Display Style:
Column Style
क्षमता विकास तालिम क्वचाल
लहनान्युज | चौलागा पारु ११३९ (अप्रिल २० २०१९)
नेवाः ग्वहालि पुचः न्ह्योखा त्वाःया ग्वसालय् क्षमता विकास यायेगु तातुना येँ छगु वाः उद्घोषण व न्वचु कला तालिम जुगु दु ।
वःगु चैत्र २३ निसे २७ गते तक येँया न्ह्योखा त्वालय् जुगु खः ।
उगु तालिम समापन ज्याझ्वलय् थःगु नुँगः खँ तयेगु झ्वलय् नेवाः न्ह्यलुवा डा. महेशमान श्रेष्ठं मनू तयेगु क्षमता न्ह्य ब्बयेत स्पष्ट व सिलसिला मिले याना न्व वायेगु तसक आवश्यक जुगु धयादीसे नेपाली समाजय् मिसापिन्सं न्ववायेगु कमजोरं अवसर पाखें यक्को बञ्चित जुयाच्वंगु बिचाः तयादील ।
पुचःया अध्यक्ष विमला मानन्धरया संयोजनत्वय् जुगु उगु तालिम ज्याझ्वःयात सञ्चारकःमि केके मानन्धर प्रशिक्षण बियादीगु खः ।
उगु तालिमय् चिकित्सक, समाजसेवी, व्यवसायी, स्कूल व कलेजया विद्यार्थी ब्बति कयादीगु खः ।
बुंगाःचा मुना सफू पितब्वज्या
नृपेन्द्रलाल श्रेष्ठ | चौलागा पारु ११३९ (अप्रिल २० २०१९)
देगः म्हिचा सफूया ग्वसालय् साहित्यकार धर्मराज राजकर्णिकारया च्वसाय् बुंगाःचा हाइकु छगु ज्याझ्वः दथइ सफू पितब्वज्या पितब्बज्या जूगु दु ।
उगु ज्याझ्वलय् मूपाहाँ शताब्दी पुरूष सत्यमोहन जोशी, नेपाल ललितकला प्रज्ञा प्रतिष्ठानया कुलपति वरिष्ठ कलाकार के के कर्माचार्य, समालोचक इन्द्र माली व देगः म्हिचा सफूया नायः भरत साय्मिं मंकाः कथं पितब्बज्या यानादीगु खः ।
उगु ज्याझ्वलय् मूपाहाँ शताब्दी पुरूष जोशी, समालोचक इन्द्र माली व प्रा. नर्मदेश्वर प्रधान पिन्स थःथगु नुँगः खँ तायदीगु खः ।
भरत सायमिया सभाधक्ष्यताय् जुगु उगु ज्याझुवलय् रत्न शोभा महर्जन व सुमन कपालीपिसं हाइकु म्ये हालादीगु खः। रिता महर्जनं न्ह्याकादीगु थुगु ज्याझ्वलय सफूया च्वमि धर्मराज राजकर्णिकार सुभाय् देछानादीगु खः ।
किपाः नातिकाजि महर्जन
सम्पदा पदयात्रां स्वायेगु गुरुयोजनाया बिमोचन
नृपेन्द्रलाल श्रेष्ठ | चौलाथ्व चर्तुदशी ११३९ (अप्रिल १८ २०१९)
२२ सय मिटरया दुने निगू विश्व सम्पदा क्षेत्र स्वयम्भू व हनुमानध्वाखा दरबार क्षेत्रयात सम्पदा पदयात्रां स्वायेगु गुरुयोजना थौं छगू ज्याझ्वःया दथुइ येँ महानगरपालिकाया मेयर बिद्यासुन्द शाक्यं स्वयम्भू भुइख्यःनिसें हनुमानध्वाखा दरबार क्षेत्रतक ¥यालीया उलेज्या यानादीगु दु ।
हनुमानध्वाखाय् जुगु ज्याझ्वलय् येँ महानगरपालिकाया मेयर बिद्यासुन्द शाक्य, प्रतिनिधि सभाया सांसद कृष्णगोपाल श्रेष्ठ, ३ न. प्रदेश सभाया सांसदपिं राजेश शाक्य, डा.अजयक्रान्ति शाक्यं सम्पदा पदयात्रां स्वायेगु गुरुयोजनाया बिमोचन यानादीगुु दु ।
पत्रकार महासंघं आन्दोलनया घोषणा
लहनान्युज | चौलाथ्व त्रयोदशी ११३९ (अप्रिल १७ २०१९)
पत्रकारयात ज्वना विद्यतुीय कारोबार ऐन लगेय याःगु विरोधय् नेपाल पत्रकार महासंघं आन्दोलनया घोषणा याःगु दु ।
ऐनया दफा ४७ व ४८ अन्तर्गत पत्रकारयात पटक पटक ज्वंगुनि महासंघं थुगु दफा हे खारेज यायेमा नाप अर्जुन गिरी लगायतया पत्रकारयात रिहा यायेगु माग यासे महासंघं आन्दोलनया घोषणा याःगु खः ।
महासंघं कन्ह्य ५ गते सुथय ९ः३० निसे १०ः३० बजे तक जिल्ला शाखा मार्फत जिल्लाय् १ घण्टा धर्ना च्वनेगु व महासंघ केन्द्रीय समितिं गृह व सञ्चार मन्त्रालय मार्फत विरोधपत्र बुझे यायेगु ज्याझ्वः क्वछिगु दु ।
बरिष्ठपत्रकार पुष्करलाल श्रेष्ठ थौ मन्त
लहनान्युज | चौलाथ्व त्रयोदशी ११३९ (अप्रिल १७ २०१९)
बरिष्ठपत्रकार पुष्करलाल श्रेष्ठ थौ मन्त । नेपाल समाचारपत्र दैनिकया प्रधानसम्पादक श्रेष्ठ ६० दँय् थौं सुथया ११ः३९ इलय् मदुगु खः ।
छु दिं न्ह्यः मृगौलाय् पत्थरीया शल्याक्रिया यायेगु झ्वलय् श्रेष्ठया स्वास्थ्यय् समस्या वया वास यायेगु झ्वलय् नर्भिक अस्पताल भर्ना जुयादीगु खः ।
पत्रकार श्रेष्ठंया पार्थिव शरीरयात श्रद्धाञ्जलिया लागि भूगोलपार्कय् तया थौं हे पशुपति आर्यघाटय् अन्तिम संस्कार यायेत्यःगु धका धाःगु दु ।
श्रेष्ठ फिल्मी पत्रिका कामनापाखे पत्रिका प्रकाशनयाना नेपाल समाचार पत्र दैनिकया न प्रकाशन यानादीगु खः । चर्चित पत्रिका साधना मासिकया प्रकाशक व प्रधानसम्पादक न जुयादीगु खः ।
