Display Style:
Column Style
‘मेयर निःशुल्क स्वास्थ्य परीक्षण’ ज्याझ्वः न्ह्यात
नृपेन्द्रलाल श्रेष्ठ | चौलाथ्व एकादशी ११३९ (अप्रिल १५ २०१९ं)
येँ महानगरपालिकां ‘मेयर निःशुल्क स्वास्थ्य परीक्षण’ ज्याझ्वः न्ह्याकूगु दु । नमूना कथं वंगु सञ्चर वाःनिसें येँ महानगरपालिका–१५ निसें न्ह्याकूगु उगु ज्याझ्वः सामुदायिक स्वास्थ्य सेवा परिषदय् सञ्चालन जुइ ।
उगु ज्याझ्वलय् सामाजिक सुरक्षाभत्ता कयादीपिं फुक्क ज्येष्ठ नागरिकपिन्त फुक्क कथंया ल्वय्या निःशुल्क परीक्षण याइगु जूगु दुसा वासलय् नीगू प्रतिशत छ्यापं बी । नापं सेवा कयादीपिन्त ‘मेयर निःशुल्क स्वास्थ्य परीक्षण परिचयपत्र’ नं बी ।
थुगु ज्याझ्वःन्ह्याकेत परिषदया नायः हरिगोपाल श्रेष्ठयात येँ महानगरपालिकाया प्रमुख विद्यासुन्दर शाक्यं लच्छिया नितिं छगू लख तकाया दरं दच्छिया नितिं छक्वलं झिंनिगू लखतकाया चेक लःल्हाना दिल । सञ्चर वाः न्हूदँया झ्वलय् ग्वसाः ग्वःगु भिन्तुना कालबिल नापं तुच्चा ज्याझ्वलय् ज्याझ्वःया शुभारम्भलिसें चेक नं लःल्हाना दीगु खः ।
ज्याझ्वलय् पुलांम्ह प्रधानमन्त्री झलनाथ खनालं, प्रतिनिधि सभाया दुजःजीवनराम श्रेष्ठ, नेकपाया प्रदेश ३या इञ्चार्ज लिसें प्रदेशसभाया दुजः अष्टलक्ष्मी शाक्य, महानगरया उपप्रमुख हरिप्रभा खड्गीश्रेष्ठ, वडा नं. १५या नायः लिसें महानगरया प्रवक्ता ईश्वरमान डंगोल नं थःथःगु बिचाःप्वंका दीगु खः ।
ज्याझ्वलय् सुनगाभा (बौद्धिक अपाङ्गता) महिला व्यवसायिक केन्द्रयात बाल संरक्षणया ख्यलय् याःगु योगदानया कदर याःगु खःसा बुसांनिसें न्ववाय् मसःम्ह इनिमा महर्जनयात फोटोग्राफी ख्यलय् हःपाःबी कथं हनेगु ज्या जूगु खः । अथे हे विश्व सम्पदाय् दुथ्याना च्वंगु स्वयम्भू लागाया यचु पिचुया नितिं स्थानीय गैरसरकारी संस्थालिसे नं सम्झौता याःगु खः ।
ताम्रकार समाजया झिंन्हय् क्वःगु दँमुँज्या
लहनान्युज | चौलाथ्व एकादशी ११३९ (अप्रिल १५ २०१९ं)
ताम्रकार समाजया झिंन्हय् क्वःगु दँमुँज्या नापं नी स्वक्वःगु मंकाः मुँज्या जुगु दु । उगु मुँज्याय् नेवाःत थःगु परम्परा, रीति थिति, नखः चखः, लजगाः आदि विविधताया हुनिं सम्पत्र खने दुसां आर्थिक स्तर, चेतनास्तर अभिबृद्धि याय्गु खँय् धाःसा ल्यूने हे लाना च्वंगु खँन्ह्य थंगु दु ।
