Display Style:
Column Style
नेपाली सेनाय् निम्हसित खनेदत
लहनान्युज | बछलाथ्व नवमी ११४०,जेष्ठ ३ शनिवाः
नेपाली सेनाय् न छम्ह कर्मचारीयात न न्हापा कोरोना संक्रमण खने दुगु दु ।
थौं शनिवाः स्वास्थ्य मन्त्रालयय् सार्वजनिक यागुलि काभ्रे छम्हेसित, महोत्तरीइ ज्या याइम्ह २६ दँया छम्हसित व महोत्तरीइ ज्या याइम्ह ५२ दँया छम्ह सैनिक यात न जुगु धका धाःगु दु ।
सैनिक प्रवक्तापाखे न निम्ह नेपाली सेनाय् ज्या याइपि धका पुष्टि याःगु दु । ‘संक्रमित निम्हं मध्यपूर्वी पृतना, महोत्तरीइ ज्या याना च्वपि धका धाःगु दु ।
थ्व स्वया न्ह्यः येँया निम्ह सशस्त्र प्रहरी जवानयात न कोरोना भाइरस जुगु खः । कपिलवस्तुइ न नेपाल प्रहरीया सई व हवल्दार नाप सशस्त्र प्रहरीया सई व मेम्ह राष्ट्रिय अनुसन्धान विभागया असई कोरोना भाइरसपाखे संक्रमित जुइ धुकुगु दु ।
आतक नेपालय् कोरोना संक्रमित जुपिनिगु ल्याः २७८ म्ह थ्यने धुकुगु दु ।
काभ्रेय् नं खनेदत कोरोना संक्रमण
लहनान्युज | बछलाथ्व नवमी ११४०,जेष्ठ ३ शनिवाः
थौं शनिवाः काभ्रे व महोत्तरीइ छम्ह छम्ह कोरोना भाइरसया संक्रमण खनेदुूगु दु ।
स्वास्थ्य तथा जनसंख्या मन्त्रालयया प्रवक्ता डा. विकास देवकोटा बिःगु जानकारी कथं काभ्रेया २६ दँया मिजं व महोत्तरीया ५२ दँया मिजंयात अथे संक्रमण जूगु खः ।
काभ्रेय् संक्रमण दने दुगु थ्व हे न्हापाम्ह खः ।
अथेहे मेम्ह महोत्तरीइ संक्रमित न्हुम्ह छम्ह खने दुगु दु । महोत्तरीइ थ्व नाप जुपि स्वम्ह थ्यंगु दु ।
नेपालय् आतक थ्व नाप कोरोना संक्रमिततय् ल्याः २७८ म्ह थ्यंगु दु ।
चिनियाँ तयेस खाद्य सामग्री ग्वाहालि यात
नृपेन्द्रलाल श्रेष्ठ | बछलाथ्व नवमी ११४०,जेष्ठ ३ शनिवाः
कोरोना महामारी जुयाच्वंगुलि चिनियाँपिन्स खाद्य सामग्री ग्वाहालि याःगु दु ।
चाईना फाउण्डेशन फर पोभर्टी एलिभिएसनं अलिबाबा फिलोन्थ्रोपी नाप सहकार्य याना खाद्य सामग्री ग्वाहालि याःगु दु ।
‘कोरोना भाईरस संक्रमण विरुद्ध नेपाली जनतायात ल्वायेगु निति चीनया साथ दु ’ धइगु मू नारा ज्वना चन्द्रागिरी नगरपालिका व नागार्जुन नगरपालिकाया १२ गु सामुदायिक स्कूलय् ब्बना च्वपिन्त उगु सामग्री लल्हाये त्यःगु खः । स्माईलिङ चिल्ड्रेन प्रोगाम अन्र्तगत निद्धः व ३८३ बोरा जाकी ग्वाहालि याःगु दु ।
ग्वाहालि कथं छम्हेसित छगु बोरा जाकी नाप ५ केजी दाल व स्वगु लिटर चिक लल्हायेगु जुइ धका नेपाल प्रतिनिधि जोउ जिईक्वाङ जानकारी बियादिगु खः ।
कोरोना भाईरस संक्रमण रोकथाम व नियन्त्रणया लागि जारी लकडाउनया कारण जनजीवन कष्टकर जुया वना च्वंगु इलय् चीनया जनतापाखे ग्वाहालि यानागु धका जोउं धयादिगु खः ।
थुगु खाद्य सामग्री निगु नगरपालिकाया १२ गु सामुदायिक स्कूलय् ब्बनाच्वपि ब्बमि तयेत लल्हाये त्यःगु ।
थ्व नाप उगु संस्थां नगरपालिका व प्रदेशय् न व्यक्तिगत सुरक्षा उपकरण (पीपीई) मास्क, सेनिटाईजर व खाद्य सामग्री याये धुकुगु दु ।
कपिलवस्तुइ मेपि स्वम्हेसित खनेदत कोरोना
लहनान्युज | बछलाथ्व नवमी ११४०,जेष्ठ ३ शनिवाः
कपिलवस्तुइ मेपि स्वम्हेसिके कोरोनाया संक्रमण खनेदुगु दु ।
इपि स्वम्हेसिगु भैरहवाया प्रादेशिक जनस्वास्थ्य प्रयोगशालाय् परीक्षण याःगु इलय् संक्रमणया पुष्टि जूगु खः ।
स्वास्थ्य तथा जनसंख्या मन्त्रालय बिःगु जानकारी कथं कपिलवस्तु शिवराज नगरपालिका चन्द्रौटा छेँय् दुपि २५, ३४ व ४४दँया मिजंतय्त कोरोनाया संक्रमण जूगु खः ।
थ्व नापं आतक कपिलवस्तुइ जक संक्रमित जूपिं ४२म्ह थ्यंगु दु । मुक्क याना नेपालय् २७६म्ह थ्यंगु दु ।
नेपालय् कोरोना संक्रमित १३म्ह येँ वास याका च्वगु दु
लहनान्युज | बछलाथ्व नवमी ११४०,जेष्ठ ३ शनिवाः
नेपालय् कोरोना संक्रमित जुपि मध्ये १३ म्ह येँ वास याका वयाच्वंगु दु ।
येँय् वास याना च्वपि टेकु अस्पतालय् ५ म्ह, पाटन अस्पतालय् ४ म्ह, त्रिवि शिक्षण अस्पतालय् २ म्ह व बलम्बुया सशस्त्र प्रहरी अस्पतालय् २ म्ह संक्रमितपिन्स वास यका वयाच्वंगु द ।
त्रिवि शिक्षण अस्पतालय् कपिलवस्तुया ६ दँयाम्ह मचा व शिक्षण अस्पतालय् छम्ह कर्मचारीं वास याका वयाच्वंगु दु ।
दाङय् छेँ दुम्ह शिक्षण अस्पतालया कर्मचारीयात शुक्रवाः संक्रमण खने दुगु खः ।
सशस्त्र प्रहरी अस्पताल दहचोकय् ७ दँया मचा व अस्पतालय् ज्या याइम्ह कर्मचारी वास याका वयाच्वंगु दु ।
