Display Style:
Column Style
थप ८म्ह कोरोना संक्रमित डिस्चार्ज
लहनान्युज | बछलागा त्रयोदशी ११४०,जेष्ठ ७ बुधवाः
विराटनगरया कोशी अस्पतालय् कोरोना संक्रमित वास याका छेँय् लिहावपि थौं च्याम्ह थ्यःगु दु ।
वास याका छेँय् लिहावपि ५ म्ह भारतीय जमाती व ३ म्ह उदयपुर भुल्केका वासिन्दापि खः ।
इपि वैशाख ५ व ९ गते कोशी अस्पताल कोभिड १९ उपचार केन्द्रय् भर्ना जुपि खः ।
इपि २९ निसे ३३ दिं तक अस्पतालय् च्वना डिस्चार्ज जुगु खः ।
थ्व नाप नेपालय् ४५ म्ह संक्रमितपि छेँय् लिहा वने धुकुगु दु ।
मेपि २५म्ह कोरोना संक्रमण खनेदत
लहनान्युज | बछलागा त्रयोदशी ११४०,जेष्ठ ७ बुधवाः
नेपालय् मेपि थीथी जिल्लाय् थप २५म्ह कोरोना संक्रमण पिहा वःगु दु ।
थौं स्वास्थ्य तथा जनसंख्या मन्त्रालयया प्रवक्ता डा. विकास देवकोटां बिःगु जानकारी कथं बाँकेय् ६म्ह, धनकुटाय् ५म्ह, कपिलवस्तुइ १३म्ह व नवलपरासी पश्चिमय् १म्हेसित कोरोनाया संक्रमण जूगु दु ।
अथेहे बाँकेया नरैनापुर ५या १७, २०, २८, ३० व ४०दँया मिजंत व खजुरा ५ या २७दँया मिजंयात संक्रमण जूगु दु । धनकुटाय् २८, २९, ३५ व ३७दँया मिजंत व २४दँया मिसाया नं संक्रमण जूगु दु ।
कपिलवस्तुया विजयनगर क्वारेन्टाइनय् च्वपि २२, ३५ व ४८दँया मिजंपिन्त सक्रमण जूगु दु । महाराजगंज गाँउपालिकाय् ३, ४ व ६दँया मिसा मस्त नापं १६, २५ व ३६दँया मिसापिन्त संक्रमित जूगु दु ।
उगु हे गाँउपालिकाय् १२दँया मचायात न नापं मेपि २०, २४ व ३४दँया मिजंतयेत नं संक्रमण जूगु धका मन्त्रालयया प्रवक्ता डा. देवकोटा जानकारी बियादीगु खः ।
नेपालय् संक्रमण ३८गू जिल्लाय् खनेदुगु दु ।
थ्व नाप नेपालय् आः तक ४२७म्ह कोरोना संक्रमित खनेदुगु धका मन्त्रालयं जानकारी बिःगु खः ।
कालीमाटीइ च्वपि दक्को प्रहरी क्वारेन्टाइनय्
लहनान्युज | बछलागा त्रयोदशी ११४०,जेष्ठ ७ बुधवाः
येँया महानगरीय प्रहरी वृत्त, कालीमाटीइ च्वपि निम्ह प्रहरी अधिकृतयात कोरोना संक्रमण खने दुगुलि अन च्वपि १५०म्ह प्रहरीयात क्वारेन्टाइनय् तःगु दु ।
महानगरीय प्रहरी वृत्त, कालिमाटी, कालीमाटी महिला सेल, ट्राफिक प्रहरी प्रभाग, मातहता बल्खु, कलंकी व स्यूचाटारयापिं प्रहरीयात न क्वारेन्टाइनय् तःगु दु ।
अन दक्को प्रहरी अधिकृत क्वारेन्टाइनय् तःगुलि महानगरीय प्रहरी कार्यालय, रानीपोखरीपाखे मेगु पुचः कालिमाटी छ्वःगु दु । आ अन प्रहरी कार्यालयय् न सिल याःगु दु ।
म्हिगः मंगलवाः बहनि इमित कोरोना संक्रमण पुष्टि जुगु खः ।
मेपि झींस्वम्हसित कोरना खनेदत
लहनान्युज | बछलागा त्रयोदशी ११४०,जेष्ठ ७ बुधवाः
थौं बुधवाः रुपन्देही व कपिलवस्तुइ मेपि १३म्हेसित कोरोना संक्रमण पुष्टि जुगु दु ।
भैरहवा प्रदेश जनस्वास्थ्य प्रयोगशालाय् याःगु पीसीआर परीक्षणय् रुपन्देही व कपिलवस्तुइ याना मेपि १३ म्हेसित कोरोना संक्रमण पुष्टी जुगु खः ।
कपिलवस्तुइ १२ म्हेसित व रुपन्देहीइ छम्हेसित कोरोना संक्रमण खने दुगु खः ।
इपि दक्को हे भारतं लिहा वाय अन क्वारेण्टाइनय् च्वपि खः ।
निरीक्षण यायेगु लागि छाउनी वनिइगु प्रधानमन्त्री
लहनान्युज | बछलागा त्रयोदशी ११४०,जेष्ठ ७ बुधवाः
प्रधानमन्त्री केपी शर्मा ओली थौं बुधवाः कोभिड–१९ क्राइसिस म्यानेजमेन्ट सेन्टर (सीसीएमसी एप्स) य् वना कोरोना संक्रमणया अवस्थाबारे जानकारी काये त्यःगु दु ।
छाउनीइ सेन्टरया ज्याकुथि वना प्रम ओलीं अपरेशनया संयोजक एवं प्रधानमन्त्री तथा मन्त्रिपरिषद कार्यालयया सचिव महेन्द्रप्रसाद गुरागाई नाप नेपाली सेनाया वरिष्ठ सैन्य अधिकृतयाके ब्रिफिङ काये त्यःगु खः ।
कोभिड १९ भाइरसया महामारी नियन्त्रण, रोकथाम तथा प्रतिकार्यया लागि सीसीएमसी अप्सया स्थापना याःगु खः ।
उगु एप्सपाखे कोरोना संक्रमितपिनिगु स्वापू ट्रेसिङनिसे वास न्यायेगु ज्याय् तक महत्वपूर्ण भूमिका निर्वाह याना वयाच्वगु दु ।
