Display Style:
Column Style
यूट्युबय् ‘नेवाः यूट्युब च्यानल’
नृपेन्द्रलाल श्रेष्ठ | थिंलाथ्व द्धितीया २३ ११३८ (दिसेम्वर ९ २०१८)
नेवाः अनलाइनन्यूजया संयोजनय् आइतवाः सनिलय् येँया नेपाः ब्यांक्वेटय् ‘नेवाः यूट्युब’ च्यानलया उलेज्या निरञ्जनरत्न शाक्यं यानादीगु दु ।
उगु ‘नेवाः यूट्युब’ च्यानलय् नेवाः म्हसिका, तजिलजि, सट् मुभि नाप म्युजिक भिडियो न स्वये फइगु जुगु दु ।
बरिष्ठ सिनेपत्रकार बिजयरत्न असंबरे लसकुस यानादीगु उगु ज्याझ्वलय् नेवाःअनलाइनन्यूजया सुजिब बज्राचार्यं ‘नेवाः यूट्युब’च्यानलया बिषययात कयाः न्ववानादीगु खः । राजीव राजोपाध्यायाय नं सुभाय् देछानादीगु खः ।
“इलं म्हू चिनातःगु” सफूपिहाँवल
लहनान्युज | थिंलाथ्व द्धितीया २३ ११३८ (दिसेम्वर ९ २०१८)
न्हयमू न्हय्त्वाः दरु गुथि संरक्षण समितिया कजि लिसें ज्यापु महागुथि येँ महानगर समितिया पुलांम्ह नायः रामबहादुर डंगोलं च्वयादीगु चिनाखँ मुना सफू “इलं म्हू चिनातःगु” छगू ज्याझ्वःया दथुइ वाङ्गमय शताब्दी पुरुष डा. सत्यमोहन जोशीं उलेज्या यानादीगु दु ।
समितिया छ्याञ्जे मचाराजा महर्जनं लसकुस यानादीगु उगु ज्याझ्वलय् विशेष पाहाँ प्रा. सुवर्ण शाक्यं सफुती दुथ्याःगु चिनाखँयात कयाः नुगः खँतया दीगु खः ।
च्वमि डंगोलयात थाकुलिं लूगु लसताय् जूगु उगु ज्याझ्वलय् ज्यापु महागुथि केन्द्रीय समितिया नायः लोककवि राजभाइ जकःमिं दोसल्ला न्यय्काःहनापौ लःल्हानादीगु खः ।
थ्व हे झ्वलय् नेवाः देय् दबूया नायः नरेश ताम्रकार, पूर्व राज्यमन्त्री तीर्थराम डंगोलं नं भिन्तुना देछानादीगु खः ।
किपा नातीकाजी महर्जन
अपर्णा प्रधानया स्वंगु सफू पिदन
नृपेन्द्रलाल श्रेष्ठ | बछलाथ्व पारु ११३९ (दिसेम्वर ८ २०१८)
कुतः पिकाक, नेपाल मण्डलया ग्वसालय् थौं छगु ज्याझ्वःया दथुइ आख्यानकार अपर्णा प्रधानया स्वंगु सफू पितब्वज्या जुगु दु ।
उगु ज्याझ्वलय् मूपाँहा बरिष्ठ साहित्यकार नाप भाषाथुवाः मथुरा साम्मि, पाँहापिं वरिष्ठ समालोचक इन्द्र माली व समालोचक प्रा. प्रेमशान्ति तुलाधरं पितब्बज्या यानादीगु खः ।
आख्यानकार प्रधानं च्वयादीगु उगु स्वंगु सफुतिं करुणा उपन्यासयात कया मूपाँहा बरिष्ठ साहित्यकार नाप भाषाथुवाः साम्मि, राजाया कृति ः जिगु दृष्टियात कया प्रा.प्रेमशान्ति तुलाधर व ख्युंगु आलय् थीगु नगुयात बरिष्ठ समालोचक इन्द्र मालीं न्ववाना दीगु खः ।
बाखं च्वमि नाप प्रेममोहन सिरपाया नायः राजा शाक्यया सभाधक्ष्यताय् जुगु उगु ज्याझ्वलय् आख्यानकार अपर्णा प्रधान न थःगु नुगः खँ तया
साहित्यकार नाप नेवाः न्ह्यलुवा पद्मरत्न तुलाधर व समालोचक डा.कमलप्रकाश मल्ल नाप बाख च्वमि गम्भिरमान मास्के पिनिगु लुमन्ति छगु मिनेत मौन धारणायासे उगु ज्याझ्वः न्ह्याकुगु खः ।
पत्रकार आशाकाजि सहयोग अभियान न्ह्यात
लहनान्युज | कछलागा आमै ११३९ (दिसेम्वर ७ २०१८)
नेवाः पत्रकार राष्टिय दबूपाखें जलासेँ अर्थात मृगौला ल्वचं पीडित पत्रकार आशाकाजि महर्जनयात ग्वहालि यायेगु अभियान न्ह्याकूगु दु । मृगौला ल्वचं पीडित पत्रकार आशाकाजि महर्जन नां बिया शुक्रवाःनिसें अभियान न्ह्याकूगु खः ।
शुक्रवाः जक हे थीथी ब्यक्ति, संस्थातपाखें स्वतस्फूर्त रुपं ५९ हजार तका ग्वहालि याःगु दुसा अथे हे १७ हजार ५५५ तका ग्वहालि यायेगु बचं वःगु खः । अन वःगु ग्वहालि तप्यंक हे पीडित पत्रकार महर्जनयात लःल्हाःगु खः ।
