Display Style:
Column Style
मन्त्रिपरिषद बैठक क्वचाल, न्हुम्ह आईजीपी नियुक्ति मफुत
लहनान्युज | सिल्लागा पारु ११४०(फ्रेअवरी १० २०२०)
थौं सोमवाः न्हिनय् च्वंगु मन्त्रिपरिषद बैठकं नेपाल प्रहरीया महानिरीक्षक नियुक्त याये मफुत ।
हालयाम्ह आईजीपी सर्वेन्द्र खनाल नाप स्वम्ह एआईजी व व ह ब्याचया डीआईजीपि सेवाहदया कारणं मंगलवानिसे अवकाश जुइत्यःगु खः ।
आ मेगु मन्त्रिपरिषद बैठक जक हे आईजीपी सुयात दयेकेगु क्वछिइगु जुगु दु ।
आयाम्ह आईजीपी खनालया ब्याचया वैकल्पिक टोलीइ प्रहरी नायब महानिरीक्षक (डीआईजी) ठाकुर ज्ञवाली व तारिणीप्रसाद लम्साल प्रहरीया नेतृत्वय् न्ह्यने लानाच्वंगु दु । इमिगु न न्यालाया जक प्रहरीया नेतृत्व याःगु ई दु ।
यदी सरकारं ३० दँया सेवाहद हटे याःसा हालयाम्ह आईजीपी खनालया ब्याचय् कार्यकाल थपे जुल धाःसा डीआईजी केदार रिजाल उत्तराधिकारी जुइ ।
राणा विरोधी योद्धा मन्त
नृपेन्द्रलाल श्रेष्ठ | सिल्लागा पारु ११४० (फ्रेअवरी १० २०२०)
राणाशासन विरोधी आन्दोलनया योद्धा नाप समाजसेवी सिद्धिबहादुर खड्गी मन्त । ९३ दँ दुम्ह खड्गी थौं चान्ह्य ११ ः ०५ ताः इलय् बल्खुया वयोधा अस्पतालय् निमोनिया वासः याकेगु झ्वलय् मदुगु खः ।
मदुम्ह १९ दिं निसे वासः याक वयाच्वःगु खः । मदुम्ह खड्गी थौं सोमवाः शंखमुलया घाटय् नेवाः परम्परा कथं दाहसस्कार याःगु खः । खड्गीया स्वम्ह काय् व न्याम्ह म्हाय् दु ।
खड्गी १९९७ सालनिसे राणाशासन विरोधी आन्दोनलय् सक्रिय जुयादिम्ह खः। २००७ सालया प्रजातन्त्र पुनःस्थापना निसे २०४६ साल तक राजनीति खइड्गीं महत्वपूर्ण थाय् दु ।
मदुम्ह खड्गी वि सं २०११ जेठ १५ निसे तत्कालीन राजा त्रिभुवनं गठन याःगु सल्लाहकार सभाया सदस्य न जुयादिगु खः ।
न्यादँ न्ह्य मदुम्ह खड्गीयात नेवाः परम्परा कथं स्वक्वःगु ज्याजंकुया झ्वलय् यलय् सार्वजनिक अभिनन्दन याःगु खः ।
उगु ज्याझ्वलय् हेमाङ्गराज गिरीं च्वयादिगु खड्गीया जीवनी व व्यक्तित्व दुथ्याःगु ‘संघर्षशील सिद्धिबहादुर खड्गी’ नां या सफू पिथःगु खः । खड्गी व्यक्तित्वया आधारित वृतचित्र न दयकुगु खः ।
समाजवादी पार्टी येँ जिल्लाया अभियन्ता भेला
लहनान्युज | सिल्लागा पारु ११४०(फ्रेअवरी १० २०२०)
समाजवादी पार्टी येँ जिल्लां अभियन्ता भेला ज्याझ्वः याःगु दु । वंगु २५ गते जूगु ज्याझ्वलय् सम्पदा संरक्षणलिसें थीथी अभियानय् जानाच्वंपिं अभियन्तापिं मुंगु खः ।
ज्याझ्वलय् समाजवादी पार्टी महानगर समितिया नायः श्रीजन श्रेष्ठं हिति संरक्षण आव्हान यासें जूगु हिति ¥याली ज्याझ्वलय् समितिपाखें पार्टीया झन्डालिसें ब्वति कयागु धयादिल ।
