Display Style:
Column Style
लकडाउनया अवज्ञायापिन्त कार्वाही
लहनान्युज | चौलाथ्व द्धितिया ११४०
कोरोना भाइरस (कोभिड–१९) या संक्रमण फैले मयायेत सरकारं सोमवाः निसे लकडाउनया घोषणा याउगु खः ।
सरकारं सकल नागरिक तयेत छेँय् हे च्वनेत इनाप याउगु खः ।
अय्न थाय् थासय् सर्वसाधारणं अवज्ञा याना च्वंगु दु ।
धनुषाय् थौं लकडाउनया अवज्ञायापिन्त प्रहरीं ६६ म्हसित ज्वःगु दु ।
धनुषा प्रहरीं छगः बस, निगः अटो रिक्सा व २० गः मोटरसाइकल नाप ६६ म्हसित ज्वःगु खः ।
प्रहरी ज्वपिन्त सच्छि दर जरिवाना कया त्वःतुगु खः ।
लकडाउनया उल्लंघनयापिं सबारीसाधनयात धाःसा आवश्यक कार्वाहीया लागि प्रहरी कार्यालयमा तया तःगु दु ।
आः बच्छि जाःगु सिलिन्डर जक
लहनान्युज | चौलाथ्व द्धितिया ११४०
आः सिलिण्डर बच्छि जाःगु ग्यास जक बजारय् वइगु जुगु दु ।
नेपाल आयल निगमंं बच्छि जाःगुु सिलिन्डर जक बजारय् छ्वयेत ग्यास उद्योगपिन्त निर्देशन बिउगु दु ।
थौं कन्ह्य छगः सिलिन्डरय् १४.२ केजी ग्यास दु सा आ वइगु सिलिन्डरय् मा ७.१ केजी जक दइ ।
निगमं माग अनुसार ग्यास थ्यके मफुगुलि थःथे बच्छि जाःगु सिलिण्डरया ग्यास मिइगु निर्णय जुगु धका जानकारी बिउगु खः ।
आयल निगमं बुधवाः चान्ह्य निसे हे बागः सिलिन्डरया ग्यास भरे यायेत निर्देशन बिइ धुकुगु दु ।
किटनाशक वासः छ्याकिगु ज्या थौं न निरन्तर : मेयर शाक्य
नृपेन्द्रलाल श्रेष्ठ | चौलाथ्व द्धितिया ११४०
येँ महानगरपालिकां लकडाउनया झ्वलय् शुरु याउगु किटनाशक वासः छ्वाकिगु ज्यायात थौं न निरन्तरता बिउगु दु ।
स्वगु थाय् यात आधार माने याना न्ह्याकुगु थुगु ज्यायात थौं न निरन्तर जुया च्वंगु दु धका येँ महानगरपालिकाया प्रमुख विद्यासुन्दर शाक्यं जानकारी बियादिगु दु ।
प्रमुख शाक्यं सिमित स्रोत–साधनया उच्चतम सदुपयोग यासे अत्यावश्यक थासय् किटनाशक वासः ह्वलेगु ज्यायात निरन्तरता बियाच्वनागु धका धयादिगु खः ।
‘सिमित स्रोत–साधनया दथुइ जिमिस ज्यायाना च्वनागु दु धका धयादिसे प्रमुख शाक्यं, ‘ज्या यायेगु शिलसिलाय् छु कमजोरी जुगु दुसा आम महानगरवासीपिन्स सुझावयात स्वीकार यासे सुधारया प्रयास यायेगु जुइ धका धयादिगु खः ।
थ्व विश्वव्यापी महामारी जुया च्वंगु थुगु इलय् सकसिगु ग्वाहालि मदेगः मगाःं धका धयादिसे लँ सफा यायेगु, किटनाशक वासः ह्वलेगु ज्याय् येँ महानगरया ३२ गु वडाय् जुइ धका धयादिगु दु ।