जाह्वला ख्यःया ताम्रकार समाजया भवनय् जूगु उगु ज्याझ्वलय् मूपाहाँलिसें नेवाःतय्गु राष्ट्रिय संगठन नेवाः देय् दबूया नायः नरेश ताम्रकारं नेवाःत थःगु पहिचान, मौलिकता व स्वाभिमानया विषयस छधी छप्पँ जुयाःन्ह्याः वनेगुया विकल्प मदुगु धयादिल ।
ज्याझ्वलय् ताम्रकार समाजया नायः रविन्द्रराज ताम्रकारं नेवाःतय्गु मौलिक संस्कृति, रहनसहन, तजिलजि, भाषाय् जुयाच्वंगु अतिक्रमण चिन्ताजनक जूगु धयादिसें थुकियात कयाः मेपिन्त द्वपं जक बीगु ज्या जुयाच्वंगु धयादिल ।
ज्याझ्वलय् ज्याःजंक्वयाय् धुंकूपिं नीछम्ह ज्येष्ठ नागरिकपिन्त हंगु खःसा वंगु शैक्षिक सत्रय् समाजया एसइइ परीक्षानिसें पिएचडी तक अध्ययन क्वचाःपिं ग्वीम्हेसित हनेगु ज्या जूगु खः । अथे हे समाजयात आर्थिक व भौतिक ग्वाहालियाना दीपिन्त मूपाहां ताम्रकारं हनादीगु खः ।
थ्व हे झ्वलय् दँय् दसं समाजं बियावया च्वंगु ‘उग्रचण्डी सम्मान सिरपाः’थुगुसी शारीरिक सुगठनया सागर ताम्रकारयात झिद्वः तका दां लिसें हनापौ लःल्हाःगु खः । ज्याझ्वलय् समाजया न्वकू विनोद ताम्रकार, सम्मानित ब्यक्तित्व सागर ताम्रकारं न्ववानादीगु खः ।
उगु हे दिनस जूगु बन्द सत्रय् मूछ्याञ्जे शम्भुगोविन्द ताम्रकारं वार्षिक प्रतिवेदन व दांभरि दीपेश ताम्रकारं आर्थिक प्रतिवेदन न्ह्यब्वयादीगु खः ।
ग्रिनहिलसिटीइ सत्यमोहन जोशी सम्मानित
लहनान्युज | चौलाथ्व अष्टमी ११३९ (अप्रिल १३ २०१९)
नेवाः गुथि ग्रिनहिलसिटी’या ग्वसालय् वरिष्ठ संस्कृतिविद् नाप वाङ्मय शताव्दी पुरुष सत्यमोहन जोशीया १०० क्वःगु बुदिंया लसताय्ं गुठीया अध्यक्ष वरिष्ठ कलाकार पुरण जोशीं सम्मान यानादीगु दु ।
मूपाँहा जोशीं नेवाः तय्गु गुथि न्ह्यगु शताब्दी राजा शिवदेवया पालनिसे न्ह्याका वःगु खँ धकाः धयादीगु खः ।
गुठीया अध्यक्ष पुरण जोशीया भाध्यक्षताय् जुगु उगु ज्याझ्वलय् ग्रिनहिल सिटीइ न्ह्याका वयाच्वंगु गुठीया लोगा उलज्या यानादीगु खः ।
उगु ज्याझ्वलय् वरिष्ठ कलाकार शिव श्रेष्ठ, वरिष्ठ कलाकार प्रकाश अधिकारी, प्रा. राजेश्वर श्रेष्ठ, सानु ताम्राकार व राजेश वादेया ब्बति दुगु खः ।
उपराष्ट्रपति पुनं ललित अन्तर्राष्ट्रिय मेलाया उलेज्या
लहनान्युज | चौलाथ्व षष्ठी ११३९ (अप्रिल ११ २०१९)
उपराष्ट्रपति नन्दबहादुर पुन‘पासाङ्गं’ समृद्धिया लागि लगानीमैत्री वातावरण निर्माण याना स्वेदशी व वैदेशिक लगानीयात उच्च प्राथमिकता बिइ माःगु खँय् बःबियादीगु दु ।
यलया पुच्वय् निक्वःगु ललित अन्तर्राष्ट्रिय व्यापार मेलाया उलेज्य यानादीसे वयकलं थःथे धयादीगु खः ।
