Display Style:
Column Style
किपुलीइ विश्व पर्यटन दिवस न्यायते तयारी
लहनान्युज | ञंलाथ्व नवमी ११३८ ( सेप्तेम्वर १८ २०१८ )
किपू नगरपालिका पर्यटन समितिया ग्वसालय् विश्व पर्यटन दिवस ज्याझ्वः थ्व हे वइगु २०१८ सेप्टेम्बर २७ ९ असोज ११ गते बिहिवाः कुन्हु कजि लिसें किपू नगरपालिका २ न. वडाध्यक्ष रमेशमान डंगोलं जानकारी बियादीगु दु ।
असोज ११ गते न्यायेकीगु पर्यटन दिवसया नितिं थौं मंगलवाः किपूया १ वडा ज्याकुथिइ सहलह ज्याझ्वः जूगु दु । उगु सहलह ज्याझ्वलय् किपूया थीथी वडाया वडाध्यक्षपिंलिसें सम्बन्धित व्यक्तिपिनिगु उपस्थिति न दूगु खः ।
उगु दिं किपुली चित्रकला सिर्जना, सांस्कृतिक बाजागाजा ब्वज्या, किपू नगरपालिका दुने किपूया नगां, पांगा, चोभाःलिसें किपू डाँडाय् सम्पदा यात्रा, लिसें सुचुपिचु, सांस्कृतिक ज्याझ्वः व थी थी किपूयात म्हसीका बिइगु ज्याझ्वः यायेगु खँ उगु सहलह ज्याझ्वलय् क्वःछ्यूगु दु ।
किपुली न्यायेकेत्यंगु उगु विश्व पर्यटन दिवस वइगु सन् २०२० या भिजिट नेपालया नितिं किपू नं छगू गन्तव्य स्थलया रुपं स्थापित यायेगु नितिं खः धैगु जानकारी नं ब्यूगु दु ।
किपुली जुइगु विश्व पर्यटन दिवस ज्याझ्वः नेपाल पर्यटन बोर्ड िलसें थी थी पर्यटन सम्बन्धित संघ संस्था नाप सहकार्य याना जुइत्यःगु खः ।
हल्चोक आकाश भैरवया लँपु छायेगु ज्या क्वःचाल
नृपेन्द्रलाल श्रेष्ठ | गुंलागा अष्टमी ११३८( सेप्तेम्वर १७ २०१८ )
येँया वलय् जात्रा जुइगु हल्चोक आकाश भैरव, चण्डि व कुमारी (सवः द्य) स्वम्ह द्यःया ख्वाःपाःयात लँपु छायेगु ज्या क्वःचाये धुकुगु दु ।
लँपु छायेगु लागि ञंलाथ्व पारु कुन्हु हल्चोक निसे येँया मासंगल्लीइ चित्रकारया छेँ हःगु खः ।
लँपु छाय्गु ज्या येँया मासंगल्लिइ च्वंच्वनादीम्ह तेज बहादुर चित्रकारं याना वयाच्वनादीगु खः । वयकलं वंगु वि.सं. २०२८ सालं निसें मदिक्क च्वया वया च्वनादीम्ह चित्रकारं प्यंगू पुस्ता न्ह्यःनिसें थुगु ज्यायात निरन्तरता बियावया च्वनादीगु खः ।
चित्रकारयात न्हापा थुगु ज्या यायेत पारिश्रमिक कथं दच्छिया नितिं प्यंगू दोको स्यूचा व नी छधी कःनि बीगु खःसा पूजा याय्त ३३ गः धेबा बीगु खः ।
थ्यंमथ्यं ८२ दँ दय् धुंकूम्ह तेजबहादुर चित्रकारं थःम्हेस्यां थःगु इच्छां ख्वाःपाः च्वय्गु याना वयाच्वंगु खःसा थ थे ख्वाःपाः च्वयेगु इलय् दकलय् लिपा जक ख्वाःपाः च्वयेगु ज्या यानादी । ख्वाःपाः च्वयेगु झ्वलय् थः म्हेस्यां भैलद्यःया ख्वाःपाः गबलें मिखा चूलाक्क मस्वयागु खँ लहनान्युज नाप खँ कनादीगु खः ।
लँपु छाय्गु क्वचाय्काः एकादशि कुन्हु क्षमा पूजा यानाः गुथ्याः पिन्त चित्रकारपाखें ख्वाःपा ःलःल्हाय्माः । अथेहे ञंलाथ्व एकादशी कुन्हु हल्चोक हे लितयंकी ।
उगु दिनय् हे हल्चोकया आँगद्य छेँय् बिशेष पुजा न जुइ ।
ज्यापु समाज न्हूगु नेतृत्वय् चन्द्र मर्हजन
लहनान्युज | गुंलागा अष्टमी ११३८( सेप्तेम्वर १७ २०१८ )
ज्यापु समाज यलया गुक्वःगु तःमूँज्यां सांसद चन्द्र मर्हजनयात नायः ल्यःगु दु ।
