Display Style:
Column Style
नारायणी अस्पतालय् निम्ह कोरोना संक्रमित बिस्यु वन
लहनान्युज | बछलागा षष्ठी ११४०, बैसाख ३१ बुधवाः
वीरगञ्जया नारायणी अस्पतालं आइसोलेसन कक्षपाखे निम्ह कोरोना संक्रमित बिस्यु वःगु दु ।
इमित मालेगु ज्या जुया च्वंगु दु ।
कपिलवस्तुइ न्हुम्ह छम्ह खने दत कोरोना संक्रमित
लहनान्युज | बछलागा षष्ठी ११४०, बैसाख ३१ बुधवाः
थौं बुधवाः कपिलवस्तुइ न न्हुम्ह छम्ह कोरोना संक्रमित खने दुगु दु ।
स्वास्थ्य तथा जनसंख्या मन्त्रालयया कथं कपिलवस्तु नगरपालिका– ५ या २२ दँया म्ह ल्याय् म्हसिके कोरोना संक्रमण खने दुग खः ।
थौ हे बाँकेया छम्ह ३६ दँया मनूयाके न कोरोना संक्रमण पुष्टि जुइ धुकुगु दु ।
थ्व नाप नेपालयु कोरोना संक्रमित जुपि २१९ म्ह थ्यःगु दु ।
बाँकेय् मेम्ह छम्हसित खने दत कोरोना
लहनान्युज | बछलागा षष्ठी ११४०, बैसाख ३१ बुधवाः
नेपालय् थौं बुधवाः मेम्ह छम्हसित हाकन कोरोना भाइरस संक्रमण पुष्टि जुगु दु ।
काभ्रेया धुलिखेल अस्पतालया ल्याबय् परीक्षण याःगु इलय् बाँकेया ३६ दँया मनू यात कोरोना संक्रमण खने दत धका स्वास्थ्य तथा जनसंख्या मन्त्रालयं धाःगु दु ।
थ्व नाप नेपालय् कोरोना संक्रमित जुपिनिगु ल्याः २१८ म्ह थ्यःगु दु ।
वीरगञ्जय् १८म्ह संक्रमितपि अस्पताल पिने
लहनान्युज | बछलागा षष्ठी ११४०, बैसाख ३१ बुधवाः
कोरोना अस्पतालया रुपं च्वंगु वीरगञ्जया नारायणी अस्पतालया वेदया अभाव जुगुलि १८म्ह कोरोना संक्रमित अस्पताल पिने च्वने माःगु दु ।
म्हिगः मंगलवाः संक्रमण पुष्टि जुपि वेदया अभावं इपि अस्पताल पिने लाःगु दु ।
नरायणी अस्पतालय् थौं कन्ह्य ६९ म्ह कोभिड १९ या बिरामी वास याका च्वंगु दु ।
बाँकी १८म्ह अझ हे क्वारेण्टाइन च्वना च्वंगु दु ।
देय् न्यकं २१७ म्ह संक्रमित खने दुगुलि म्हिगः जक हे ८३ म्ह खने दुगु खः ।
उकि मध्ये वीरगञ्जय् जक ५७ म्ह खने दुगुु खः ।
चिनियाँ सेनाया जहाजं मेडिकल सामान हल
लहनान्युज | बछलागा षष्ठी ११४०, बैसाख ३१ बुधवाः
थौं सुथय् चीनया चेङ्दुपाखे येँ चिनियाँ सेना विमान नं मेडिकल सामान हयाबिःगु दु ।
मेडिकल समाग्री ज्वना चिनियाँ जनमुक्ति सेनाया विमानं त्रिभुवन अन्तर्राष्ट्रिय विमानस्थलय् थौं सुथय् ९ बजे अवतरण याःगु खः ।
थौ उगु बिमानय् मास्क, गगल्स, पीपीई, बुट, बुट कभर, ग्लोब, थर्मोिमटर लगायतया सामान ज्वना वःगु खः ।
