Display Style:
Column Style
खड्गी सेवा समितिं पत्रकारपिन्त हन
लहनान्युज | सिल्लाथ्व सप्तमी ११४० (फ्रेअवरी १ २०२०)
नेपाल भाषाया माध्यमपाखे पत्रकारिता याना च्वपिं खुम्ह पत्रकारपिशनत थौं शनिवाः छगु ज्याझ्वः यासे सम्मान याउगु दु । नेपाल खड्गी सेवा समितिया न्ह्यक्वःगु तःमुँज्याया झ्वलय् वसन्तपुरय् खुम्ह पत्रकारयात सम्मान याउगु खः ।
सम्मानित जुयादिपिं लहनान्युज डट् कमया सम्पादक नृपेन्द्रलाल श्रेष्ठ लहना वाःपौंया ब्यवस्थापक सुरेन्द्रभक्त श्रेष्ठ, नेपालमण्डल टेलिभिजनया सिल्भिया राजोपाध्याय, झीगु डटकमया संवाददाता रेखा शाक्य, नेवा टिभीइा नवीन जोशी व रेडिया मिर्मरेया बुद्धशरण शाहीयात येँ महानगरपालिकाया मेयर विद्यासुन्दर शाक्यं हनापौ व नेपाल प्रहरी महानिरीक्षक सर्वेन्द्र खनालं स्वामा क्वखायेकादिगु खः ।
खड्गी सेवा समितिं प्रहरी महानिरीक्षक सर्वेन्द्र खनालयात हन
नृपेन्द्रलाल श्रेष्ठ | सिल्लाथ्व सप्तमी ११४० (फ्रेअवरी १ २०२०)
नेपाल खड्गी सेवा समितिं थौं छगु ज्याझ्वः यासे प्रहरी महानिरीक्षक सर्वेन्द्र खनालयात सम्मान याउगु दु । समितिं येँया वसन्तपुरय् थःगु न्ह्यक्वःगु तःमुँज्याया झवलय् महानिरीक्षक खनालयात सम्मान याउगु खः ।
मूपाँहा येँ महानगरपालिकाया मेयर विद्यासुन्दर शाक्यं महानिरीक्षक खनालयात दोसल्ला न्येयका हनापौ लल्हाःगु खः । उगु ज्याझ्वलय समितिया संरक्षक मनोज नेवाःखड्गीं खनालयात स्वामा व खादा न्ययेकादिगु खः । नेपाल प्रहरीय् व्यावसायिकता, नागरिकमैत्री व जवाफदेही प्रहरी प्रशासनया लागि निष्ठा व दक्षतापूर्वक ज्या याउगु कदर यासे महानिरीक्षक खनालयात समितिं सम्मान यानगु धका समितिया अध्यक्ष अन्जिता खड्गीं धयादिगु खः ।
सम्मानित जुइ धुका प्रहरी महानिरीक्षक खनालं सम्मानं बालागु ज्या यायेत न्ह्यने वनिपिन्त व ज्या याइपिन्त उत्साह व जाँगर याइ धका धयादिगु खः । नेपाल प्रहरी संगठन समुदायपाखे अलग जुइ फइमखु धका थःगु धारणा तयादिसे प्रहरी महानिरीक्षक खनालं समुदायया ग्वाहालि व सद्भाव बिना प्रहरी संगठन जक शान्ति सुरक्षा व अपराध न्यूनीकरणया ज्या याये फइमखु धका धयादिगु खः
उगु ज्याझ्वलय् मूपाहा येँ महानगरपालिकाया मेयर शाक्यं प्रहरी संगठनयात समुदायमैत्री व व्यावसायिक दयेकेगु लागि महानिरीक्षक खनालया नेतृत्वं निर्वाह याउगु भूमिका तसक च्वछाय् बः जु धका धयादिगु खः । जन्मं सू तःध व चिधः मजुइगु नाप कर्मं हे तधः व चिधः जुइ धका मेयर शाक्यं धयादिगु खः । वयकल ‘संस्कृति, परम्परायात म्वाकेगु लागि समुदायया आर्थिक व शैक्षिक स्तर थकायेगु ज्या याये माःगुलि जोड बियादिगु खः । ’
