Display Style:
Column Style
पत्रकार आशाकाजी महर्जनया निति ग्वहालि ज्याझ्वः
लहनान्युज | कछलागा आमै११३८ (दिसेम्वर ७ २०१८)
नीन्यादँ निसें पत्रकारिता ख्यलय् योगदान याना वया च्वनादीम्ह फोटो पत्रकार आशाकाजी महर्जनयात जलास्येँ ल्वचं कया उसाँय मदया च्वंगु दु ।
उगु वासः यायेगु निति थौं नेवाः पत्रकार राष्ट्रिय दबु न येँया ओलम्पस क्लबय् छगु ज्याझ्वःया ग्वसाः ग्वःगु दु ।
दबू नं ग्वाहलि यायेगु निति दबुया सचिवालय् छगु मुज्या न्वकु नृपेन्द्रलाल श्रेष्ठया कजिसुइ सुनिल महर्जन, केके मानन्धर, सुरेन्द्रभत्त श्रेष्ठ व रचना श्रेष्ठया छगु कमिति निस्वगु खः ।
वय्कलं गोरखापत्र न्हिपौ, कान्तिपुर, समाचार–पत्रनिसें नेपालभासं पिथनीगु नांजाःगु पत्रिका विश्वभूमि व न्हूगु विश्वभूमिइ न ज्या यानादीधुंकूगु दु ।
येँ महानगरपालिका वडा नं १३ बाफल चखुमार्गय् च्वनीम्ह पत्रकार महर्जन विश्वभुमि निसें गोरखापत्र न्हिपौ, कान्तिपुर, नेपाल समाचारपत्र व कमाण्डर पोष्टय् ज्या यानादीं धुकुगु खः ।
सुरजया ख्वापा ः द मास्क ब्बज्या
लहनान्युज | कछलागा चर्तुदशी ११३८ (नोभेम्वर ६ २०१८)
पाटन संग्राहलय् यलय् छःगु वाः तक कलाकार सुरज शाक्यं दयेका दीगु ६ इञ्च निसे १८ इञ्च तकया ५१ गु ख्वापाःया ब्बज्या जुगु दु ।
उगु ख्वापाः पुरातन शैलीइ मण्डः, सिंह, भैरव नाप थी थी कथं दयेका तःगु खः ।
उगु ज्याझ्वः बरिष्ठ संस्कृतिविद् डा.सत्यमोहन जोशीं छगु ज्याझ्वः दथुइ उलेज्या यानादीगु ।
सन् १९९८य् दकय् न्हापा नेपाल भ्रमण बर्षय् न्हापागु ख्वापाया ब्वज्या कलाकार शाक्य यानादीगु खःसा थुुगु ज्याझ्वः वयकःय एकल ब्बज्या खः ।
येँमनपा व पत्रकार दबू दथुइ अन्तरक्रिया
लहनान्युज | कछलागा द्धादशी ११३९ (दिसेम्वर ४ २०१८)
येँ महानगरपालिकाया मेयर विद्यासुन्दर शाक्य नाप नेवाः पत्रकार राष्ट्रिय दबू पाखें छगु अन्तरक्रिया ज्याझ्वः जुगु दु ।
उगु अन्तरक्रिया ज्याझुवलय् मेयर शाक्यं येँ महानगरपालिकाय् थः निर्वाचित जुइ धुकाः ज्या यानागु गतिबिधिया जानकारी बियादीगु खः ।
वय्कलं येँ महानगरपालिकाय् सम्पदा, संस्कृति, भाषाया उत्थान यायेगु ज्याय् थः न्ह्याबलेय् न्ह्यचिलेत तयार दु धकाः न धयादील । नाप भुखाचं स्यंगु देगः महानगरपालिका देयकेगु जुइ धका जानकरी न बियादील ।
महानगरपालिकां मरु सतः दयेकेगु ज्या जुयाच्वंगु दु धयादीसे याकन हे माजु देगः न निर्माण जुइगु क्रमय् दुगु जानकारी न बियादील ।