उगु न्हू ज्यासना पुचलय् निबर्तमान अध्यक्ष प्रेम मर्हजन , बरिष्ठ उपाध्यक्ष सन्तमान मर्हजन , प्रथम उपाध्यक्ष सबिना मर्हजन , द्धितिय उपाध्यक्ष मोहन ब्यञ्जनकार , तृतिय उपाध्यक्ष बीर बहादुर मर्हजन र चौथो उपाध्यक्ष किरण डंगोलयात न ल्यःगु खः ।
अथेहे छ्याञ्जेय् सरिता मर्हजन , दांभरी बालकृष्ण मर्हजन, ल्यू छ्याञ्जे सुनिल मर्हजन व ल्यू दांभरी लय् कृष्ण अवालेयात न ल्यःगु खः ।
उगु ज्यासना पुचःया दुजलय् सरिता अवाले, सजनी मर्हजन, बाबुराजा ज्यापु , रमेश सिंह , सर्मिला मर्हजन, कबिता मर्हजन आशाराम मर्हजन ,व नारायण बहादुर मर्हजनयात न ल्यःगुु खः ।
झिगु कला, झिगु संस्कृति सदा म्वाके तये धैगु मूःनारा बिया ज्यापू समाज यलं गुक्वःगु तःमुज्याँ व नी न्याक्वःगु दमँुज्या नापं रजत जयन्ती न हंगु खः ।
थ्वः हे झ्वलय् नेवाः न्ह्यलुवा पदमरत्न तुलाधारयात हनेज्याः, हिं दान ज्याझ्वः, लगायत थी थी ज्याझ्वः न यागु खः ।
शान्तिघट महाविहार संरक्षण समितिपाखें हना
लहनान्युज | गुंलागा अष्टमी ११३८( सेप्तेम्वर १७ २०१८ )
श्रीघः बहाःयानामं सकसिनं म्हसीकावयाच्वंगु नेपालमण्डलया नांजाःगु बुद्ध विहार श्रीशान्तिघट बज्रधातु महाविहार सर्वसंघपाखें नीस्वनातःगु संरक्षण समितिया निक्वःगु वार्षिक दँमुँज्या जुल ।
यलया टिका भैरब द्यःया थाय् जूगु दँमुँज्याय् शाक्य फाउण्डेशनय ानायः अमीरमान शाक्य व शाक्य महाविहार संघया मू छ्याञ्जे संघरत्न शाक्य विशेष पाहाँ कथं झायादीगु उगु ज्याझ्वलय् श्री शान्तिघट बज्रधातु महाविहार संरक्षण समितिया नायः शुभकाजी शाक्यया सभाध्यक्षताय् जूगु खः ।
ज्याझ्वलय् सर्वसंघ परिवारं दँय् दसं श्रीघलय् गुंला लच्छियंकं तुतः ब्वंपिं मध्ये दकलय् अप्वः न्हितक उपस्थित जूपिन्त नं सुभाय् कथं मतिनाया चिं देछाःगु खःसा सर्वसंघया दुजः विजयरत्न असंबरेया काय्. विशेष शाक्ययात एसइइ परिक्षाय् ताःलागुलिं हनापौ लःल्हागु खः ।
संरक्षण समितिया ल्यू छ्याञ्जे गुलाफ शाक्यं लसकुस यानादीगु उगु छ्याञ्जे पुरण शाक्यं वार्षिक प्रतिवेदन न्ह्यःब्वयादीगु खः । अथेहेतुं संरक्षण समितिया दांभरि कमल शाक्यं आर्थिक प्रतिवेदन न्ह्यब्वयादीगु खः ।
ज्याझ्वलय् विशेष पाहाँ संघरत्न शाक्य, मेम्ह विशेष पाहाँ शाक्य फाउण्डेशनया नायः अमीरमान शाक्यं थः थः गु नुगःखँ तयादिसें भिन्तुना देछानादीगु खः ।
परिषदया झींप्यक्वःगु साधारण सभा क्वःचाल
लहनान्युज | गुंलागा अष्टमी ११३८( सेप्तेम्वर १७ २०१८ )
नेपालभाषा परिषदया झींप्यक्वःगु साधारण सभा छगु ज्याझ्वः दथुइ क्वचाःगु दु ।
परिषदया नायः प्रा. सुवर्ण शाक्यं नेपालभाषय् ब्याकरण यक्को दुगु आः ब्याकरणबिज्ञत छथाय् तया ब्याकरणय् एकरुपता हयेत हथाय् जुइ धुकु खँ कनादील ।
उगु मुज्याँय् छ्यान्ज्ये ध्रुव मधिकर्मीं, तुलसी मानन्धर व कवियत्री प्रतिसरा सायमिपिन्सं थःथःगु नुगँ खँ तयादीगु खः ।
दांभरिं मंगला कारंजीतं परिषदया ल्याःचाः न्ह्यब्वयादीगु खः ।
