Display Style:
Column Style
न्हुदँ समारोह समितिं रक्षामन्त्रीयात हन
लहनान्युज | गुंलाथ्व द्धादशी ११३७ (अगष्ट ४ २०१७)
नेपाल संवत राष्ट्रिय न्हुदँ समारोह समिति ११३७ या नायः भीमसेनदास प्रधानयात रक्षा मन्त्री जुगु लि छगु ज्याझ्वः दथुइ थौं हने ज्याझ्वः जुगु दु ।
समारोह समितिया पुलाम्ह नायः लक्ष्मीदास मानन्धरयां उगु ज्याझ्वलय् रक्षामन्त्री प्रधानयात ख्येँ संगः बिया ब्यतालिं चिका दिगु खः ।
रक्षामन्त्री प्रधानं थःत हना ज्या यागु लि सुभाय् बिया दिसें थः न्हुदं समारोह समिीतया नायः नं जुगु नि नेपाल संवतयात गुकथ ब्यवहारय् छ्यले फइ मन्त्रीपरिषद् न खँ तयेगु जुइ धका बचनं बिया दिल ।
समारोह समितिया दुजः शैलश शाक्यं ‘बरेजु’ न्ह्याकादिगु उगु ज्याझ्वलय् पुलापि नायःपि डा.त्रिरत्न मानन्धर, डा.चुन्दा बज्राचार्य, तिर्थराम डंगोल या न उपस्थिति दुगु खः ।
डा.केसीया समर्थनय् रिले अनसन
नृपेन्द्रलाल श्रेष्ठ | गुंलाथ्व एकादशी११३७ (अगष्ट ३ २०१७)
डा.गोविन्द केसीं चिकित्सा शिक्षा ऐन संसदं तत्काल पारित यायेमागु लगायत माग यासे अनसन च्वना च्वंगु थौं झिंछन्हु दये धुकुगु दु ।
डा. केसीया समर्थनय् येँया माईतिघरय् रिले अनसन सुरु यागु दु । केसी जायज माग जनताया जुगु धयादिसे बिकेकशील पार्टी समर्थीत युवापिंन्स माईतिघरय् रिले अनसन सुरु यागु खः ।सरकारं डा. केसीया माग पूरा यायेत प्रतिवद्ध दुसा तबिं वार्ताय् वय्कलं ल्ह्वःगु माग पूरा यायेत तयारी मजुगुलिं केसी पक्षया वार्ता पुचः सदस्यं धयादिगु खः ।
सरकारं स्वास्थ्यया ख्याल यासे अनसन त्वाःथुलेत ईनाप यागु जुसानं डा.केसीं चिकित्सा शिक्षा ऐन संसदं पारित मजुतलिं व त्रिभुवन विश्वविद्यालयया आइओएमया अधिकार फिर्ता मजुतलिं छुनं हालतं अनसन त्वाःमथुलेगु धकाः धयादिगु खः ।
नेपाःया इतिहासय् फेसबुक व ट्वीटरय् आन्दोलन
नृपेन्द्रलाल श्रेष्ठ | गुंलाथ्व नवमी ११३७ (जुलाई १ २०१७)
नेपाःया इतिहासय् हे न्हापांखुसि थौं सुथंनिसें स्वनिगःया आदिवासी नेवाःतय्सं इन्टरनेट हडताल याःगु दु ।
थौं थःथःगु सामाजिक संजाल फेसबुक व ट्वीटरय् हाकूगु भूमि दुगु खबरदार धकाः रंजना लिपिं नापं देवनागरिक लिपि व रोमन लिपिं च्वयातःगु ल्हाः म्हूछ्याना पतिंचा धंकाःतःगु किपाः तया थःथःगु बिचाः तकं तयेगु यागु दु । अथे हे सेभ नेपाः भ्याली धकाः तकं च्वया तयेगु याःगु खः ।
स्वनिगलय् सतक विस्तारया नामय् नेवाःत नापं स्वनिगः वासी तय्त विस्थापित यायेत्यंगु, सतकय् धूया धू जूगु, बाहिरी चक्रपथ निर्माण यायेगु धकाः हःगु योजना नापं स्वनिगःया थःगु अस्तित्व समाप्त त्यंगु धकाः राज्ययात दबाव बिइगु कथं थः थे इन्टरनेट हडताल याःगु खः ।
