Display Style:
Column Style
चैत ९ निसे १८ गते तक हवाई उडान स्थगित
लहनान्युज | चिल्लागा एकादशी ११४०
सरकारं थ्व हे वइगु चैत ९ निसे १८ गत तके दक्को हे हवाई उडान व ताःहाक चले जुइगु बसया ब्यवस्गा स्थगित याइगु दुु ।
थौं शुक्रवाः देशबासीया नामय् संबोधन यानादिसे प्रधानमन्त्री केपी शर्मा ओलीं चैत ९ निसे १८ गते तक हवाई उडान व ताहाकः चले जुइगु बसया चले मयाइगु जुगु दु ।
अथेहे, सरकारं दक्कोे सीमाया नाकाय् वइपिनिगु मनू तयेत अनिवार्य स्वास्थ्य जाँचया व्यवस्था यायेगु प्रधानमन्त्री ओलीं जानकारी बियादिगु खः ।
येँ महानगरपालिकाया मेयर बिद्यासुन्दर शाक्यया इनाप
नृपेन्द्रलाल श्रेष्ठ | चिल्लागा एकादशी ११४०
वंगु छुं ई न्ह्यवंनिसें विश्वन्यंकं महामारी जुयाः न्यना वनाच्वंगु कोभिड–१९ (कोरोना भाइरस) या ग्याःचिकुं देय् छगुलिं भयभीत जुयाच्वंगु दु । संघीय राजधानी समेत दुगु येँ महानगरपालिका थ्व ग्याःचिकुपाखें बिस्कं लाइगु खँ हे मन्त । थन महानगरया थः हे स्ववासीलिसें देय्न्यंकंया नागरिकत नं थीथी पेशा व्यवसाय यानाः च्वनाच्वंगु दु ।
विदेशी नागरिकत वये–वने जुइगु मू केन्द्र समेत जूगु कारणं विश्वव्यापी महामारीया रूपय् न्यना वनाच्वंगु कोभिड–१९ (कोरोना भाइरस) या संक्रमण थन याकनं न्यना वने फइगु खतरायात ध्यानय् तयाः झी सकलें सजग जुइमाःगु अतिकं आवश्यक खनेदु ।
उकिं संक्रमण खने दये न्ह्यः हे झी सकलें नागरिकत सजग जुल धाःसा यक्व हद तक थुकियात न्यूनीकरण याये फइगु सम्भावना नं दइ । थ्व संक्रमण अप्वः भीडभाड जुइगु थासय् याकनं न्यना वनीगु जूगुलिं संघीय सरकारं पित बिउगु सूचंया लिधंसाय् फयांफछि अप्वः सचेत जुइत सकल नगरवासीयात दुनुगलंनिसें इनाप यानाच्वना ।
येँ महानगरपालिका देय्या छगू महत्वपूर्ण सांस्कृतिक नगर जूगु कारणं थनया मौलिक परम्परा, संस्कृति व सम्पदा ल्यंकेगु नं उतिकं तःंधंगु दायित्व दु । थीथी इलय् न्यायेकीगु थनया विशिष्ट जात्रापर्वया लिसें मूर्त अमूर्त सम्पदाया संरक्षण व सम्बद्र्धन यायेगु तःधंगु दायित्व नं झीगु ब्वहलय् दु । थौंकन्हय् न्ह्यःने वयाच्वंगु पाहाँचः¥हे, घोडेजात्रा, जनबहाःद्यः सालीगु थेंज्याःगु मौलिक जात्रापर्वत आपालं जनसहभागिता दथुइ तःजिक न्यायेकेगु झीगु परम्परा खः ।
तर आःया विषम परिस्थितिइ थथे आपालं मनूतय् दथुइ भीडभाड यानाः जात्रापर्व न्यायेकेगु अवस्था झीथाय् मदयाच्वंगुलिं थःगु मौलिक कला, संस्कृति व परम्पराया विधियात यथावत तसें थुगुसी छकः भीडभाड यानाः अज्याःगु जात्रापर्व मन्यायेकेत नं सकल संस्कृतिह्यमिपिंत दुनुगलंनिसें इनाप यानाच्वना ।
