Display Style:
Column Style
कवियत्री नारायणदेवी श्रेष्ठयात हनेज्या जुल
लहनान्युज | कछलागा नवमी ११३८ (दिसेम्वर १ २०१८)
नेवाः मिसा दबूया निक्वःगु बुदिंया लसताय् निम्ह नेवाः मिसापिंत हनेगु ज्या जुगु दु ।
थुगुसी धरान सुनसरी जिल्लाया न्हापांम्ह नेवाः मिसा समाजसेवी सरला कायष्ठ व मिसा अधिकार व आन्दोलनयात साहित्यया लँपु ज्वनाः दक्कलय् न्हापां वःम्ह कवियत्री नारायणदेवी श्रेष्ठयात हने ज्या जुगुु दु ।
शनिवाः नारायण देवी श्रेष्ठया छेँय् वना मिसा दबू नायः रश्मिला प्रजापतिं हना पौ लःल्हानाः दिगु खःसा मूछ्यान्जे सरिता श्रेष्ठं दोसल्लां न्येयेका हनेज्या याना दीगु खः ।
अथेहे कवियत्री श्रेष्ठया छेँ जःपाखे संस्थायात ग्वाहालि कथं ११,००२ तका ध्यबा न दबुया नायः प्रजापतियात लःल्हानादिगु खः ।
नेवाः मिसा दबूया बुदिंया लसताय् दँय् दँसं थी थी ख्यलय् योगदान यानादीपिं निम्ह नेवाः मिसायात हना वयाच्वंगु दु ।
मदुम्ह प्रा.डा.कमलप्रकाश मल्लयात बिचाः हायेकल
नृपेन्द्रलाल श्रेष्ठ | कछलागा नवमी ११३८ (दिसेम्वर १ २०१८)
छु दिं न्ह्यः मदुम्ह प्रा.डा.कमलप्रकाश मल्लयात थौं शनिवाः सुथय् न्याःगु खलः पुचलं नेपाः ब्याकेटय् बिचाः हायेका ज्याझ्वः यागु दु ।
थौं जुगु उगु मंकाः ज्याझ्वलय् नेवाः देय् दबू, आशा सफू कुथि, च्वसापासा, प्रतिभा साहित्यिक परिवार व नेपालभाषा एकेदेमिया ग्वसालय् बिचाः हायेका ज्याझ्वलय् प्रा.डा. मल्लया किपातय् स्वा देछाःगु खः ।
छगू मिनेट मौन धाराणा यानाः न्ह्यागु उगु ज्याझ्वलय् जनकवि दुर्गालाल श्रेष्ठ व लोककवि राजभाई जकःमि चिनाखँ न्यकादीगु खःसा वाङमय शताब्दी पुरुष डा. सत्यमोहन जोशी, बरिष्ठ पत्रकार कनकमणी दिक्षितपिन्स मदुम्ह प्रा.डा.मल्लया ब्यक्तित्वय् बिषलय् न्ववानादीगु खः ।
ज्याझ्वः शरद कसाः नं न्ह्याकादिगु खः ।
ललितपुर क्षेत्र नं. २ शाखाया न्याक्वःगु साधारणसभाया
नृपेन्द्रलाल श्रेष्ठ | कछलागा नवमी ११३८ (दिसेम्वर १ २०१८)
ललितपुर उद्योग वाणिज्य संघ क्षेत्र नं. २ शाखाया न्याक्वःगु साधारण सभाया उलेज्या मूपाहा ललितपुर उद्योग वाणिज्य संघया नायः कृष्णलाल महर्जन छगु ज्याझ्वःया दथुइ त्वाःदेवाय् मत च्याका उलेज्या यानादीगु दु ।
उगु ज्याझ्वलय् सगरमाथा गयादीम्ह साहसी पत्रकार मय्जु कल्पना महर्जनयात न हने ज्या यागु खः ।
पत्रकार मय्जु कल्पना महर्जनयात मूपाहा मूपाँहा ललितपुर उद्योग वाणिज्य संघया नायः कृष्णलाल महर्जन हनापौ देछानादीगु खःसा शाखाया नायः केशव श्रेष्ठं दोसल्ला न्यकादीगु खः ।
सुनाकोठीं अन्तराष्ट्रिय कन्ट्याक्ट च्याम्पियनशिप जुइगु
लहनान्युज | कछलागा नवमी ११३८ (दिसेम्वर १ २०१८)
सुनाकोठी बुदोकैदो क्लबया ग्वसालय् प्यक्वःगु राष्ट्रिय व्यापी व न्हापा खुसी अन्तराष्ट्रिय बुदोकैदो फूल कन्ट्याक्ट च्याम्पियनशिप जुइत्यःगु दु ।
थौं शनिबाः सुनाकोठी छगु पत्रकार सम्मेलनयासे थुगु खँया जानकारी ग्वसाः खलः पाखेँ बिउगु खः ।
थ्व हे वइगु मंसीर २१ व २२ गते यल महानगरपालिका वडा न २७ सुनाकोठीया बालकुमारी चउरय् जुइगु उगु कासाय् नेपाल नाप बेल्जिम, पाकिस्थान, भारत व मोरकोया निसम्ह कासामि पिंन्स ब्वति काइगु दु धका जानकारी बिउगु खः । सुनाकोथीया कासामिं बिक्रम महर्जनया नाय सुइगु जुइत्यःगु उगु कासा च्यागु तौल पुचलय् बिभाजन यानातगु दु ।
२५ केजी निसे काया ६० केजी व खुल्ला तौल पुच दय्का तगु खः । कुल १५ लख लागतय् जुइगु उगु कासा न्हापा, लिउ,लिया लिउ व हःपा सिरपा नाप शिल्ड, मेडल, हनापौ लिसे नगदया तक व्यवस्था यानातगु दु ।
भगबान गौतम बुदाया नामय् नेपालय् हे जन्म जुगु जुगु कासा बुदोकैदो हलियंकया प्रचार प्रसार यायेगु ताःतुना थुगु कासा याये त्यःगु खः ।
शंखधर दिवस हन
लहनान्युज | कछलागा नवमी ११३८ (दिसेम्वर १ २०१८)
थौं शनिवाः येँमनपा २० वडाया भिद्यःत्वाः देय् भ्वय छेँय् शंखधर दिवस न्यायेकुगु दु ।
काष्ठमण्डप सामुदायिक अध्ययन केन्द्रं थौं नेपाल संवतया प्रवद्र्धक शंखधर साख्वाःया बुदिं नाप शंखधर दिवसया व नेपाल संवत ११३९ या लसताय् भिंतुना कालबिल ज्याझ्वः याःगु दु ।
उगु ज्याझ्वलय् मूपाहाँ कथं संघीय सांसद राजेन्द्र श्रेष्ठ, पाहाँ कथं ३ न.प्रदेशसभाया सांसद राजेश शाक्य, अध्ययन केन्द्रया छ्याञ्जे बिजयकृष्ण श्रेष्ठं थः थःगु नुगः खँ तयादीगु खःसा केन्द्रया न्वकू मनरत्न शाक्यया सभाधक्ष्यताय् जुगु खः ।
नेपाल संवत ११२० कछलाथ्व दशमि कुन्हु तत्कालिन प्रधानमन्त्री कृष्ण प्रसाद भट्टराइ नं राट्रिय बिभूति घोषण याःगु लुमन्ति दँय् दँस शंखधर दिवस हना वयाच्वंगु खः ।