नेपाः स्वनिगःयात ल्यंकेनु धइगु नारा बिया अथे हडताल याःगु खः । नेवाः मुद्दा ज्वनाच्वंपिं नापं राजनीतिक रुपं सचेतपिं अले भाषिक कार्यकर्तातय्सं अप्वःसिनं थःथःगु फेसबुक व ट्वीटरय् खबरदार धकाः च्वयातःगु किपाः तया इन्टरनेट हड्ताल याःगु खः ।
कयौं मनूतय्सं ला थःथःगु प्रोफाइ किपाः हे खबरदार धकाः च्वातःगु तकं तःगु खनेदत । स्वनिगः नेपाःया मानव सभ्याताया उदगम स्थल जूगुलिं थनया मानव वस्तीयात विस्थपित याये दइमखु धकाः खबरदारी कथं अज्वःगु हड्ताल याःगु खः ।
स्वनिगःवासीया मागयात सम्वोधन यायेमाःगु माग याना न्हापांखुसि अथे इन्टरनेट हड्ताल याःगु खः । थुगु कथंया हड्ताल कन्ह्यः सुथय् तक जुइ ।
भारतीय राजदुत धर्मर्किति बिहारय्
नृपेन्द्रलाल श्रेष्ठ | गुंलाथ्व अष्टमी ११३७ (जुलाई ३१ २०१७)
धर्मर्किति बिहारय् थःगु छगु ज्याझ्वः दथुइ भारतीय राजदुतयात मन्जिभ सिंह पुरी यात लसकुश यागु दु । उगु ज्याझ्वलय् धम्मावति गुरुमा नं राजदुतयात मतिनाया चिं न लःल्हाःना दिगु खः ।
उगु ज्याझ्वलय् धम्मावति गुरुमा नं ‘नेपाः व भारतया सांस्कृतिक सम्बन्ध न्हापा निसें बांलाना च्वंगु द’ु धयाबिज्याना दिगु खः ।
नाप भारतीय राजदुताबासं न्हापा निसें याना वया च्वंगु ग्वाहालि राजदुत सिं पालय् नं निरन्तर दइ धकाः नं भलासा कयादिल । राजदुत सिं या कार्यकाल सुथां लाक्क न्ह्याः मा धका कामना याना दिल ।
राजदुत मन्जिभ सिंह पुरीं ‘नेपाः व भारतया सम्बन्ध परापुर्वकाल काल निसें न्ह्याःना वया च्वंगु’ धयादिसें । धर्मर्किति बिहारयात भारत सरकार याना वयाच्वंगु ग्वाहलि थःगु कार्यकालय् उगु कथं हे न्ह्याना च्वनिइ धकाः धयादिल ।
समाजसेवी मरना देवीयात सम्मान
नृपेन्द्रलाल श्रेष्ठ | गुंलाथ्व सप्तमी ११३७ (जुलाई ३० २०१७)
छत्रपाटी निःशुल्क चिकित्सालयं (अस्पताल) थौं छगु ज्याझ्वः दथुइ मूपाहाँ रक्षा मन्त्री भीमसेन दास प्रधानं समाजसेवी मरना देवी शाह यात सम्मान यागु दु ।
जनकपुर अंचलया महत्तोरी सीमरदही गामय् जलखलया झीदँ दुम्ह मचायात तुनामुना याना स्यागु धासे वयकःलिसे झिंखुम्हसिया बोक्सीया आरोपय् बिया शाररिक व मानसिक यातना बिउगु खः।
मूपाहाँ रक्षामन्त्री प्रधानं हनापौ नाप ५५ द्धः न्यास व न्यय् न्यातका ध्यवा लःल्हाःगु खः ।
चिकित्सालयया अध्यक्ष बिजय मालीया सभाध्यक्ष जुगु उगु ज्याझ्वलय् मूपाहाँ रक्षामन्त्री भीमसेनदास प्रधान, बरिष्ठ प्रत्रकार कणकमणि दिक्षितं समाजसेबी मरनादेवी शाहयागु योगदानया बिषयलय् थःथगु नुगः खँ तयादिगु खः।