उगु ज्याझ्वलय् नेवाः पत्रकार राष्ट्रिय दबूया नायः श्रीकृष्ण महर्जनं, न्वकु नृपेन्द्रलाल श्रेष्ठ व सुरजवीर बज्राचार्य, महासचिव सुनिल महर्जन, दांभरी सुुरेन्द्रभक्त श्रेष्ठ मूदुजःपि पेरणा शाक्य, नजरराम महर्जन, नातिकाजी महर्जन व जितेन्द्र श्रेष्ठपिन्स ब्बति काःगु खः ।
अथेहे सल्लाहकारपिं सुरेशकिरण मानन्धर, नरेशवीर शाक्य, पुष्कर माथेमा सुजिव बज्राचार्य राजु शाक्य लगायत नेपालभाषाया माध्यमं पत्रकारिता यानाच्वंपिं थीथी पत्रिका, टेलिभिजन, अनलाइनया सम्पादकपिन्सं ब्वति काःगु खः ।
नेरेसो स्वय्म्भूया १५क्वःदँ मुँज्या क्वचाल
पुर्णिमा शाक्य | कछलागा द्धादशी ११३९ (दिसेम्वर ४ २०१८)
नेपाल रेडक्रस सोसाइटी, स्वयम्भू उपशाखाया १५क्वःगु दँमुँज्यावंगु सञ्चरवाः येँया कुलां भुलुया श्री भक्तविद्याश्रम ब्वनेकुथी जुल । येँ जिल्ला सभापति मथुराराम श्रेष्ठ मूपाहां कथं झायादीगु
उगु ज्याझ्वलय् नेपाल रेडक्रस सोसाइटीया पुलांम्ह केन्द्रीय उपाध्यक्ष विश्वकेशर मास्के व येँ महानगरपालिका–१८या वडानायः न्हुछेकाजी महर्जनपिं पाहां कथं झायादीगु खः ।
ज्याझ्वलय् छ्याञ्जे मञ्जु पाण्डें उप शाखाया प्रतिवेदन व दांभरि महेश्वर महर्जनं आर्थिक प्रतिवेदन न्ह्यब्वयादीगु खः ।
उपशाखाया सभापति राजेन्द्र श्रेष्ठया सभाध्यक्षताय् जूगु उगु ज्याझ्वलय्
उपस्थित जुयादीपिन्त शाखाया उपसभापति वीरेन्द्र बज्राचार्य लसकुस यानादीगु खः । ज्याझ्वः पदमकुमार श्रेष्ठं न्ह्याकादीगु खः ।
हेमराज सिरपाः इन्द्र मालीयात
लहनान्युज | कछलागा दशमी ११३८ (दिसेम्वर २ २०१८)
लोक साहित्य परिषद् यलया ग्वसालय् लिपि विशेषज्ञ व संस्कृतिविद् पं हेमराज शाक्यया लुमन्तिइ नीस्वना तःगु समालोचक नाप नेपालभाषाया तःखँग्वः धुकूया कोशकार इन्द्र मालीयात हेमराज सिरपाः लःल्हागु दु ।
उगु सिरपा लिपि विशेषज्ञ पं हेमराज शाक्यया लुमन्तिइ वयकःयाक छेँजःपिन्सं नीस्वनातःगु भाषा, साहित्य, संस्कृति, लिपि आदि ख्यलय् च्वछायेबहःगु कृति व योगदान बियावयाच्वंपिं व्यक्ति वा संस्थायात सम्मान स्वरुप लोक साहित्य परिषदपाखें थुगुु सिरपाः लःल्हायेगु यानावयाच्वंगु खः ।
छगु ज्याझ्वः दथुइ मूपाँहा शताब्दीपुरुष डा. सत्यमोहन जोशीं हनापौ नाप छगू लख तका ध्यबा समालोचक मालीयात लःल्हानादीगु खः ।
उगु ज्याझ्वलय् मुूपाँहा शताब्दीपुरुष डा.जोशीं नेपालभाषाय् समालोचक मालीं यानादीगु निबन्ध, समालोचक, हाइकु व नेपालभाषाया खँ ग्वः धुकूया योगदान प्रशंसा यानदील ।
परिषदया नायः प्रा. प्रेमशान्ति तुलाधरं सिरपाः त्याकादीम्ह माली छम्ह भाषाविद्, निबन्धकार, समालोचक व कोशकारया रुपय् म्हसिका बियादीगु खःसा ज्याझ्वः राजित श्रेष्ठं न्ह्याकदीगु खः ।
बुखँ नेवाः सुचना केन्द्र किपा राजेन्द्र रंजित
