सौर्य एयरलाइन्सया जहाज दुर्घटनापाखे घाःपाः जूम्ह क्याप्टेन मनिषरत्न शाक्यया स्वास्थ्य अवस्था थुइकेगु निति प्रधानमन्त्री केपी शर्मा ओली केएमसी अस्पताल सिनामंगलय् म्हिगः वंगु दु।

म्हिगः उगु जहाजय् च्वपि १९ म्ह मध्ये शाक्य छम्ह जक बचे जुइत ताःलागु खः।

प्रधानमन्त्री केपी शर्मा ओली सौर्य एयरलाइन्सया जहाज दुर्घटना जूगु थासय् थ्यःगु दु। उद्दारया ज्या क्वचाय्वं दुर्घटनास्थल निरीक्षणया लागि ओली उखेपाखे वःगु खः।

व स्वया न्ह्यः गृहमन्त्री रमेश लेखक न निरीक्षणया लागि विमानस्थल वःगु खः।

बागमती प्रदेशय् मुख्यमन्त्री नापं मन्त्रीपिन्स थौ सपथ काःगू दु। कांग्रेसपाखे कुन्दनराज काफ्ले, श्याम खड्का व मधुकुमार श्रेष्ठपिं बिना विभागीय मन्त्री नियुक्त जूगु दु। उमिगु जिम्मेवारी लिपा क्वछिउगु जूगु दु।

अथेहे एमालेया खुम्ह मन्त्रीपिन्स न सपथ काःगु दु। एमालेपाखे प्रकाश श्रेष्ठं कृषि नाप पशुपन्छी मन्त्रालय, किरण थापा मगरं स्वास्थ्य मन्त्रालय, कृष्ण सिलवालं वन लिसे वातावरण मन्त्रालय, सुकमाया तामाङं उद्योग, वाणिज्य, भूमि लिसे प्रशासन मन्त्रालय, अमन मास्कें भौतिक पूर्वाधार विकास मन्त्रालय व प्रेमभक्त महर्जनं श्रम रोजगार लिसे यातायात मन्त्रीया सपथ काःगु खः।

सौर्य एयरया विमान दुर्घटना जुगु जानकारी वयेवं प्रधानमन्त्री केपी शर्मा ओली त्रिभुवन विमानस्थलय् वनेत्यःगु दु

थौ बुधवाः सुथय् ११ बजे जूया ११ मिनेटय् सौर्य एयरया विमान पोखरा वनेगु झ्वलय् त्रिभुवन विमानस्थलय् मिँ च्याःगू खः। उगु बिमानय् च्वना वंपि १८ म्ह सीउगु खः सा छम्हेसित उद्दार याःगु खः।

उगु दुर्घटनाया सूचं वयेवं प्रधानमन्त्री ओली दुर्घटनास्थल त्रिभुवन विमानस्थलय् वनेत्यःगु दु धका वयकःया स्वकीय सचिव राजेश बज्राचार्यं जानकारी बिःगु दु।

गृहमन्त्री रमेश लेखक न विमान दुर्घटनास्थलय् थ्यके धुकुगु दु।

सौर्य एयरलाइन्स जहाज दुर्घटनाय् १८ म्ह सीउगु दु। नेपाल नागरिक उड्डयन प्राधिकरणं १८ म्ह सीउगु व छम्ह घाःपा जूगु दु धका धाःगु दु।

प्राधिकरणया खोज लिसे उद्धार समन्वय केन्द्रं जारी याःगु विज्ञप्तिइ १८ सीम्ह संकलन जूगु दु धका उल्लेख याःगु दु। ९ एन–एएमई सीआरजे–७ विमान थौ सुथय् येँ न पोखरा वनेगु झ्वलय् विमानस्थल दुने हे दुर्घटना जूगु धका धाःगु दु।

विमानय् चालक दल नापं १९ म्ह च्वना वःगु खः। विमानय् क्याप्टेन मनिष शाक्य खः। शाक्ययात घटनास्थलपाखे उद्धार याना सिनामंगलस्थित केएमसी अस्पतालय् यकूगु खः।