Display Style:
Column Style
सङ्क्रमण मनू सम्पर्कय् वयेवः नाप लायेवः स्वास्थ्य परीक्षण याये म्वाः
लहनान्युज | ञंलाथ्व ४ ११४०,भाद्र ६ सनिवाः
सरकार कोरोना सङ्क्रमण न्हिया न्हिथं अप्वया वःगुलि स्वास्थ्य परीक्षण यायेत ध्यान बिइत सुझाव बिःगु दु ।
थःगु सम्पर्कय् वःपि मनूत कोरोना पोजेटिभ वये वः आत्ते जुया स्वास्थ्य परीक्षण मयायेत स्वास्थ्य मन्त्रालयं सुझाव बिःगु दु ।
सङ्क्रमित मनू तयेगु सम्पर्कय् दुपि मनू तयेगु स्वास्थ्य परीक्षणया लागि न्यान्हु निसे न्ह्यहु पिं माः धका मन्त्रालयया प्रवक्ता डाक्टर जागेशवर गौतमं धाःगु दु ।
प्रवक्ता डा. गौतमं कथं सङ्क्रमितपि नाप स्वापू दयेवः स्वास्थ्य परीक्षणय् रिपोर्ट नेगेटिभ वये फइगु जुगुलि स्वास्थ्य परीक्षणया लागि न्यान्हु निसे न्ह्यहु पिं माःगु खँ कनादिगु खः ।
उगु इलय् मेपि सम्पर्क मच्वसे होम क्वरेण्टीनय् च्वने इनाप यानादिगु खः ।
स्याङ्जां लिहा वःपि स्वम्ह सशस्त्र प्रहरी कोरोना संक्रमण
लहनान्युज | ञंलाथ्व ४ ११४०,भाद्र ६ सनिवाः
स्याङ्जाय् खटे जुया पोखरा लिहा वःपि स्वम्ह सशस्त्र प्रहरीयात कोरोना भाइरस (कोभिड(१९) या संक्रमण पुष्टि जूगु दु ।
स्याङ्जाय् खटे जूया पोखरा लिहावःपि प्रदेश सशस्त्र प्रहरी गणया २२, २३ व ३५ दँया स्वम्ह मिजंपिन्त संक्रमण पुष्टि जूगु खः ।
स्वन्हु न्ह्य जक १६ म्ह सशत्र प्रहरीयात संक्रमण खने दुगु खः ।
शनिवाः जक कास्की १६म्ह संक्रमित थपे जुगु खः ।
कन्ट्याट ट्रेसिङ याःगु इलय् झींम्ह न्हुपि संक्रमित पुष्टि जूगु खः । उकि मध्ये खुम्ह प्रहरी, मालपोत व बैंकया कर्मचारीपि न खः ।
थ्व नाप पोखराय् संक्रमितपिनिगु ल्याः २५९ म्ह थ्यःगु दु । गण्डकी प्रदेशय् संक्रमितपि १८६८ म्ह थ्यःगु दु ।
येँ १६०म्ह नाप२१६ म्हेसित संक्रमण पुष्टि
लहनान्युज | ञंलाथ्व ४ ११४०,भाद्र ६ सनिवाः
देय् यकया प्रयोगशालाय् १२५१९म्हसिगु स्वाब परीक्षण याःगु खः ।
उगु परिक्षणय् स्वनिगलय् जक २१६ म्हेसित संक्रमण पुष्टि जूगु दु । उकि मध्ये न येँ जक १६० म्हेसित संक्रमण पुष्टि जूगु दु ।
अथेहे यलय् खुम्ह ख्वपय् ५० म्हेसित संक्रमण पुष्टि जूगु दु ।
वःगु २४ घण्टाय् देय् यक ६३४ म्हेसित कोरोना भाइरस (कोभिड–१९) या संक्रमण पुष्टि जूग दु ।
कोरोना संक्रमणं धरानय् छम्ह मन्त
लहनान्युज | ञंलाथ्व ४ ११४०,भाद्र ६ सनिवाः
कोरोना संक्रमणं धरानय् छम्ह मिजंम्ह मदुगु दु ।
धरान उपहानगरपालिका वडा नम्बर १५ या ६७ दँया मिजंम्ह थौं शनिवाः सुथय् ११ः३० बजे वासः याकेगु झ्वलय् मदुगु खः ।
बीपी कोइराला स्वास्थ्य विज्ञान प्रतिष्ठानय् कोभिड १९ अस्पताल ज्वरो, मूसु वया व सासः ल्ह्यायेगु समस्या नाप साउन २७ गते प्रतिष्ठानया कोभिड–१९ अस्पतालय् भर्ना जूगु खः ।
थ्व नाप धरानय् कोरोनापाखे सीपि निम्ह थ्यःगु दु ।
सिरहाय् सीम्ह कोरोना संक्रमण पुष्टि
लहनान्युज | ञंलाथ्व ४ ११४०,भाद्र ६ सनिवाः
सिरहाय् सीम्ह छम्ह मिजंम्ह कोरोना संक्रमण पुष्टि जूगु दु ।
वःगु भदौ ३ गते सीम्ह मिर्चैया नगरपालिका वडा नं. ४ या ६८दँया मिजंम्ह शुक्रवाः चान्ह्य कोरोना संक्रमण पुष्टि जूगु धका जिल्ला स्वास्थ्य कार्यालयया प्रमुखं जानकारी बिःगु खः ।
वयात भदौ २ गते गामय् हे स्वाब संकलन याःगु खः । वयात चिनि ल्वय् व उच्च रक्तचापया ल्वय् दुम्ह खः ।
स्वाब संकलन याना प्रादेशिक प्रयोगशाला छ्वःगु व रिपोर्ट मवनिगु इलय् हे भदौ ३ गते मदुगु धका स्वास्थ्य कार्यालय प्रमुखं धाःगु दु ।
वयात कोरोना संक्रमण पुष्टि जुइवं कन्ट्याक्ट ट्रेसिङ्गया ज्या शुरु जुगु दु ।
थ्व नाप सिरहाय् कोरोना संक्रमण पुष्टि जूया सीपि स्वम्ह थ्यःगु दु ।