मेयर शाक्यं थःगु कार्यकालय भुखाच दुगु, जीर्ण जुगुु, देवालय, देगः, फल्चा, सतः, विहार, चैत्य दक्को मर्मत व संरक्षण यायेगु येँयात सांस्कृतिक शहरया रुपय ल्यःका तयेगु उद्देश्यं ज्या याना च्वनागु धका धयादिगु खः ।
येँ मनपा वडा १८ या भवन पुननिर्माण क्वचाल
सुरेन्द्रभक्त श्रेष्ठ | सिल्लाथ्व सप्तमी ११४० (फ्रेअवरी १ २०२०)
येँ महानगरपालिका वडा नंं. १८ या वडा भवन पुननिर्माण क्वाचागु दु । वःगु दँया माघ ७ गते महानगरया प्रमुख बिद्यासुन्दर शाक्यं उगु भवनया शिलान्यास यानादिगु खःसा थौं वयकःयाहे ल्हातं उलेज्या यानादिगु खः ।
थौंया उलेज्या ज्याझ्वलय् सहरी विकास राज्यमन्त्री रामवीर मानन्धरया न ब्बति दुगु खः । ‘केन्द्रनिसे दक्को वडाया थः थःगु हे भवन निर्माण यायेगु नीति कथं या योजनाया लिच्वः हे थुगु वडा १८ या भवन जुगु खः ।’ धका मेयर शाक्यं उलेज्या ज्याझ्वलय थःगु नुगः खँ तयादिगु खः । ‘सांस्कृतिक ऐतिहासिक येँ सहरय् हनुमान ढोका बिश्व सम्पदा क्षेत्रया परम्परागत शैलीमा वडा भवन निर्माण क्वचायेके खःगुलि थःत तसक लयतागु दु धका धयादिगु खः ।’
मेयर शाक्यं थःगु हे कार्यकालय् ३२ गु वडाया सुविधा सम्पन्न भवन निर्माण यायेगु योजना दु धका धयादिसे आ थःगु हे वडाया अप्वो भवन दये धुकुगु दु धयादिगु खः ।
उगुु भवनया उलेज्या झ्वलय् सहरी विकास राज्यमन्त्री रामवीर मानन्धरं सांस्कृतिक सुहरया दथुइ वडा भवन परम्परागत शैलीइ हे पुननिर्माण जुगु महानगर सम्पदा व्यवस्थापनय् ध्यान बिउगु बालगुु सन्देश वनेगु बिचाः तयादिगु खः ।
१८ वडाया वडाध्यक्ष न्हुछेकाजी महर्जनं लक्षित इलय् भवन निर्माण ज्या क्वचाःगु दु धयादिसे, ‘न्हुगु भवन निर्माणया लागि ४० लख खर्च जुगु धका धयादिगु खः । पुलागु भवनया पिनेया ख्वाः व न्हुगु भवनया डिजाइन तयार यायेत २० लख तक खर्च जुगु दु धका धयादिगु खः । वडा भवन सम्पदा मार्गय लागुलि सम्पदामैत्री दु धका न धयादिगु खः ।’
येँय् प्यन्हु यक ‘अन्तरराष्ट्रिय मेयर सम्मेलन’ जुइगु
सुरेन्द्रभक्त श्रेष्ठ | सिल्लाथ्व षष्ठी ११४० (जनवरी ३१ २०२०)
इगु २०७७ असोज २१ निसे २४ गते तक येँय् प्यन्हु यक ‘अन्तरराष्ट्रिय मेयर सम्मेलन’ जुइगु दु ।
थौं छगु येँय् जुगु वेभसाइटया उलेज्या नाप पत्रकार भेटघाट ज्याझ्वलय् ‘अन्तरराष्ट्रिय मेयर सम्मेलन — २०२०’ सम्मेलनया बिषयया जानकारी बिउगु खः ।
उगु ज्याझ्वलय् येँ महानगरया प्रमुख एवं उपत्यका नगरपालिका फोरमया अध्यक्ष बिद्यासुन्दर शाक्यं डब्लुडब्लुडब्लु डट आएमसि २०२० डट ओआरजि डट एनपि वेभसाइट सार्वजनिक यानादिगु खः ।
थुगु वेभ पेज नेपाली भाषां सार्वजनिक यानादिगु खःसा लिपा मेमेगु अंग्रेजी नाप न्ह्यगु भाषा न याइगु ज्याझ्वः दु ।
थौंया पत्रकार सम्मेलनय् थिमिया गठ्ठाघरय् फोरमया सचिवालय स्थापना याये धुनागु धका मध्यपुर थिमी नगरया प्रमुख एवं फोरमया सचिव मदनसुन्दर श्रेष्ठं सम्मेलन आपसी ज्ञान व सीप अभिवृद्धि यायेत फाइदा जुइ धका धयादिगु खः ।
