राष्ट्रिय

Display Style:

Column Style

तःजिक २४ क्वःगु महानगर दिवस हनिगु

नृपेन्द्रलाल श्रेष्ठ | थिंलाथ्व षष्ठी ११३९ (दिसेम्वर १३ २०१८)

येँ महानगरपालिकां थौं छगु पत्रकार सम्मेलनयाना थ्वहे वइगु मंसीर २९ गते संञ्चवाः कुन्हु तःजिक २४ क्वःगु महानगर दिवस येँया बसन्तपुरया दमकल न्ह्यने सुथसिया ८ः३० ताः इलय् हने जानकारी बिइगु ज्या जुगु दु ।

येँया बसन्तपुरय् प्रधानमन्त्री केपी शर्मा ओलीया मूपाँहासुइ जुइगु उगु ज्याझ्वलय् बिशिष्ट पाँहा कथं प्रदेश न.३ या मुख्यमन्त्री डोरमणी पाण्डे व पाँहा कथं येँया झीगु क्षेत्रया प्रतिनिधि सभाया सांसद नाप प्रदेशसभाया सांसद पिनिगु उपस्थीति जुइ त्यःगु खः ।

उगु महानगर दिवसया लसताय् येँया न्हापाम्ह मेयर जनकमान श्रेष्ठयात सम्मान, उत्कृष्ट स्वंगु सामुदायीक ब्बःनेकुथियात सम्मान उत्कृष्ट करदाता सम्मान, कर्मचारी दीर्घ सेवा पदक लःल्हाइगु नाप न्यय् द्धः नगद राशी दुगु महानगरीय सुशासन पत्रकारीता सम्मान झीम्हेसित, येँया परम्परागत बाजं गुरुपिन्त सम्मान स्वरुप नीन्याद्धः तका नगद न लःल्हाइगु ज्याझ्वः तयातःगु दु धकाः थौ जुगु पत्रकार सम्मेलन पाखे येँमनपाया मेयर बिद्यासुन्दर शाक्यं जानकारी बियादीगु खः ।

थुगु महानगर दिवसया लसताय् ज्यापु महागुथि नेपाःपाखें बसन्तपुरय् सांस्कृतिक ज्याझ्वः नाप बसन्तपुरया दबुलि हनुमानढोका, टेगः, किलागः, असं, लगं, थहिति व ओण्डो त्वालय् नसाँ त्वसाँया पसः तयगु ग्वसाः दु ।

बि स २०५२ साल मंसीर २९ गते महानगर घोषण यागु स्मरणय् दँय् दँस महानगर दिवस हना वयाच्वंगु खः ।

येँमनपा “स्मार्ट सहरी प्रविधि प्रतिस्पर्धा – २०७५” ज्याझ्वःया जानकारी

नृपेन्द्रलाल श्रेष्ठ | थिंलाथ्व पंचमी ११३९ (दिसेम्वर १२ २०१८)

नेपालय् यक्को बेरोजगारी व थुकिया कारण ल्याम्हत विदेश पलायन जुइगु समस्यायात समाधान यायेगु न्हगु बिचाःया माध्यमपाखें प्रविधियुक्त उद्यमशीलता प्रवद्र्धन यायेर्दिगु शापाखे न्ह्यने वनेत न्हुगु ज्ञान, सीप व क्षमता दुपि उद्यमीयात व्यवसाय सञ्चालन यायेत प्रोत्साहन व प्रश्रय बिइत येँ महानगरपालिका मेयर बिद्यासुन्दर शाक्यं थौं छगु पत्रकार सम्मेलन जानकारी बियादीगु खः ।

उगु ज्याझुवलय् प्रविधिमैत्री व्यापारशैली अबलम्बन यासें येँ महानगरपालिकां स्वदेशय् हे च्वना उद्धमशीलता प्रबद्र्धन याये फइगु सामुहिक प्लेटफर्म विकास यायेगु उदेश्यं “हाम्रो काठमाडौं हामी बनाउँछौं” नारा बिया “स्मार्ट सहरी प्रविधि प्रतिस्पर्धा – २०७५” या ग्वसाः ग्वःगु खः ।

येँ महानगरपालिका सहरी योजना आयोगया सक्रियताय् जुइ त्यःगु थुगु प्रतिस्पर्धापाखे क्षमतावान वेरोजगार ल्याम्हपिन्त थःगु हे देशय् स्वरोजगारिया अवसर दइगु नाप स्वदेश व विदेशय् हाँसिल याःगु न्हुगु ज्ञान, सिप, प्रविधि एवं कला–कौशलयात थःगु हे देशय् छ्यले फइगु कथं थुगु ज्याझ्वः जुइ त्यःगु दु धकाः पत्रकार सम्मेलन पाखे जानकारी बिगु खः ।

थुगु प्रतिस्पर्धाय् समुदाय व वातावरण, सहरी पूर्वाधार विकास, महानगरीय सामुदायिक सेवा व महानगरपालिकाया सार्वजनिक प्रशासन तथा व्यवस्थापन याना मूख्य प्यंगु विषय दुथ्याइ ।

