प्रधानमन्त्री केपी शर्मा ओलीं वर्तमान सरकारं संविधान संशोधन यानाः प्रतिगमन हइ धइगु भ्रमय् विश्वास मयायेत कानून ब्यवसायीपिन्त इनाप याःगु दु।

प्रधानमन्त्री ओलीं संविधानय् निगु तिहाई सांसदं जनताया माःगु कथं संविधान संशोधन यायेफइगु व्यवस्था यानातःगुलिं नेपाल बार एसोसिएसनया दुजःपिन्त जनमतय् भलसा यायेत इनाप यानादीगु खः। “निगु तिहाइ सांसदं गये याना संविधान संशोधन याइ, वहे आधारय् संशोधन जुइ। जिपि लोकतन्त्रया लागि जेलनेल व सङ्घर्ष याना थन तक थ्यःगु खः। जिपिपाखे लोकतन्त्र सिध्यकिइगु संविधान संशोधन जुइ धका गुकथं म्हगसय् म्हकेफइ?”

प्रधानमन्त्री ओलीं प्रश्नात्मक शैलीं धयादीगु दु, “संविधान संशोधनय् प्रतिगमनया खँ थुकथं वल? जिमिसं प्रतिगामी खँ स्वीकार याये फइमखु। संविधान संशोधन अग्रगमन, सुशासन, विकासया लागि व कार्यान्वयनया झ्वलय् मिले मजुगु विषय मिले यायेगु निति खः।” वंगु जेठया न्हापांगु वालय् जूगु संघया राष्ट्रिय सम्मेलनं पारित याःगु संवैधानिक व कानूनी सुधारया विषयवस्तुयात कयाः नायः गोपालकृष्ण घिमिरेलिसेंया कानूनविद्तय्सं खँ न्यनेधुंकाः प्रधानमन्त्री ओलीं नियन्त्रण व सन्तुलनया सिद्धान्त नालाः अदालतं थःगु फैसला बीमाःगु खँय् बः बियादिगु खः।

छगू उदाहरण न्ह्यब्वसें वय्कलं अर्थतन्त्रया अवस्था थज्याःगु तलब अप्वयेके फइगु अवस्था मदुसा थुलि तलब अप्वयेकेगु तिथि क्वःछिनाः निर्णय कार्यान्वयन यायेगु व्यावहारिक समस्या जुइगु टिप्पणी यानादिल । वय्कलं अदालतया पुनर्गठन व सुधार यायेगु झ्वलय् सकल सम्बन्धिततय्गु बानी व व्यवहारयात नं पुनःसंरचना यायेमाःगु खँय् बः बियादिल।

बारया प्रतिनिधि खुलाया दुने संवैधानिक अधिकारीपिन्त महाअभियोग तयेगु प्रस्ताव याःबलय् प्रधानमन्त्री ओलीं थ्व ई अझ म्हो यायेमाःगु बिचाः तःगु खः । तत्कालीन प्रधानन्यायाधीश सुशीला कार्कीया महाभियोगया सन्दर्भय् वय्कलं सरकारी आचरण विरुद्धया बेतुकी गतिविधिया हुनिं तत्कालीन अख्तियार दुरुपयोग अनुसन्धान आयोगया प्रमुख आयुक्त लोकमानसिंह कार्कीं थःगु हे पहलं महाभियोग तःगु स्पष्ट यानादिल।

बैठकय् महान्यायाधिवक्ता रमेश बादल, नेपाल सरकारया मुख्य सचिव लीलादेवी गड्टौला, पूर्व सांसद रामनारायण विडारीपिनिगु उपस्थित दुगु खः।

प्रधानमन्त्री केपी शर्मा ओलीं पोखरा व गौतमबुद्ध अन्तर्राष्ट्रिय विमानस्थल पूर्ण क्षमताय् सञ्चालनया निंतिं सम्बन्धित मन्त्रालयपाखें स्पष्ट योजना फ्वंगु दु।

सिंहदारबारय् च्वंगु प्रधानमन्त्री व मन्त्रिपरिषदया ज्याकुथिइ सम्बन्धित मन्त्री, सचिव व उच्च पदाधिकारीपिन्त त्रिभुवन अन्तर्राष्ट्रिय विमानस्थलया आःया उडान व यात्रु आवागमन व्यवस्थापन यायेत प्रधानमन्त्री ओलीं निर्देशन बिउगु दु।

सहलहय् प्रधानमन्त्री ओलीं निगू विमानस्थल निर्माण लिपा ताःईतक पूर्ण क्षमतां संचालन मजूगु, अले येँया विमानस्थलं क्षमता स्वयां अप्वः जुयाच्वंगु खँयात गम्भीरतापूर्वक कयाः माःगु सहजीकरणया निंतिं इनाप यानादीगु खः।

प्रधानमन्त्री ओलीं निगुलिं विमानस्थल प्रभावकारी कथं न्ह्याकेगु लागिु अध्यागमन लगायत मेमेगु सुविधा सञ्चालन यायेगु, विमानस्थल लिक्क इन्धन भण्डार मेथाय् यकेगु, हवाई इन्धनया भाः क्वकायेगु, मूल्य अभिवृद्धि कर व पर्यटन कर मकायेगु व्यवस्था यायेगु, ग्राउन्ड ह्यान्डलिङ्ग सेवा नियम कथं सुना कयावयाच्वंगु वयात हे बिइत निर्देशन बिउगु दु।सहलह लिपा प्रधानमन्त्री व मन्त्रिपरिषद्या ज्याकुथिया सचिव राजकुमार श्रेष्ठया संयोजकत्वय् सम्बन्धित फुक्क मन्त्रालयया सहसचिव दुथ्याःगु कार्यदलयात संचालनया योजना मेगु बैठकय् हयेत जिम्मेवारी बिउगु दु।