नगर प्रहरी महाशाखाया प्रमुख धनपती सापकोटां म्हिगः निसे न्ह्याःगु थुगु ज्या स्वगु थाय्या आधार माने याना न्ह्याःगु खः धयादिसे थौं न थुगु ज्यायात निरन्तरता बियाच्वनागु दु धका धयादिगु खः ।
नगर प्रहरीया प्रमुख धनपती सापकोटां थौं सुथय् ४ द्धः लिटर क्षमता दुगु जेट मेसिन मखन सुरु याना बसन्तपुर जुया लगन थ्यकागु धका धयादिसे । मेगु जेट मिसिन बानेश्वर जुया विमानस्थल तक थ्यकाःगु व मेगु महाराजगञ्ज लगायतया थासय् ज्या जुगु धका कनादिगु खः, ‘आः चिग्वःगु न्ह्यय् गः ट्याङ्कर नाप महानगर दुने हुलमुल जुइगु थाय् वनिगु जुइ धका धयादिगु खः ।
थौं ४ द्धः लिटर क्षमता दुगु स्वगः जेट मेसिनं टेकु, वीर अस्पताल, कालीमाटी फलफुल बजाः लगायतया थासय् ज्यायाइ धका धया दिगु खः । अथेहे स्वगः ब्रुमरं लँ सफा यायेगुलि निरन्तरता जुया च्वंगु दु धका न धयादिगु दु ।
चीनं कोरोना जाँचे यायेगु किट बिल
लहनान्युज | चौलाथ्व पारु ११४०
चीनया बिइजिङ मल्टिपल ट्रेड एण्ड कमर्स ब्युरों कोरोना भाइरस परीक्षणया लागि माःगु किट नेपाल सरकारयात उपलब्ध याउगु दु ।
ब्युरों कोरोना भाइरसविरुद्ध ल्वायेगु लागि बेइजिङस्थित नेपाली दूतावासमार्फत बुधवाः नीद्धः किट हस्तान्तरण याउगु दु ।
व्युरो येँ ज्यायेगु लागि इन्टरनेसनं इन्भेस्टमेन्ट एण्ड कोअपरेसन कन्सल्टिङ सर्भिस कम्पनी प्राइभेट लिमिटेडं किट अभावं कोरोना पर्याप्त परीक्षण याये मफया च्वंगु ध्यान बिया उगु किट उपलब्ध याःगु खः ।
सरकारया उपहारस्वरूप उपलब्ध याःगु उगु किट ३० द्धः अमेरिकी डलर मूल्य बराबर दुगु थुगु किट नीद्धः मनू तयेत स्वास्थ्य परीक्षण याये फइगु धका धाःगु दु ।
चीनं कोरोना जाँचे यायेगु किट बिल
लहनान्युज | चौलाथ्व पारु ११४०
चीनया बिइजिङ मल्टिपल ट्रेड एण्ड कमर्स ब्युरों कोरोना भाइरस परीक्षणया लागि माःगु किट नेपाल सरकारयात उपलब्ध याउगु दु ।
ब्युरों कोरोना भाइरसविरुद्ध ल्वायेगु लागि बेइजिङस्थित नेपाली दूतावासमार्फत बुधवाः नीद्धः किट हस्तान्तरण याउगु दु ।
व्युरो येँ ज्यायेगु लागि इन्टरनेसनं इन्भेस्टमेन्ट एण्ड कोअपरेसन कन्सल्टिङ सर्भिस कम्पनी प्राइभेट लिमिटेडं किट अभावं कोरोना पर्याप्त परीक्षण याये मफया च्वंगु ध्यान बिया उगु किट उपलब्ध याःगु खः ।
सरकारया उपहारस्वरूप उपलब्ध याःगु उगु किट ३० द्धः अमेरिकी डलर मूल्य बराबर दुगु थुगु किट नीद्धः मनू तयेत स्वास्थ्य परीक्षण याये फइगु धका धाःगु दु ।