सम्मेलनय् स्वनिगः दुनेया नगर सरकार नाप भगिनी सम्बन्ध दुगु अन्तरराष्ट्रिय शहर, सार्क तथा दक्षिण पूर्वी एशियाया राजधानी लगायत प्रमुख सहर, युनेस्को तथा बिश्व सम्पदा सहरया संगठनय् आवद्ध सम्पदा सहरया नगर प्रमुखपिन्त ब्बना तःगु खः ।
शहीद धर्मभक्तया नामय् पार्क उलेज्या
लहनान्युज | सिल्लाथ्व पञ्चमी ११४० (जनवरी ३० २०२०)
येँ महानगरपालिका वडा नं. २३ स्थित यंगाः त्वालय् शहीद धर्मभक्त माथेमाया लुमंतिइ दयेकूगु पार्क कामपा प्रमुख विद्यासुन्दर शाक्यपाखें उलेज्या जुल । माघ १६ गते शहीद दिवस कुन्हु छगू ज्याझ्वःया दथुइ मेयर शाक्यं शहीद धर्मभक्त पार्क लिसें अन दुने धस्वाकातःगु शहीद धर्मभक्त माथेमाया झ्वाता नं उलेज्या यानादीगु खः ।
ज्याझ्वलय् न्ववासें मेयर शाक्यं शहीदपिनि सम्मानय् येँ महानगरपालिकापाखें राणा सरकारं मृत्युदण्ड ब्यूपिं प्यम्हं शहीदपिनि पूर्ण कदया झ्वाता धस्वाकेगु ज्या जूगु खँ कनादिल ।
शहीदपिंसं समृद्ध नेपाः व सुखी नेपालीया म्हगस खंकाः हे ज्यान बलिदान याःगु खँ कँसें मेयर शाक्यं धयादिल, ‘वर्तमान सरकार समृद्ध नेपाःया लक्ष्य ज्वनाः न्ह्याः वनाच्वंगु दु, शहीदपिनि म्हगस नं थ्वहे खः ।’
धर्मभक्तया काय्चा लिसें शिक्षाविद् डा. केदारभक्त माथेमां ओमबहाः त्वाः धइगु २००७ साल क्रान्तिया ‘इपिसेन्टर’ खः धासें धर्मभक्तं थ्वहे त्वाःयात केन्द्र दयेकाः अबले राजनीतिक गतिविधि याःगु खँ कनादिल । उगु थासय् धर्मभक्तया झ्वाता नापनापं पार्क दयेकाः खुल्ला क्षेत्रया सदुपयोग याःगु खँय् वय्कलं लसता नं प्वंकादिल ।
येँ मनपा वडा २३ या अध्यक्ष मचाराजा महर्जनं थन धर्मभक्तया झ्वाता व पार्क जक मखुसें पार्कया क्वय् ३० हजार लिटर लः न्ह्यंगु छगू ट्यांकी नं दयेकागु खँ कँसें वडाय् दमकल दुहां वने मफइगु छुं नं थासय् छेँ मिं नल धाःसा वहे लः छ्यलाः मेशिनपाखें मि स्याये फइगु जानकारी बियादिल ।
पुलांम्ह मन्त्री प्रयागराज सिं सुवालं शुक्रराज जोशीयात यखानाः स्याःबलय् सिमाय् यगानाच्वंगु लाश थःपिं नं स्वः वनागु खँ कनादिल । पुलांम्ह वडा अध्यक्ष पवित्र वज्राचार्यं शहीद दिवस न्यायेगु खःसा शहीदया म्हगस पूवंकेगुपाखे नं झीगु ध्यान वनेमाःगु बिचाः तयादिल । मचा साहित्यकार शान्तदास मानन्धर नेपाली राजनीतिया आजुअजा धइपिं हे थ्व प्यम्ह शहीद जूगुलिं वय्कःपिंत झीसं सदां लुमंकेमाः धयादिल ।
शहीद धर्मभक्त माथेमा २३ वडास्थित ओमबहाः त्वालय् हे जन्म जूम्ह खः । वय्कलं ओमबहाःया हे जोरगणेशस्थित थः निनिया छेँय् छगू गोप्य भेला यासें नेपाःया न्हापांगु राजनीतिक संगठन नेपाल प्रजापरिषद् गठन यानादीगु खः ।