उलि जक मखु, थन थीथी धर्म, संस्कृति माने याइपिं समुदाय नं उलि हे दु । देगः, गुम्बा, चैत्य, मस्जिद, चर्च थेंज्याःगु धार्मिकस्थलय् थःगु परम्परा कथं मुनेगु व पुजाआजा यायेगु नं झीगु पुलांगु हे चलन खः । तर धार्मिकस्थलय् अथे भीडभाड जुइबलय् नं ल्वय् न्यना वनीगु सम्भावनायात ध्यानय् तसें धार्मिकस्थलय् भीडभाड यानामदीत नं दुनुगलंनिसें इनाप यानाच्वना ।
लिसें, सार्वजनिक भ्वय्, पुजाआजा थेंज्याःगु संस्कारजन्य ज्याझ्वःत नं यक्व मनू सःताः मयायेत व अज्याःगु ज्याझ्वलय् ब्वति मकायेत नं इनाप यानाच्वना ।
येँ महानगरपालिकां कोरोना भाइरस पनेया लागिं सूचनामूलक सन्देश डिजिटल बोर्ड, पर्चा, पम्प्लेट नेपाली व नेपालभाषा निगुलिं भासं प्रकाशन यानाः महानगरन्यंकं जनचेतनामूलक अभियान न्ह्याकाच्वंगु दु । उकिं थुज्वःगु सकारात्मक सूचं त्वाःत्वालय् चुक–चुकय् थ्यंकाः ग्वाहालि यानादीत सकसितं इनाप यानाच्वना ।
येँ महानगर दुनेया फुक्कं वडाय् दुगु विपद् व्यवस्थापन समितियात समेत महानगरपालिकां सक्रिय यानाच्वंगु जूगुलिं अज्याःगु समितिलिसे नं आवश्यक समन्वय यानाः न्ह्याः वनेत अपिल यानाच्वना । थः जःखः सुयातं कोरोना संक्रमणया शंका जूसा येँ महानगरपालिकाया ग्वाहालिइ सञ्चालित एम्बुलेन्स सेवा (१०२) व महानगरया टोल फ्रि नम्बर ११८० स खबर व सुचं बियादीत नं सकसितं इनाप यानाच्वना ।
बिद्या सुन्दर शाक्य
प्रमुख
तिथिः चिल्लागा ११, ने.सं. ११४०
मितिः २०७६÷१२÷७
जनबहाःद्यःया रथयात्रा स्थगित
लहनान्युज | चिल्लाथ्व एकादशी ११४०
सेतो मछिन्द्रनाथ रथ यात्रा व्यवस्थापन समिति थौं शुक्रवाः सुथय् च्वंगु मुँज्यां जन बहाःद्यःया रथयात्रा स्थगित यायेगु निर्णय याःगु दु ।
रथयात्रा स्थगित जूगु खँ न्ह्यथनाः समितिं छगू प्रेस वक्तव्य नं पितब्यूगु दु ।
थौंकन्ह्य हलियकं महामारीया रुप कयाच्वंगु कोरोना भाइरस पूर्व नियन्त्रणया झ्वलय् थुगुसी जनबहाःद्यःया रथयात्रा स्थगित यायेमाःगु खँ व्यवस्थापन समिति थौं पितब्यूगु प्रेस वक्तव्यय् न्ह्यथनातःगु दु ।
जात्रा थ्व हे वइगु चैत १९ गतेनिसें न्ह्याइगु येँया दकलय् तःधंगु जात्रा जनबहाःद्यःया रथयात्रा स्थगित जूसां द्यःयात यायेमाःगु विधि धाःसा पूवंकीगु निर्णय नं मुँज्यां याःगु दु ।