उपप्रधान लिस् अर्थमन्त्री विष्णुप्रसाद पौडेल, परराष्ट्रमन्त्री डा. आर्जु राणा देउवा, संस्कृति, पर्यटन लिसे नागरिक उड्ययनमन्त्री बद्रीप्रसाद पाण्डे, श्रम लिसे रोजगार मन्त्री शरतसिंह भण्डारी, प्रधानमन्त्रीया मुख्य सल्लाहकार विष्णु रिमाल, आर्थिक सल्लाहकार युवराज खतिवडा, नेपाल सरकारया मुख्यसचिव लीलादेवी गडटौला, प्रधानमन्त्रीया मू स्वकीय सचिव राजेश बज्राचार्य लगायतया नं ब्वति दुगु खः।

स्वतन्त्र ऊर्जा उत्पादक याइगु संस्था, नेपाल (इप्पान) न समृद्धिया आधारया कथं ऊर्जा ख्यलय् निजी क्षेत्रयात कया कानुन व नीतिइ दुथ्याकेत प्रधानमन्त्री केपी शर्मा ओलीयात माग याःगु दु।

प्रधानमन्त्री निवास, बालुवाटारय् इपानया अध्यक्ष गणेश कार्कीया नेतृत्वय् छगु पुचः थौ प्रधानमन्त्री ओलीयात नापलायेगु झ्वलय् संसदय् विचाराधीन विद्युत् विधेयक, २०८० यात निजी क्षेत्रयात न दुथ्याका पारित यायेत माग याःगु दु।

प्रस्तावित विधेयकय् दुगु प्रतिस्पर्धाया प्राबधानं निजी क्षेत्रया लुँखा तिना उमिके दुगु करिव ३० हजार मेगाया क्षमता दुगु आयोजना स्वतः खारेज जुइगु व उगु आयोजना विदेशी तयेगु ल्हातय् वनिइ धका धाःगु खः।

उगु संस्थां पाइपलाइनय् रहेका १३ हजार मेगाया क्षमता दुगु आयोेजना याकन मत मिइगु व्यापार सम्झौता (पिपिए) चाय्केत न माग याःगु दु।

प्रधानमन्त्री केपी शर्मा ओलीं सम्बन्धित मन्त्रीपिन्त ग्वहालि याना लिच्वः वइगु कथं ज्या यायेत न्हुपि राज्यमन्त्रीपिन्त निर्देशन बिउगु दु।

प्रधानमन्त्री लिसे मन्त्रिपरिषदया कार्यालय सिंहदरबारय् थौ न्हुपि स्वम्ह राज्यमन्त्रीपिन्त सपथ ग्रहण ज्याझ्वलय् भिंतुना बिइगु झ्वलय् प्रधानमन्त्री ओलीं राज्यमन्त्रीया मू ज्या धइगु सम्बन्धीत मन्त्रीपिन्त ग्वहालि यायेगु जुगुलि रचनात्मक जुया थःगु ज्या यायेगु थाय् या सदुपयोग यायेत सुझाव बिउगु दु। प्रधानमन्त्री ओलीं सम्बन्धित मन्त्रीपिन्स न राज्यमन्त्रीयात माःगु जिम्मेवारी बिइगु व लिच्वः पिकायेगु विषयमा ध्यान बिइत इनाप याःगु दु।

वयकलं राज्यमन्त्रीपिन्स मन्त्रालयनाप सम्बन्धित दक्को विषय विस्तृत अध्ययन याना सूचनाया भण्डार जूया ज्यायाना मन्त्रीपिन्त ग्वहालि यायेत इनाप याःगु दु।अथेहे प्रधानमन्त्री ओलीं त्रिभुवन अन्तर्राष्ट्रिय विमानस्थल नापं दुगु इन्धन भण्डारं खतरा जुइगुलि उगु भण्डार मेथाय् यकेत सम्बन्धित मन्त्री व राज्यमन्त्रीयात निर्देशन बिउगु दु।

न्हुपि स्वम्ह राज्यमन्त्रीपिन्स शपथ काःगु दु।

थौ शुक्रवाः न्हुपि स्वम्ह राज्यमन्त्रीपिन्स प्रधानमन्त्री केपी शर्मा ओलीपाखे पद व गोपनियताया शपथ काःगु दु। कांग्रेसं रूपा विक व पूर्णबहादुर तामाङ नाप नागरिक उनमुक्ति पार्टीपाखे अरुण चौधरी राज्यमन्त्री नियुक्त जूगु खः।

अरुणयात संस्कृति पर्यटन लिसे नागरिक उड्डयन, रूपालाई वन लिसे वातावरण व पूर्णबहादुरयात ऊर्जा जलश्रोत लिसे सिँचाइ राज्यमन्त्री जूगु खः। थ्व नाप आः २५ सदस्यीय मन्त्रिपरिषदं पूर्णता जूगु दु।