उगु अभियानया कजि नापं नेवाः पत्रकार राष्टिय दबूया न्वकू नृपेन्द्रलाल श्रेष्ठं अभियानया बारे जानकारी बिसें औपचारिक रुपं येँया ओलम्पस क्वबलय् संचालन यानादीगु ज्याझ्वलय् पत्रकार आशाकाजि महर्जनयात अन सहभागी पत्रकारनिसें थीथी ब्यक्तित्वपिन्सं आर्थिक ग्वहालि यानादीगु खः ।
दबूया नायः श्रीकृष्ण महर्जनया नायोसुइ जूगु उगु ज्याझ्वलय् ३ नम्बर प्रदेशया सांसद राजेश शाक्य, नेवाः न्ह्यलुवा पवित्र बज्राचार्यपिन्सं आशाकाजि महर्जनयात आर्थिक रुपं ग्वहालि
यायेमाःगु नापं पत्रकार दबूपाखें थज्वःगु बांलाःगु ज्यायात निरन्तरता बिइमाःगु अले पत्रकारतय्त ग्वहालि यायेगु नितिं अक्षयकोष हे दयेका वनेमाःगु खँय् बः बियादीगु खः ।
पत्रकारतय्त मालीगु इलय् ग्वहालि याना वयाच्वनागु खँ न्ह्यथसें आः पत्रकार महर्जनयात ग्वहालि अभियान यलय् नापं मेमेगु थासय् नं यायेगु जुइ धकाः दबूया मूछ्याञ्जे सुनिल महर्जनं धयादिल ।
जलासेँ ल्वचं पीडित पत्रकार आशाकाजि महर्जनं थः २८ दँ न्ह्यवंनिसें पत्रकारिता याना वयाच्वनागु खँ न्ह्यथसें थःत २०७४ सालंनिसें जलासेँया ल्वचं समस्या जुयाच्वंगु अले निरन्तर रुपं वासः यायेत थाकुयाच्वंगु खँ कनादिल । पत्रकार दबूपाखें अथे ग्वहालि अभियान संचालन याःगुलिं थःगु आत्मविश्वास अप्वया वःगु खँ तकं वय्कलं कनादिल ।
पत्रकार महर्जनया जहान मञ्जु महर्जनं पत्रकार दबूया अभियानं थःपिनिगु परिवारयात हे तःधंगु हःपाः बिउगु नापं आत्मविश्वास झन अप्वया वःगु खँ कनादिल । दबूया नायो श्रीकृष्ण महर्जनं तत्कालया नितिं पत्रकार आशाकाजि महर्जनयात ग्वहालि अभियान संचालन यानागु खँ न्ह्यथसें आः लच्छि लिपानिसें सुं नं नेवाः पत्रकारयात समस्या जुइगु इलय् ग्वहालि यायेगु कथंया अक्षयकोष स्थापना यायेगु खँ कनादिल ।
शुक्रवाः आर्थिक ग्वहालि याःपिं थुगु कथं दुः
१) लहना मिडिया ५०००।
२) ज्वजलपाः वाःपौ ५०००।
३) डा. महेशमान श्रेष्ठ ५०००।
४) धनश्याम राजकर्णीकार ५०००।
५) डा. ज्योति व स्वयम्भु तुलाधर ४०००।
६) हरि कृष्ण महर्जन १०००।
७) सुधिर ख्ववि २०००।
८) सम्यक वाःपौ १५००।
९) इन्द्र शाही ५००।
१०) सः छगू फरक अभिब्यक्ति १०००।
११) राजेश शाक्य ५०००।
१२) सुनिल बज्राचार्य १०००।
१३) दिनेशराम श्रेष्ठ ५०००।
१४) सुनिता कायष्ठ १०१०।
१५) जोर गणेश बचत २०००।
१६) रचना श्रेष्ठ १०००।
१७) दिपक तुलाधर ५०००।
१८) प्रज्वल शाक्य १०००।
१९) विगेन तुलाधर १०००।
२०) पवित्र बज्राचार्य ५०००।
२१) नेवाः अनलाइन न्युज २०००।
मुक्कं याना ध्यबा वःगु ५९०१०।
बिइगु बचं वःगु
२१) नेपाल आदिवासी जनजाति पत्रकार महासंघ ५०००।
२२) सुरबहादुर श्रेष्ठ ५०००।
२३) उत्तम श्रेष्ठ १०००।
२४) रामशरण साय्मि ५०००।
२५) उपेश महर्जन १५५५।
मुक्कं याना बचं वःगु १७५५५।
कलाकार निर्देशक स्वतन्त्रसंसार महर्जनयात हन
लहनान्युज | कछलागा आमै ११३८ (दिसेम्वर ७ २०१८)
सुनागुथि बुदोकैदो क्लबया ग्वसालय्ः निन्हुयंक जुइ त्यःगुं प्यक्वःगु राष्ट्रव्यापी व न्हापांगु अन्तर्रा्ष्ट्रिय बुदोकैदो कासाया झ्वलय् कलाकारपिं कृष्णभक्त महर्जन व निर्देशक स्वतन्त्रसंसार महर्जनयात हनेगु ज्या जूगु दु ।
उगु ज्याझ्वलय् मूपाहाँं प्रदेश नम्बर ३ या सांसद दिनेश महर्जनं कलाकmरं कृष्णभक्त महर्जन व स्वतन्त्रसंसार महर्जनपिन्त हनापौ लःल्हासें सम्मान यानालीगु खः ।
उगु ज्याझ्वःक्लबया नायः विक्रम महर्जनया सभाधक्ष्यताय् न्ह्याःगु ज्याझ्वलय् पाहाँ कथं नेपाल बुदोकैदो फूल कन्ट्याक्ट संघया नायः काजीमान श्रेष्ठ झायादीगु खः।