गुथि संस्थानया नायः मीनराज चौधरी, गुठी संस्थान काठमाडौं जिल्लाया अध्यक्ष हरिप्रसाद सुवेदी लिसें सेतो मछिन्द्रनाथ रथयात्रा व्यवस्थापन समितिया दुजःपिं, थीथी संघसंस्थाया प्रतिनिधिपिनि उगु मुँज्याय् उपस्थिति दुगु खः ।
कोरोना नियन्त्रणका लागि येँ मनपां १० करोडया आकस्मिक कोष स्थापना
नृपेन्द्रलाल श्रेष्ठ | चिल्लाथ्व दशमी ११४०
येँ महानगरपालिकां कोरना भाइरस संक्रमण, रोकथाम तथा नियन्त्रणया लागि १० करोडया आकस्मिक कोष स्थापना यायेगु निर्णय याःगु दु । थौं च्वंगु विशेष कार्यपालिका बैठकं थःथे निर्णय याउगु खः ।
बैठक लिपा याउगु पत्रकार सम्मेलनय् न्ववानादिसे येँ महानगरपालिकाया प्रमुख विद्यासुन्दर शाक्यं १० करोडया आकस्मिक कोष स्थापना यायेगु जानकारी बियादिगु खः । उगु कोषपाखे भाइरस रोकथाम तथा नियन्त्रणया लागि तत्कालयात चिधःगु बिचयाःगु व तधःगु वडाया लागि २ लाख,.३ लाख व ४ लाखया दरं निकाशा बिइगु निर्णय याउगु दु ।
‘कोरना भाइरस रोकथाम तथा नियन्त्रण नाप डेंगु रोग नियन्त्रणया लागि नेपाली तथा नेपाल भाषां पर्चा, पम्पेल्ट, व्यानरपाखे प्रचार सामाग्रीहरु निर्माण एवं वितरण यायेगु निर्णय याउगु खः ।,’ प्रमुख शाक्यं, ‘येँ महानगरपालिका अन्तर्गतया थीथी थासय् स्वास्थ्य जनशक्ति, स्वास्थ्य सामाग्री, प्रचार सामाग्री सहितया हेल्प डेक्सया स्थापना तथा संचालन यायेगु धका धयादिसे महागरपालिका स्थित देगः, सतः, मस्जिद, गुम्वा थेजाःगु धार्मिक, सामाजिक सम्पदाय् हुलमुल मयायेत सर्व साधारणयात इनाप यायेगु निर्णय न उगु वैठकं याःगु दु ।’
मेयर शाक्यं पत्रकार सम्मेलनय् न्ववानादिसे कोरना भाइरस रोकथाम तथा नियन्त्रण सम्वन्धि ज्या प्रभावकारी ढंग न्ह्याकेत येँ महानगरपालिका जनस्वास्थ्य महाशाखा अन्तर्गत फोकल प्वाइन्टया रुपय् २४ सै घण्टा हेल्फ डेक्स सञ्चालन यायेगु न जानकारी बियादिगु खः ।
थीथी सञ्चारमाध्ययम तथा सामाजिक सन्जालपाखे कोरना भाइरस रोकथाम तथा नियन्त्रणया लागि जनचेतना मुलक सन्देश लगातार सम्प्रेषण यायेगु व याकेगु कोरना भाइरस रोकथाम तथा नियन्त्रण ज्या समन्वयात्मक एवं प्रभावकारी ढंग न्ह्याकेत येँ महानगरपालिका अन्तर्गत दुगु नगर तथा वडा स्तरीय विपद् व्यवस्थापन समितियात क्रियाशिल दयेकेगु निर्णय न उगु बैठकं याउगु दु ।
‘कोरना भाइरस रोकथाम तथा नियन्त्रण ज्यायात माःगु ग्वाहालिया निति येँ महानगरपालिया सहकार्यय् संचालित नेपाल एम्बुलेन्स सेवा (१०२) यात उच्च सतर्कताय् तया परिचालन यायेगु निर्णय न जुगु दु ।
