगु दु ।
सेँखचाया, ज्वरो वःम्ह उम्ह मनू बुधवाः प्रादेशिक अस्पताल जनकपुधाम यकूगु खः । वासः याकेगु झ्वलय् २ घण्टा लिपा हे मदुगु खः ।
वयागु स्वाब संकलन याना परीक्षण यागुलि कोरोना संक्रमण पुष्टि जूगु दु धका प्रदेश २ या सामाजिक विकास मन्त्रालयया जनस्वास्थ्य प्रशासकं धाःगु खः ।
मदुम्ह मनूयाके चिनी ल्वय् व क्षयरोगया समस्या दुम्ह खः । धनुषाय् थ्व नाप कोरोना संक्रमण पुष्टि जूया मदुपि १२ म्ह थ्यःगु दु ।
बुटवलय् छम्ह मुटु चिकित्सक नाप ३५म्ह संक्रमित
लहनान्युज | ञंलाथ्व ९ ११४०,भाद्र ११ बिहीवाः
बुटवलया गौतमबुद्ध सामुदायिक मुटु अस्पतालय् छम्ह चिकित्सक नाप बुटवलय् जक थौं बिहीवाः ३५म्ह कोरोना भाइरस (कोभिड(१९) या संक्रमित जूगु दु ।
उपमहानगरपालिकाया स्वास्थ्य शाखाया प्रमुख कथं ३५म्ह संक्रमित मध्ये छम्ह मुटु अस्पतालया चिकित्सक जूगु धका धाःगु दु ।
डाक्टरयात कोरोना संक्रमण खने दये वः वया नाप सम्पर्कय् दुपि बिरामी व मेमेपिन्त कन्ट्याक्ट ट्रेसिङ याना पीसीआर परीक्षण यायेगु व अस्पतालय् सेनेटाइज याना सुरक्षित यायेत निर्देशन बिइ धुकुगु दु ।
उगु अस्पतालय् लकडाउनया यलय् बिरामीया चाप अप्वगु खः ।
