Display Style:
Column Style
चीनं कोरोना जाँचे यायेगु किट बिल
लहनान्युज | चौलाथ्व पारु ११४०
चीनया बिइजिङ मल्टिपल ट्रेड एण्ड कमर्स ब्युरों कोरोना भाइरस परीक्षणया लागि माःगु किट नेपाल सरकारयात उपलब्ध याउगु दु ।
ब्युरों कोरोना भाइरसविरुद्ध ल्वायेगु लागि बेइजिङस्थित नेपाली दूतावासमार्फत बुधवाः नीद्धः किट हस्तान्तरण याउगु दु ।
व्युरो येँ ज्यायेगु लागि इन्टरनेसनं इन्भेस्टमेन्ट एण्ड कोअपरेसन कन्सल्टिङ सर्भिस कम्पनी प्राइभेट लिमिटेडं किट अभावं कोरोना पर्याप्त परीक्षण याये मफया च्वंगु ध्यान बिया उगु किट उपलब्ध याःगु खः ।
सरकारया उपहारस्वरूप उपलब्ध याःगु उगु किट ३० द्धः अमेरिकी डलर मूल्य बराबर दुगु थुगु किट नीद्धः मनू तयेत स्वास्थ्य परीक्षण याये फइगु धका धाःगु दु ।
चीनं कोरोना जाँचे यायेगु किट बिल
लहनान्युज | चौलाथ्व पारु ११४०
चीनया बिइजिङ मल्टिपल ट्रेड एण्ड कमर्स ब्युरों कोरोना भाइरस परीक्षणया लागि माःगु किट नेपाल सरकारयात उपलब्ध याउगु दु ।
ब्युरों कोरोना भाइरसविरुद्ध ल्वायेगु लागि बेइजिङस्थित नेपाली दूतावासमार्फत बुधवाः नीद्धः किट हस्तान्तरण याउगु दु ।
व्युरो येँ ज्यायेगु लागि इन्टरनेसनं इन्भेस्टमेन्ट एण्ड कोअपरेसन कन्सल्टिङ सर्भिस कम्पनी प्राइभेट लिमिटेडं किट अभावं कोरोना पर्याप्त परीक्षण याये मफया च्वंगु ध्यान बिया उगु किट उपलब्ध याःगु खः ।
सरकारया उपहारस्वरूप उपलब्ध याःगु उगु किट ३० द्धः अमेरिकी डलर मूल्य बराबर दुगु थुगु किट नीद्धः मनू तयेत स्वास्थ्य परीक्षण याये फइगु धका धाःगु दु ।
टेलिकमं रिचार्ज बराबर बोनस ब्यालेन्स बिइगु
लहनान्युज | चौलाथ्व पारु ११४०
नेपाल टेलिकमं थः ग्राहकया रिचाज बराबर शत प्रतिशत बोनस बिइगु निर्णय याउगु दु ।
सरकारं कोरोनाया सक्रमन जुया च्वंगु इलय् थः ग्राहकपिन्स रिचार्ज न्यायेत समस्या जुल धका टेलिकम थज्यागु निर्णय काःगु खः ।
थ्व व्यवस्था बुधवाः चान्ह्य १२ बजे निसे रिचार्ज याये वलय् लागु जुइ धका धाःगु दु ।
थौं कन्ह्य मनू तयेत छेँय् न पिहा वयेगु अवस्था जुगुलि रिचार्ज रकम बराबर हे बोनस बिइत मोबाइल सेवा प्रदायकयात मंगलवाः नेपाल दूरसञ्चार प्राधिकरणं निर्देशन बिउगु खः ।
टेकिलमं थःगु नेटवर्क दुने छ्यले फइगु कथं रिचार्ज बराबर हे बोनस ब्यालेन्स ध्यवा उपलब्ध यायेगु निर्णय जुगु धका टेलिकमया प्रवन्ध निर्देशक डिल्लीराम अधिकारीं धयादिगु दु ।
अथेहे वय्कलं बोनसबापतया ध्यवा डाटा चले यायेत व एसएमएस यायेत छ्यले फइ धका न धयादिगु खः ।
नेपाल टेलिकमया बाहेक मेगु नेटवर्कय् फोन यात धाःसा मुख्य ब्यालेन्सपाखे शुल्क काटे याइ ।
कोरोना संक्रमित मनू कतार वम्ह खः
