Display Style:
Column Style
पत्रकार महर्जनया लुमन्तिइ श्रद्धाञ्जली सभा
रबि महर्जन | दिल्लागा सप्तमी ११३७ (जुलाई १६ २०१७)
नेकपा माओवादी केन्द्र किपू नगर कमिटीं संगीतकःमिलिसें खेलकूद पत्रकार नविन महर्जनया लुमन्तिइ श्रद्धाञ्जली सभा याःगु दु ।
किपूया मंगल माध्यामिक विद्यालयस जूगु उगु श्रद्धाञ्जली सभाय् मदुम्ह महर्जन आबद्ध थीथी संघसंस्थाया प्रतिनिधिपिन्सं वय्कःया व्यक्तिगत कार्यशैली, बिचाः व सामाजिक व्यवहारयात कयाः नुगःखँ तसें थुकिं तःधंगु खति जूगु खँ न्ह्यथंगु दु ।
सभाय् नेकपा माओवादी केन्द्रया वरिष्ठ न्वकू नारायणकाजी श्रेष्ठं मदुम्ह महर्जनया कर्मठ, इमान्दार व नैतिकतालिसें वय्कलं बियादीगु योगदानयात लुमंकूसें वय्कलं यानादीगु ज्यायात निरन्तरता बियाः समाजय् सामाजिक, राजनैतिक विकासया नितिं न्हूपिं ‘नविन’ उत्पादन याय्फूसा जक मदुम्ह महर्जनप्रति सच्चा श्रद्धाञ्जली जुइगु खँ न्ह्यथनादिल ।
शम्भुराम महर्जनया सभाध्यक्षताय् जूगु उगु ज्याझ्वलय् पूर्व राज्यमन्त्री दीलिप महर्जन, हितमान शाक्यलिसें मदुम्ह महर्जनया छेँजःपिनिगु उपस्थिति दुगु खः ।
सत्यमोहनजोशीया वृत्तचित्रदयेकीगु
लहनान्युज | दिल्लागा पंचमी ११३७ (जुलाई १४ २०१७)
संस्कृतिविद् शताब्दीपुरुष सत्यमोहनजोशीया वृत्तचित्र र झिघौ तःहाकःगु प्रवचनया भिडिओ अभिलेखिकरण तयार जुइगु जूगु दु ।
थ्व ज्याया निंतिं डा. पुष्पराज राजकर्णिकारया नायःसुइ छगू सत्यमोहन वृत्तचित्र निमार्ण पुचःनीस्वनेगु ज्या जुल । उगु पुचलं विहिबार जोशीजुयाथाय् वनाःथुगु ज्यायानिंतिं वय्कःया अनुमति कायेगु व गुकथं ज्या न्ह्याकेमाली धइगु सहलह जुल ।
नायः राजकर्णिकारजुं निगू ज्या नाप नापं वनीगु खँ कनादीगु दु । वय्कःयाधापू कथं छगू २० मिनेटया वय्कःयाजीवनीया महत्वपूर्ण पक्षयात दुथ्याकाः संक्षिप्त तर दुग्यंगु वृत्तचित्र निर्माण जुइ। अले उकि यालिसें वय्कःया जीवनी, भाषा, साहित्य, संस्कृति, चीनयात्रा, प्रज्ञाप्रतिष्ठान इत्यादि विषयय् दुवालाःप्रत्येक विषयय् घौछि घौछिया प्रवचन नं निर्माण जुइ । वय्कलं ज्या याकनं न्हयाइ अले फयांफतले खुलायादुने ज्या क्वचायेकेगु योजनादूगु खँ नं कनादीगु दु ।
अथेहे थुगु ज्यासना पुचलय् अध्यक्षय् डा. पुष्पराज राजकर्णिकार, उपाध्यक्ष शाक्य सुरेन, सचिव राजेन मानन्धर, सहसचिव अजय देशार, कोषाध्यक्ष सिद्धार्थ शाक्य दुजलय् शान्तराजशाक्य व सुनिताराजभण्डारी च्वनादीगु दु ।
लागु औषधी दुब्र्यशन विरुद्ध अभिमुखीकरण ज्याझ्वः
राजेश बज्राचार्य | दिल्लागा चौथी ११३७ (जुलाई १४ २०१७
यलय् खनेदुगु लागू वासः सम्बन्धि आपराधिक ज्याखँयात न्यूनीकरण याय्गु तातुनां महानगरीय प्रहरी प्रभाग, मंगलबजाः, राष्ट्रिय युवा महासंघ, यल कचा व ताम्रकार समाजया युवा तथा खेलकूद उपसमितिया मंकाः ग्वसालय् ‘लागूपदार्थ दुव्र्यशन विरुद्ध अभिमुखीकरण’ ज्याझ्वः याःगु दु ।
