बालरोग विशेषज्ञ डा. प्रकाश सुन्दर श्रेष्ठ मन्त।

नेपाल पेडियाट्रीक सोसाइटीया पूर्व अध्यक्ष नाप अग्रज बालरोग विशेषज्ञ प्रा.डा प्रकाश सुन्दर श्रेष्ठ बुधवाः मदुगु खः।

यलय् जन्मय् जुयादीम्ह डा. श्रेष्ठ बहुप्रतिभाशाली व्यक्तित्वया धनी जुयादी। व्यकलं ताः ईतक पाटन अस्पतालय् ज्या यानादीगु खः।

त्रिवि शिक्षण अस्पतालय् स्वेच्छिक अवकास काये धुका काठमाडौं विश्व विद्यालय धुलिखेल शिक्षण अस्पतालय् बाल विभागय् प्रोफेसर जुया ज्या यानादीगु खः।

हाम्रो नेपाली पार्टीया सांसद शैलेन्द्रमान बज्राचार्य बागमती प्रदेश सरकारय् सहभागी जुगु दु।

बागमती प्रदेश प्रमुख यादवचन्द्र शर्मां बज्राचार्ययात नेपाल भाषां शपथ या पद नाप गोपनीयताया शपथ याकूगु दु।

संविधानया धारा १६८ या उपधारा ९ कथं वयकलं मन्त्री पदय् नियुक्त जुया शपथ ग्रहण यागु खः।

वयकलं नेपाल भाषां शपथ काःगु खः।

सत्ता गठबन्धनय् दुगु प्यंगु दल दथुइ वाग्मती प्रदेश सरकार निर्माण यायेगुलि सहमति जूगु दु। बिहीवाः नेकपा (एमाले), नेकपा (माओवादी केन्द्र), नेकपा (एकीकृत समाजवादी) व हाम्रो नेपाली पार्टी दथुइ न्यागु बुँदे सहमति जूगु दु।

प्यंगु दल दथुइ प्रदेशसभाय् ल्यः दनिइगु कार्यकालया लागि सहकार्य यायेगु सहमति जूगु दु। सहमति पत्रय् सरकारया नेतृत्व केन्द्रया निर्णय कथं सहकार्य यायेगु धका धाःगु दु। दलपि दथुइ सरकार सञ्चालनया लागि प्रदेशस्तरीय संयन्त्र गठन याना मंकाः नीति ज्याझ्वः यायेगु सहमति जुगु खः।

सहमतिपत्रय् एमाले वाग्मती प्रदेश संसदीय दलया नेता जगन्नाथ थपलिया, माओवादी संसदीय दलया नेता शालिकराम जम्कट्टेल, एकीकृत समाजवादीया राजेन्द्रमान श्रेष्ठ व हाम्रो नेपाली पार्टीया शैलेन्द्रमान बज्रचार्यं ल्हाःचिं तःगु खः।

१ सय १० सदस्यीय वाग्मती प्रदेश सभाय् बहुमतया ५६ सांसदपिनिगु समर्थन माः। केन्द्रीय सत्ता गठबन्धनया दलमध्ये एमालेया २७, माओवादी केन्द्रया २१ व एकीकृत समाजवादीया ७ सांसदपि दु सा हाम्रो नेपाल पार्टीया निम्ह सांसदपि दु।

आः जम्कट्टेल नेतृत्वया प्रदेश सरकारय् बहुमत थ्यःगु दु।

नेपाल टेलिकमया मोबाइल डिभाइस म्यानेजमेन्ट सिस्टम (एमडीएमएस) न्यायेगु व उपकरण जडानय् अनियमितता याःगु द्धपनय् दूरसञ्चार प्राधिकरणया तत्कालीन अध्यक्ष दिगम्बर झा व पुरूषोत्तम खनालनाप नीम्ह विरुद्ध भ्रष्टाचार मुद्दा दायर याःगु दु।

अख्तियार दुरूपयोग अनुसन्धान आयोगं स्वीकृत याःगु स्वया अप्पो रकम एमडीएमएसया उपकरण खरिद याना भ्रष्टाचार याःगु द्धपनय् उमिगु विरुद्ध विहिवाः विशेष अदालत काठमाडौंय् मुद्दा दायर याःगु खः। अख्तियारं उमिगु विरुद्ध ९१ करोड ९८ लाख ३० हजार ८८२ बिगो माग याःगु दु।

आयोगया कथं एमडीएमएस खरिद लिसे उपकरण जडानय् अनियमितता यायेगु पुष्टि जुगुलि प्राधिकरणया तत्कालीन अध्यक्ष झा, खनाल, पूर्व वरिष्ठ निर्देशक आनन्दराज खनालनाप नीम्हेसित भ्रष्टाचारया मुद्दा दायर याःगु खः।

अख्तियारं मुद्धा दायर याउगुलि नेपाल दूरसञ्चार प्राधिकरणया तत्कालीन अध्यक्ष दिगम्बर झा, पुरुषोत्तम प्रसाद खनाल, बरिष्ठ निर्देशक आनन्द राज खनाल, निर्देशक मिन प्रसाद अर्याल, उपनिर्देशक विनोद चन्द्र श्रेष्ठ, निर्देशक दिपेश आचार्य, उपनिर्देशक सुरेन्द्रलाल हाडा, उपनिर्देशक रेवती राम पन्थ, उपनिर्देशक संदिप अधिकारी, उपनिर्देशक सूर्य प्रसाद लामिछाने, उपनिर्देशक अच्युता नन्द मिश्र, सहायक निर्देशक विजय कुमार राय यादव, सहायक निर्देशक प्रतिक्षा पौडेल, सहायक निर्देशक निराजन कोइरालापि खः।

अथेहे मेपि खुम्ह एमडीएमएस प्रदान याइगु कम्पनिया प्रमुखया कर्मचारीपि खः।

बागमती प्रदेशकया मुख्यमन्त्री शालिकराम जम्कट्टेलं मन्त्रिपरिषद् विस्तार यायेगु तयारी याःगु दु।

मुख्यमन्त्री जम्कट्टेलं हाम्रो नेपाली पार्टी (हानेपा) या शैलेन्द्रमान बज्राचार्ययात संस्कृति, पर्यटन लिसे सहकारी मन्त्री नियुक्त यायेगु तयारी याःगु दु। हानपां ९ चैतय् सरकारयात बिःगु समर्थन फिर्ता लित काःगु खः।

आः बज्राचार्ययात मुख्यमन्त्री जम्कट्टेलं मन्त्री नियुक्त यायेत्यःगु खः। बज्राचार्यं थौ साढे ६ बजे शपथ कायेगु ज्याझ्वः जुगु दु।