वयलं तः तधःगु उद्योग, कलकारखानाया स्थापना, जलविद्युत निर्माण, व्यवसायिक नाप आधुनिक कृषि प्रणालीया विकास, पर्यटनया व्यवसायीकरण व पूर्वाधार निर्माणयात न्ह्यने यकेमाःगुलि बःबियादीगु खः ।
उगु ज्याझ्वलय् ललितपुर उद्योग वाणिज्य संघया अध्यक्ष कृष्णलाल महर्जनं यल जिल्ला राजधानी स्वासां आर्थिक विकास व पूर्वाधारय् लिउने लाःगु खँय् कनादीसे सरकारं छु न्ह्यः जक लगानी सम्मेलनय् ७७ गु परियोजनाय् यलय् छगु हे परियोजना मलागु धकाः संघया अध्यक्ष महर्जनं धयादीगु खः ‘ यलय् अन्तर्राष्ट्रिय सम्मेलन केन्द्र निसे पर्यटकीय पूर्वाधार, होटेल, केबुलकार, साहसिक पर्यटन, हस्तकला क्षेत्रय् लगानीया लागि यक्को हे परियोजना दुगु धका न न्ह्यथनादीगु खः ।
१ सय मध्ये प्यंगु देय्या ३० गु स्टल
मेलाय् करिब सच्छिगु स्टलया ब्यवस्था दुगुलि भारत, पाकिस्तान, बंगलादेश, चीन नाप थीथी देय् पाखे उत्पादित लत्ताकपडा, दैनिक उपयोगी व सज्जाया ३० गु स्टल दु । अथेहे नेपाली हस्तकलाया सामग्री, धातुकला लत्ताकपडा, पस्मिना, लगायतया ७० गु स्टल दु ।
थुगु मेला न्यान्हु तक न्ह्याइ खःसा मेला हरेक दिंसांस्कृतिक ज्याझ्वःया न ब्यवस्था दु ।
टिष्टुङय् भैरवया न्हुगु ख्वाःपाः हस्तान्तरण
नृपेन्द्रलाल श्रेष्ठ | चौलाथ्व दुतिया ११३९ (अप्रिल ७ २०१९)
टिष्टुङया बज्रवाराही प्राचीन ग“प्याख“ भैरवया न्हुगु ख्वापा हस्तान्तरणया ज्याझ्वः जुगु दु ।
मकवानपुरया थाहा नगरपालिका वडा नं ६ प्राचीनगर टिष्टुङय् जुगु उगु ज्यझ्वलय् मूपाहाँ वडा अधक्ष्य शशीधर सुवेदीं छगु ज्याझ्वःया दथुइ भैरव द्यया न्हुगु ख्वापा धामी मधुराम महर्जनयात लःल्हाना दिगु दु ।
इथ्नोलाजिकल स्थडिज ग्रुप (इएसजी)नं यागु थुगु ज्याझ्लय् संस्थाया अध्यक्ष मिना महर्जनया सभाधक्ष्यताय् थुगु ज्याझ्व न्ह्यागु खः ।
वडा अधक्ष्य सुवेदीं टिष्टुङया प्राचीन संस्कृति म्वाका तय्त व न्ह्याके तय्त मूलश्रोत धैगु बजेट हे खः, थुकिया लागि सकृया जुया ज्यायायेगु धयादील ।
सभापति महर्जनं टिष्टुङया प्राचीन पहिचान म्वाकेत थिथि ज्याझ्वः न्ह्याकावयागु ख“ कना दिगु खः ।
उगु ज्याझ्वलय् ख्वाःपाः दय्केत आर्थिक सहयोग याम्ह दाता ८४ द“या कृष्णवदन बैद्ययात न सम्मान यागु खः । टिष्टुङ बज्रवाराही प्राचीन ग“प्याख“ झिनीद“य् छकः जकः तान्त्रिक विधिकथं स्येनिगु व प्याख“ ल्हुकिगु खः ।
ज्याझ्वः प्रमोद जोशी न्ह्याका दिइगु खः ।