अथे हे, अभियन्ता राजाराम तण्डुकारं थःपिं न्हापांनिसें सम्पदा, संस्कृतिया संरक्षणया नितिं सक्रिय जुयावयागु व समाजवादी पार्टीलिसे थःपिनिगु आज्जु नं ज्वःलाःगुलिं पार्टीपाखें हे न्ह्याःवनागु धयादिल । व हे कथं पत्रकार बिराजकाजी राजोपाध्यायं थः छुं नं पार्टीया विरोधी वा समर्थक मखूगु धासें सूचनायात सहि ढङ्गं सम्प्रेषण यानावयागु धयादिल ।
ज्याझ्वःयात नेवाः न्ह्यलुवापिं डा. महेशमान श्रेष्ठ, पवित्र बज्राचार्य व डा. पुष्पराज राजकर्णिकारं सम्वोधन यानादीगु खः ।
ख्वपय् स्वम्ह स्रष्टा सम्मानित
लहनान्युज | सिल्लाथ्व पुन्हि ११४० (फ्रेअवरी ९ २०२०)
भक्तपुर साहित्यिक समाजं छगु ज्याझ्वः दथुइ थःगु २१ क्वःगु स्थापना दिवसया लसताय् स्वम्ह स्रष्टायात नाप निम्हेसित प्रतिभा पुरस्कारपाख हने ज्या याउगु दु ।
स्रष्टायात हने ज्यानेगु झ्वलय् म्येहालामि रत्न बेहोसी, महाकवि चन्द्र प्रसाद न्यौपाने व सांस्कृतिक च्वमि विनोद राज शर्मायात हःगु खः ।
अथेतु, निम्हेसित डा.जुनु बासुकला रञ्जितकार व साहित्यकार अनिश शाक्ययात न प्रतिभा पुरस्कारपाखे हने ज्या याउगु खः ।
उगु ज्याभझ्वःया मूपाहाँ वरिष्ठ संस्कृतिविद् नाप साहित्यकार तेजेश्वर बाबु ग्वंगः नं हने ज्या यानादिगु खः ।
ज्याझ्वलय् प्रतिभा पुरस्कृत जुयादिपिन्स निम्हसित न्याद्धः, न्यासः व न्यय् न्यातक नगद लःल्हाःगु खः
राष्ट्रपति भण्डारीपाखे सम्पदा पुनर्निर्माणया अवलोकन भ्रमण
लहनान्युज | सिल्लाथ्व चतुर्दशी ११४० (फ्रेवअरी ८ २०२०)
२०७२ या तःभुखाय् या लिपा पुननिर्माण जुया च्वंगु सम्पदा क्षेत्रया अवलोकन यायेगु निति थौं राष्ट्रपति विद्यादेवी भण्डारीपाखे थीथी थासय् वया अवलोकन भ्रमण याउगु दु ।
थौं सुथय् येँ महानगरपालिका, पुननिर्माण प्राधिकरण नाप थुगु ज्या नाप सम्बन्धित कार्यालयया प्रमुखपि लिसे राष्ट्रपति भण्डारीं लानिपुखु, लुँहितिया धरहरा, बसन्तपुरय् काष्ठमण्डप व नौतले दरबारया अवलोकन यानादिगु दु । अथेहे, नकतिनि पुनर्निर्माण क्वचाःगु दरबार हाइ स्कुलया न अवलोकन यानादिगु खः ।
२०७२ या तःभुखाचं क्षति ग्रस्त जुगु सम्पदाया पुनर्निर्माण याउगु अवस्था अवलोकन लिसे प्रगतिया प्रत्यक्ष जानकारी कयादिगु खः ।
सम्पदा क्षेत्रया अवलोकनया झ्वलय् येँ महानगरया प्रमुख बिद्यासुन्दर शाक्य, उपप्रमुख हरिप्रभा खड्गी श्रेष्ठ, पुननिर्माण प्राधिकरणया प्रमुख कार्यकारी शुशिल ज्ञवाली, काष्ठमण्डप
पुननिर्माण समितिया संयोजक एवं बागमती प्रदेशसभाया सांसद राजेश शाक्यं आतक पुननिर्माणया बारे प्रगति बिबरणया जानकारी बियादिगु खः।