अथेहे, येँं महानगरपालिका दुने गन न सभा, सम्मेलन, समारोह यायेत निरुत्साहित यायेगु व थज्याःगु ज्यायात महानगरपालिकां ग्वाहालि मयायेगु निर्णय न याउगु दु । ‘कामपाखे
सञ्चालिन हेल्पडेक्स तथा सार्वजनिक थासय् निशुल्क मास्क व सेनिटाइजर वितरण यायेगु निर्णय न याउगु दु ।
लगमय् सुविधा सम्पन्न पार्कया शिलान्यास
लहनान्युज | चिल्लाथ्व दशमी ११४०
येँ महानगरपालिकां वडा नम्बर–२१ य् लगं त्वाललय् सतः, पार्क, संग्राहलय, स्कल्पचर, पुखू नाप सुविधा सम्पन्न पार्क दयेकिइगु जुगु दु । खाली जग्गाय् हरियाली प्रवद्र्धन यायेगु व पार्क निर्माण यायेगु योजना कथै येँ महानगरपालिकां उगु थासय् पार्क दयेकेगु ज्या न्ह्याके त्यःगु खः ।
करीब प्यंगु रोपनी क्षेत्रफल दुगु उगु थासय् लंग पार्क निर्माण यायेगु लागि थौं येँ महानगरपालिकाया मेयर विद्यासुन्दर शाक्यं शिलान्यास यानादिगु दु ।
२०७२ बैशाख १२ या भुखाय् ब्बयेगु न्ह्यः नेपाली सेनां सिलखाना (हतियार भण्डारण यायेगु) या रुपय् छ्यला वयाच्वंगु खः ।
उगु थाय् भग्नावशेषया जुुया वनाच्वंगु जुगुलि पार्क दयेकेगु ज्या न्ह्यने यंकुगु खः । येँ मनपाया प्रमुख शाक्यं ‘छगु इलय् ऐतिहासिक प्रशासनिक इकाइया रुपय् लगं चुकय् थज्याःगु ऐतिहासिक पार्क निर्माणया लागि थौं शिलान्यास याये खःगुलि थःत तसक लयुतागु दु धका धयादिगु खः ।’
प्रमुख शाक्यं, ‘थपिन्स ३२ गु हे वडाय् खाली जग्गाया संरक्षण यायेत पार्क निर्माणया अभियान न्ह्याकुगु दु धका धयादिसे लगमय् न पार्क शिलान्यास जुगु धका धयादिगु खः । दँछि तक स्थानीय व सरोकारवालपिं नाप सहलह याना ज्या न्ह्यने यकगु धका धयादिगु खः ।’
येँ महानगरपालिका सहरी योजना आयोगया उपाध्यक्ष सरोज बस्नेतं अष्टमंगल व पञ्चतत्वयात ध्यानय् तया पार्कया डिजाइन तयार यानागु दु धका धयादिगु खः । थुगु पार्क अपाङ्गमैत्री सौचालयया तक व्यवस्था दु धका धयादिगु खः ।
नाप वडाध्यक्ष उदयचुडामणि बज्राचार्यं हुलमुल यक्को जुया च्वनेगु जुगुलि थुगु पार्क निर्माण जुइ वलय् स्थानीयं खुला वातावरणय् ताजागुु फय् काये फइगु बिचाः तयादिगु खः ।
कंडेल÷के.एण्ड केजी÷रमिता जे.भीें निर्माण यायेगु जिम्मा काउगु थुगु पार्क २०७७ साल माघ मसान्त तक ज्या क्वचाइ । थुगु कम्पनीया अशोक भक्त श्रेष्ठया कथं पार्क निर्माणया कार्यादेश रकम भ्याट बाहेक ३ करोड ५७ लाख १९ द्धः लागतं दयेके त्यःगु खः ।