थुगु छनौट जुपि १०० प्रतिस्पर्धी पाखे ४ विषयया २४ गु प्रतिस्पर्धी समूहयार्त फाईनलय् छनौट याइ ।

उत्कृष्ट जुपि न्हुगु सोचपिन्त निम्नानुसार पुरस्कारया समेत व्यवस्था यानातगु दु । च्यालेन्ज विजेता ९समूहगत विजेता मध्ये छम्ह० – रु ५,००,००० विषयगत विजेताः– समुदाय तथा वातावरण – रु २,००,००० विषयगत विजेताः– सहरी पूर्वाधार – रु २,००,००० विषयगत विजेताः– महानगरीय सामुदायिक सेवा – रु २,००,००० विषयगत विजेताः– महानगरीय सार्वजनिक प्रशासन तथा ब्यवस्थापन – रु २,००,००० विषयगत उपविजेताः– समुदाय र वातावरण – रु १,००,००० विषयगत उपविजेताः– सहरी पूर्वाधार – रु १,००,००० विषयगत उपविजेताः– महानगरीय सामुदायिक सेवा – रु १,००,००० विषयगत उपविजेताः– महानगरीय सार्वजनिक प्रशासन तथा ब्यवस्थापन– रु १,००,०००

प्रहरी प्रभाग कोपोन्डोलय् भवन उलेज्या

नृपेन्द्रलाल श्रेष्ठ | थिंलाथ्व पंचमी ११३९ (दिसेम्वर १२ २०१८)

महानगरीय प्रहरी प्रभाग कोपोन्डोलय् न्हुगु भवन थौं बुधवाः छगु ज्याझ्वः दथुइ महानगरीय प्रहरी कार्यालय रानीपुखूया प्रमुख प्रहरी नायव महानिरीक्षक शैलेश थापा क्षेत्रीं न्हगु भवनया उलेज्या यानादीगु दु ।

उगु ज्याझ्वलय् प्रहरी नायव महानिरीक्षक क्षेत्रीं प्रहरी सेवा समृद्धिया लागि मखुसे सन्तुष्टिया लागि खः धकाः थःयागु धारणा तयादील नाप प्रहरी कर्मचारीयिापन्स थःगु व्यवसायया सन्तुष्टि जुया कार्य सम्पादन यात धाःसा न्ह्यागुन दुःखया इलय् नागरिकं प्रहरीयात लुमकि धकाः वयकः नं विश्वास प्वकादील ।

उगु ज्याझ्वलय् महानगरीय प्रहरी परिसर ललितपुरया प्रमुख प्रहरी वरिष्ठ उपरीक्षक रवीन्द्रबहादुर धानुक, ललितपुर महानगरपालिका वडा –१० या वडाअध्यक्ष नरसिह व्यञ्जनकार न थःथःगु नुगः खँ तयादीगु खः ।

न्हगु दयेकुगु भवन ललितपुर महानगरपालिका वडा नं १० कार्यालय व स्थानीयबासी पिनिगु ग्वहालिं २५ लख २९१६० तका खर्च याना दयेकुगु खः । थुगु ज्याझ्वलय् येँ पाखे यलय् दुहा वनीगु लपुँइ कलात्मक लुखा दयेका भगवान बुद्धया प्रतिमा न अनावरण याःगु खः ।

न्याकु कोठाय् प्रहरी नायव निरीक्षक कमाण्डय् हाल १५ म्ह प्रहरी कर्मचारी पिनिगु ब्यवस्था दु ।

गद्यगुरु पं.निष्ठानन्दया १६२ क्वःगु बुदिं हन

लहनान्युज | थिंलाथ्व चतुर्थीथ ११३९ (दिसेम्वर ११ २०१८)

नेपालभाषा ख्यःया प्यंगः थां मध्ये छगः थां गद्यगुरु पं. निष्ठानन्द बज्राचार्यया १६२ क्वःगु बुदिं थौं मंगलवाः पं. निष्ठानन्द स्मृति गुथि व ओलम्पस क्लबया मंकाः ग्वसालय् तःजिक हःगु दुु ।

गद्यगुरु पं. निष्ठानन्द बज्रचार्यया १६२ क्वःगु बुदिं हना ज्याझ्वलय् भाषासेवी नाप बाखं च्वमि राजा शाक्यं पं. निष्ठानन्द बज्राचार्यया बिषयस प्रवचन बियादीगु खः ।

उगु ज्याझ्वलय् शाक्यं झीसं झीगु भाषाया विषयस बांलाक थुइकाः वनेमाःगु खँय् बः बियादीगु खः ।

ग्वसाः खलः पं. निष्ठानन्द स्मृति गुथिया कजि पं्रा.सुवर्ण शाक्यं सभाध्यक्षताय् जुगु उगुु ज्याझ्वलय् ओलम्पस क्वलया नायः पवित्र बज्राचार्यं न्ह्याकादीगु खः ।

थौंया उगु ज्याझ्वः भाषासेवी व समाजसेवीपिन्सं पं. निष्ठानन्द बज्राचार्यया झ्वाताय् स्वां देछाया श्रद्धाञ्जली प्वंकेगुु ज्या नं जूगु खः ।

किपा सुगतरत्न सिन्दुराकार