लहनान्युज | चौलाथ्व पारु ११४०
कोरोना भाइरस (कोभिड १९) पाखे संक्रमित जुम्ह मनू वःगु चैत ६ गते कतारं नेपालय् लिहा वःगु खः ।
स्वास्थ्यमन्त्री भानुभक्त ढकालं थौं बुधवाः पत्रकार सम्मेलन याना उगु खँया जानकारी बियादिगु खः ।
उम्ह संक्रमित मनू धादिङय् च्वम्ह ३२ दँया मिजं धका जानकारी बियादिगु खः ।
स्वास्थ्यमन्त्री ढकालया अनुसार येँ वया छगु होटलय् च्वंगु खः ।
स्वास्थ्य असहज जुइवः म्हिगः मंगलवाः टेकुस्थित शुक्रराज ट्रपिकल तथा सरुवा रोग अस्पतालय् वःगु खः ।
महानगरं अत्यावश्यक सेवा सञ्चालन याना च्वंगु दु
लहनान्युज | चौलाथ्व पारु ११४०
येँ महानगरपालिकां लकडाउन इलय् अत्यावश्यक सेवायात निरन्तर याना वयाच्वंगु दु ।
थुकिया लागि दक्ष जनशक्ति सहित १०२ एम्बुलेन्स सेवा तयारी अवस्थाय् तया तःगु दु सा ११८० हटलाइनमार्फत नागरिकया न्ह्यसः या लिसः बिया समस्या समाधानया ग्वाहालि याना वयाच्वंगु दु ।
येँ महानगरं सार्वजनिक थाय् थासय् कीटनाशक वासः ल्ह्वला च्वंगु दु सा सतक सीलेगु ज्या न याना वयाच्वंगु दु ।
थौंकन्ह्य हलियकं महामारी जुया च्वंगु कोभिड–१९ (कोरोना भाइरस) या संक्रमण नेपालय् कम यायेत नेपाल सरकारं म्हिगः निसे छवाःया लागि ‘लकडाउन’ याःगु खः ।
येँ महानगरपालिकां थौंनिसे लः ट््याङ्की ब्रुरुमरं लँ सुचुपिचुया ज्या न्ह्याकुगु दु धका येँ महानगरपालिकाया मेयर बिद्यासुन्दर शाक्यं जानकारी बियादिगु दु ।
मेयर शाक्यं ‘लकडाउन’य् झ्वलय् महानगर दुने सतक सफा जुइ वलय् कोरोना भाइरसया संक्रमण छु भचा म्हो जुइ फइगुलि थौंनिसे ज्या न्ह्याकुगु दु धका न धयादिगु खः ।
प्रमुख शाक्यं न्हिया न्हिथं वइगु फोहर छेँय् हे व्यवस्थापन याना महानगरयात ग्वाहालि यायेत इनाप यानादिसे मजि मगाउ फोहोर ‘लकडाउन’या इलय् नियमित उठे यायेगु कुतः जुयाच्वगु दु धका न धयादिगु दु ।
‘लकडाउनया इलय् छु न नगरवासीयात समस्या वःसा ग्वाहालियायेत लागि जनप्रतिनिधिपिन्त तपिकं सम्पर्क गर्नमहानगरया प्रमुख, उपप्रमुख, प्रमुख प्रशासकीय अधिकृत नाप दक्को ज
नप्रतिनिधिपिनिगु फोन नम्बर सार्वजनिक याये धुकुगु दु ।
सुयात न छु समस्या जुल धाःसा फोनय् सम्पर्क यायेत न येँ मनापाया प्रमुख शाक्य इनाप याःगु दु, ‘येँ महानगरपालिकां कोरोना संक्रमणया आशंका जुल धाःसा तत्काल अस्पतालतक यंकगिु व्यवस्थाया लागि महानगरपालिकाया ग्वाहालि सञ्चालित एम्बुलेन्स सेवा (१०२) जनशक्ति व सामग्री सहित तयारी अवस्था दु धका न धयादिगु खः ।
महानगरं २४ सै घण्टा परामर्श बिइत टोल फ्रि नम्बर ११८० सहित सिधा सम्पर्क यायेत नम्बर ९८४९८६०५४७, ९८४९८५६६७१, ९८४९८५६६७२ सञ्चालन यानातःगु दु ।