ताम्रकार समाजया नायः रविन्द्रराज ताम्रकारया सभाध्यक्षताय् न्ह्याःगु उगु ज्याझ्वलय् प्रहरी प्रभाग मंगलबजाःया प्रहरी निरीक्षक प्रकाश थापां लागू औषधयात कयाः न्ह्यब्वयादीगु खःसा राष्ट्रिय युवा महासंघ, यल कचाया नायः राजेश बज्राचार्य, समाजसेवी मोतिशान्ति शाक्य, मोहन केसीं लागू औषध दुव्र्यशनीयात कयाः थःथःगु नुगःखँ प्वंकादीगु खः ।
उगु अभिमुखीकरण ज्याझ्वः लिपा याकनं हे जनसमुदाय दथुइ सतक नाटक न्ह्यब्वयाः लागू औषधी दुव्र्यशन विरुद्ध जनचेतना थनेगु समाजया युवा तथा खेलकूद उपसमितिया संयोजक सजेश ताम्रकारं जानकारी बियादीगु दु ।
नेवाः सूचना केन्द्रया उलेज्या
रबि महर्जन | दिल्लागा पंभमी (जुलाई १४ २०१७)
येँय् जूगु छगू ज्याझ्वःया दथुइ नेवाः सूचना केन्द्रया उलेज्या जूगु दु ।
सूचना केन्द्रया दुजः रमिता बज्राचार्यं न्ह्याकादीगु उगु ज्याझ्वलय् मय्जु सरस्वती तुलाधरं लसकुस न्वचु तयादीगु खःसा पवित्र कसाः नं सूचना केन्द्रया उद्देश्ययात कयाः नुगःखँ तयादीगु खः । उगु ज्याझ्वलय् दुजःपिं रवि महर्जन, नरेन्द्र श्रेष्ठ, रत्नकाजी महर्जन ‘लूनिभाः’, विराजकाजी राजोपाध्याय, श्रीकृष्ण सुलु, रत्नकाजी महर्जन ‘मन’, सौरभ कायस्थं थःथःगु म्हसीका बियादीगु खः ।
सूचना केन्द्रया नायः राजेन्द्र रञ्जितया सभाध्यक्षताय् जूगु उगु ज्याझ्वलय् पाहांकथं नेवाः देय् दबूया नायः नरेश ताम्रकार, नेपालभाषा केन्द्रीय विभागया प्रमुख प्रा. डा. चन्द्रमान बज्राचार्य, प्रा. प्रेमशान्ति तुलाधर, सह–प्रा. तुलसीलाल सिंह, प्रा.डा. तुयु बहादुर महर्जन, गोर्की श्रेष्ठपिं झायादीगु खःसा वय्कःपिन्सं नेवाः सूचना केन्द्रं थःगु उद्देश्यकथं न्ह्याः वनेफय्मा धकाः भिन्तुना नं बियादीगु खः ।
उपभोक्ता बिधयेक बिषलय् अन्तरक्रिया
नृपेन्द्रलाल श्रेष्ठ । | दिल्लागा पारु ११३७ (जुलाई ६ २०१७)
नेपाल खुद्रा ब्यापार संघ ‘उपभोक्ता संरक्षण मस्र्योदा बिधेयक २०७३’ बिषलय् छगु अन्तरक्रिया ज्याझ्वः यागु दु ।
मूपाहाँ प्रमुख सूचना आयुक्त कृष्णहरि बाँस्तोलां छगु ज्याझ्वः दथुइ त्वाः देवाय् मतः च्याका उलेज्या याना दिगु खः ।
उगु ज्याझ्वलय् आ सरकारं न्ह्यःब्बयेत्यंगु बिधेयकय् ब्यवसायी पिन्तं ब्यवसाय याये तसक थाक्ूm नाप यक्को हे सुधार याये मागु खँय् रामकृष्ण गिरि, देबेन्द्रभक्त श्रेष्ठ, नयनबहादुर खत्री, न्हुच्छेकृष्ण मानन्धर, तोकलाल पाण्डें थःथगु नुगः तयादिगु खः।
मूपाहाँ प्रमुख सूचना आयुक्त बास्तोलां ब्यवसायी पिन्सं निर्धक्क जुइक ब्यवसायय् याये दइगु वातावरण दइगु धकाः थःगु खँ तयादिल ।
अथेहे सघया नायः पबित्र बज्राचार्यं आ वइगु बिधेयकय् उपभोक्ता हित नाप ब्यवसायी पिनिगु हितय् नं वये मागु खँय् बःबिया दिल
